فیصل آباد(شوبز ڈیسک )شادی کی تقریب میںپابندی کے باوجود شیشے کا استعمال کر نے پر گلو کار امانت علی کیخلاف مقدمہ درج کر لیا گیا۔ذرائع کے مطابق گلوکار امانت علی کیخلاف اپنے ولیمے کی تقریب میں شیشے کا استعمال کرنے پر تھانہ مدینہ ٹاون میں مقدمہ درج کیا گیا ہے جس میں امانت علی ، نزاکت علی ، ہوٹل مینیجر منظور احمد اور منیجر حاجی اشرف کو بطور نامزد ملزم جبکہ 10نامعلوم ملزمان بھی مقدمے میں شامل ہیں۔پولیس حکام کا کہنا ہے کہ امانت علی کی شادی کی تقریب میں شیشے کا بے دریغ استعمال کیا گیا ۔۳جبکہ تقریبات میں شیشے کے استعمال پر پابندی عائد ہے تاہم ابھی تک کسی کی گرفتار ی عمل میں نہیں آئی ۔
