شارجہ(بی این پی )پی ایس ایل میں کوئٹہ گلیڈی ایٹرز کی نمائندگی کرنے والے مایہ ناز بیٹسمین کیون پیٹرسن نے پی ایس ایل کے فائنل کے حوالے سے بات کرتے ہوئے کہا کہ لاہور جانے یا نہ جانے کا فیصلہ ابھی تک نہیں کیا اگر میری ٹیم فائنل میں پہنچ جاتی ہے تو پھر میں فیصلہ کروں گا۔ ٹیم اچھی سطح پر ہے ،امید ہے کہ فائنل میں پہنچ جائے گی۔ پی ایس ایل کے بعد میرا کھیلنا کا کوئی منصوبہ نہیں ہے،مجھے اپنے اہل خانہ کو بھی وقت دینا ہے۔سابق انگلش بیٹسمین نے اپنے ایک انٹرویو میں کہا کہ فائنل میں پہنچنے کی صورت میں لاہور جانے یا نہ جانے کا فیصلہ ابھی تک نہیں کیا ہے۔، اگر میری ٹیم فائنل میں پہنچ جاتی ہے تو پھر میں فیصلہ کروں گا کہ پاکستان میں کھیلنا ہے یا نہیں۔کوئٹہ گلیڈی ایٹرز کو بہتر ٹیم گردانتے ہوئے انھوں نے کہا کہ ٹیم اچھی سطح پر ہے اور امید ہے کہ فائنل میں پہنچ جائے گی۔اپنی بیٹنگ کے حوالے سے کیون پیٹرسن کا کہنا تھا کہ میں بگ بیش سے واپس آیا تھا اور میں 10 سے بھی کم اسکور پر تھا جس سے مجھے کوئی مسئلہ نہیں تاہم کھیل پر بات کرنے والے کو مسئلہ ہوسکتا ہے لیکن میرے لیے رنز کوئی مسئلہ نہیں ہے۔
