ممبئی(ویب ڈیسک) ملک میں ماحولیاتی آلودگی کیخلاف کوئی اقدامات نہ اٹھانے پر بھارت کی ایک 9 سالہ طالبہ نے اپنی ہی حکومت کیخلاف مقدمہ دائر کر دیا ہے۔غیر ملکی خبر رساں ادارے کے مطابق بھارت کی ایک 9 سالہ لڑکی نے ماحولیاتی ا?لودگی کیخلاف کوئی اقدامات نہ اٹھانے پر مودی سرکار پر مقدمہ کر دیا ہے۔ یہ مقدمہ ایک خصوصی عدالت میں دائر کیا گیا ہے۔ ریدھیما پانڈے نامی اس 9 سالہ لڑکی کی جانب سے دائر درخواست میں بھارتی حکومت کیخلاف الزام عائد کیا گیا ہے کہ وہ ماحولیاتی ا?لودگی اور اس کے مضر اثرات کا مقابلہ کرنے کیلئے ٹھوس اقدامات کرنے میں ناکام رہی ہے۔
غیر ملکی میڈیا کے مطابق ریدھیما پانڈے نے عدالت کو پچاس سے زائد صفحات پر مشتمل درخواست لکھی ہے جس میں میں کہا گیا ہے کہ درخواست دہندہ ایک ایسے بھارتی باشندے کے طور پر انصاف کی خواہش مند ہے، جسے باقی تمام بھارتی شہریوں کی طرح ماحولیاتی تبدیلیوں اور ماحولیاتی آلودگی کی وجہ سے شدید قسم کے خطرات لاحق ہیں۔ خیال رہے کہ دنیا کے 10 آلودہ ترین بڑے شہروں میں سے 4 بھارت میں ہیں۔
