دبئی(نیوزایجنسیاں) پاکستانی فاسٹ باو¿لر عمر گل ہاتھ میں فریکچر کے سبب پاکستان سپر لیگ کے بقیہ میچز سے باہر ہو گئے ہیں۔ہفتے کو پشاور زلمی کے خلاف میچ میں وہاب ریاض کی گیند لگنے سے عمر گل ہاتھ کی انجری کا شکار ہوئے تھے۔بعد میں اسکین سے ان کے ہاتھ میں فریکچر کا انکشاف ہوا جس کے سبب وہ ایونٹ کے بقیہ میچز نہیں کھیل سیں گے۔کوئٹہ گلیڈی ایٹرز نے ان کے متبادل کے طور پر فاسٹ باو¿لر احسان عادل کو منتخب کیا ہے اور پی سی بی کی منظوری کے بعد احسان عادل کو اسکواڈ میں شامل کرلیا جائے گا۔وہاب ریاض نے عمر گل کی انجری پر افسوس کا اظہار کرتے ہوئے کہا کہ عمر گل آپ فائٹر ہیں اور جانتے ہیں کہ میں نے یہ جان کر نہیں کیا، مجھے امید ہے کہ آپ جلد صحتیاب ہوں گے۔عمر گل نے بھی ٹوئٹر پر اپنی تصاویر پوسٹ کر کے انجری کے بارے میں آگاہ کیا اور شائقین سے جلد صحتیابی کی دعا کرنے کی درخواست کی۔کوئٹہ گلیڈی ایٹرز نے بھی اپنے اہم باو¿لر کی انجری پر افسوس کا اظہار کرتے ہوئے جلد صحتیابی کی دعا کی۔
