لاہور(کلچرل رپورٹر)اداکارہ ثنا وزن کم کرنے کے جنون میں مبتلا ہیں جس کے لئے وہ روزانہ کئی گھنٹے جم میں گزارتی ہیں۔ثنا ان دنوں ڈرامہ سیریل”رنگریزا“کی ریکارڈنگ کے لئے لاہورمیں جہاں وہ باقاعدگی سے جم بھی جارہی ہیں۔اس بارے میں ان کے قریبی ذرائع نے بتایا ہے کہ ثنانے کئی سال پہلے سرجری بھی کرائی تھی لیکن اب بعض وجوہات کی بناپر ڈاکٹرزنے انہیں سرجر ی سے منع کردیا ہے جس کی وجہ سے وزن کم کرنے کے جم اور ڈائٹنگ کررہی ہیں۔ اس بارے میں ثنا کا کہنا ہے کہ آج کے دورمیں فنکارکے لئے فٹنس بہت ضرروی ہے کیونکہ صحت مندجسم اور دماغ کام کے لئے بہت ضرروی ہے۔
انہوں نے بتایا کہ میں کئی سالوں سے باقاعدگی سے ایکسرسائز کرتی ہوں اور بہت سال پہلے میں نے لاہورمیں اپنے گھر میں ایک جدید ترین جم بھی بنایا تھا،میں چاہے جتنی بھی مصروف ہوں لیکن جم کے لئے ٹائم ضرورنکالتی ہوں۔
