لندن (وجاہت علی خان سے) افواج پاکستان کے چیف قمر جاوید باجوہ اپنے تین روزہ سرکاری دورے پر لندن پہنچ گئے۔ اتوار کی دوپہر لندن پہنچنے پر پاکستانی ہائی کمیشن برطانیہ اور برٹش آرمی کے سینئر افسران نے ان کا استقبال کیا خبریں ذرائع کے مطابق آرمی چیف کے ہمراہ ڈی جی آئی ایس پی آر میجر جنرل آصف غفور بھی موجود ہیں۔ آرمی چیف اپنے تین روزہ دورے میںبرٹش آرمی کی اعلیٰ قیادت سے بھی ملاقاتیں کریں گے۔ ذرائع کا کہنا ہے کہ یہ ایک روٹین کا دورہ ہے کیونکہ ہر سال ایک دورہ پاکستان اور ایک دفعہ برطانوی آرمی چیف ایک دوسرے کے ملک کا دورہ کرتے اور باہمی دفاعی معاملات پر تبادلہ خیال کرتے ہیں آرمی چیف کے اعزاز میں آج پیر کی شام ہائی کمیشن کی طرف سے ایک عشائیے کا اہتمام بھی کیا گیا ہے جس میں پاکستان کمیونٹی کے سرکردہ افراد شرکت کریں گے۔
