نئی دہلی(خصوصی رپورٹ)بھارت نے کلبھوشن یادیو کا بہا نہ بنا کر پاکستان کے ساتھ سالانہ مذاکرات منسوخ کردیئے ہیں۔بھارتی میڈیا کے مطابق پاکستان اور بھارت کے درمیان سالانہ کی بنیاد پر مذاکرات کو جاسوس کلبھوشن یادیو کے معاملے کے باعث ملتوی کردیا گیا ¾ میڈیا رپورٹ کے مطابق پاکستان اوربھارت کے درمیان پیر سے کوسٹ گارڈ اور میری ٹائم سیکیورٹی کے درمیان مذاکرات ہونے تھے۔بھارتی وزارت دفاع کے مطابق کلبھوشن یادیو کو پھانسی کی سزا کے بعد یہ پاکستان کے ساتھ سیکورٹی معاملات پر بات چیت کرنے کاموقع نہیں۔خیال رہے کہ پاکستان میں دہشگردانہ کارروائیوں میں ملوث ہونے کی بناءپر بھارتی جاسوس کلبھوشن یادیوکو سزائے موت سنا دی گئی اور اس کے بعد بھارت نے پاکستان کو دھمکیاں دینا شروع کردی ہیں کہ کلبھوشن بھارت کا بیٹا ہے اور اس کو رہا کرانے کیلئے آخری حد تک جائیں گے۔
