لاہور(ویب ڈیسک)لاہور میں ایک رنگارنگ میوزیکل فیشن شو کا انعقاد کیا گیا جس میں ماڈلز نے ریمپ پر دلفریب اداوں کے ساتھ کیٹ واک کی۔ فیشن شو میں رقص اور میوزک کے تڑکے نے ماحول کو گرما دیا۔ تفصیلات کے مطابق لاہور کے مقامی ہوٹل میں سجائے جانے والے میوزیکل فیشن شو میں تفریح کے سبھی رنگ نظر آئے ، روشنیوں سے سجی اس تقریب میں دیدہ زیب پہناوے پہن کر ماڈلز نے ریمپ پر واک کی اور اپنی دلفریب اداوں سے خوب سماں باندھ دیا۔ عروسی لباس زیب تن کیئے ایک ماڈل کیٹ واک کے دوران لڑکھڑا کر گر پڑی۔ رنگا رنگ فیشن شومیں بدمزگی بھی دکھنے کو ملی ایونٹ آرگنائز ر اور ماڈل ڈولی کا جھگڑاتھا ماڈل نے الزام لگایا کہ میرا رجسٹرڈ شدہ لوگو فیشن شو میں استعمال کیا ہے۔ خوبصورت ماڈلز اور رنگارنگ روشنیوں میں ڈوبا ہوا فیشن شو اس وقت اپنے پورے جوبن پر پہنچ گیا جب گلوکاروں نے اپنی آواز کا جادو جگاتے ہوئے حاضرین کو مسحور کر دیا۔ میوزیکل فیشن شو کے شرکائ کے چہرے خوشی سے چمکتے اور دمکتے دکھائی دے رہے تھے۔
