لاہور(کلچرل رپورٹر)اداکار ثمینہ پیرزادہ نے غیرمعیاری فلموں سے دوری اختیارکرتے ہوئے کئی پروڈیوسرزکو انکارکردیا ۔ذرائع نے بتایا کہ حال ہی میں ثمینہ پیرازدہ کو کئی فلموں میں کام کی پیشکش کی گئی ہیں لیکن انہوں نے بہت سی فلموں میں کام سے معذرت کرلی ہے ۔اس بارے میں ثمینہ پیرازادہ کا کہنا ہے کہ میں نے جب ماضی میں کام کیا تھا تواس وقت بھی یہی اصول بنایا تھا کہ میں معیاری سکرپٹ اور اچھی ٹیم کے ساتھ کام کرتی تھی اور اب بھی یہی کررہی ہوں۔ اگرچہ میں اب بھی فلموں میں کام کررہی ہوں لیکن میں ہرکسی کی فلم میں کام نہیں کرسکتی اور اس کے لئے کسی کو ناراض ہونے کی ضرروت بھی نہیں ہے ۔ایک سوال کے جواب میں ثمینہ پیرزادہ نے کہا کہ ابھی میرااپنی فلم شروع کرنے کا کوئی ارادہ نہیں ہے کیونکہ ان دنوں میں مختلف ٹی وی پراجیکٹس میں بہت زیادہ مصروف ہوں۔
