کابل(ویب ڈیسک) امریکا نے افغانستان کے علاقے ننگرہار میں پہلی بار نان نیوکلیئر بم کا استعمال کیا ہے۔ اس نان نیوکلیئر بم کو شدت پسند تنظیم داعش کے ٹھکانوں کو تباہ کرنے کے لیے استعمال کیا گیا۔ غیر ملکی خبر رسااں ادارے کے مطابق جی بی یو 43 میسو آرڈیننس ایئر بلاسٹ بم (ایم او اے بی) نان نیوکلیئر بم کو “مدر آف آل بمز” تمام بموں کی ماں کہا جاتا ہے۔ افغانستان میں بمباری سے بڑی تعداد میں ہلاکتوں کا خدشہ ظاہر کیا جا رہا ہے۔اس حملے کو گزشتہ ہفتے افغانستان میں ہلاک کیے گئے امریکی فوجی کی ہلاکت کا ردعمل قرار دیا جا رہا ہے۔ امریکی وزارت دفاع پینٹاگان نے حملے کی تصدیق کرتے ہوئے کہا ہے کہ نان نیوکلیئر بم کو افغانستان کے صوبہ ننگرہار میں گرایا گیا۔ پینٹاگان کے مطابق 9800 کلوگرام وزنی یہ بم جمعرات کی شام کو ننگرہار کے ڈسٹرکٹ آچن میں گرایا گیا۔
امریکی ایئر فورس کے ترجمان کرنل پیٹ رائڈر کا کہنا ہے کہ 21 ہزار پونڈ وزنی لارجسٹ نان نیوکلیئر بم جی بی یو 43 بی (دی مدر آف آل بومب) پہلی بار کسی لڑائی میں استعمال کیا گیا ہے۔
پنٹاگون کے ترجمان ایڈم اسٹمپ کے مطابق خوفناک ترین بم ایم سی 130 طیارے کے ذریعے اہداف پر گرایا گیا۔
امریکی حکام کے مطابق آئی ایس آئی ایس خراسان کئی ٹھکانوں سے ہاتھ دھونے کے بعد زیر زمین ٹھکانوں تک محدود ہوگئی ہے، داعش افغانستان کو کسی بھی طرح کا موقع فراہم نہیں کریں گے۔
