لاہور ( شوبز ڈیسک) اداکارہ صاحبہ نے کہا ہے کہ شادی کے بعد بچوں اور گھریلو امور پر توجہ دینا زیادہ ضروری ہوتا ہے اور بچوں کو خاص طور پر والدین کی بھرپور توجہ درکار ہوتی ہے اور ماں کا کردار سب سے زیادہ اہم ہوتا ہے وہی اپنے بچے کو اس ملک کا اچھا اور ذمے دار شہری بنانے کے لئے قدم قدم رہنمائی کرتی ہے ۔ انہوں نے خصوصی گفتگو کرتے ہوئے کہا کہ میں بھی اپنے بچوں کے لئے ایک اچھی ماں ثابت ہونا چاہتی ہوں تاکہ مستقبل میں جا کر میرے بچے اس ملک کے باعزت اور ذمے دار شہری بن سکیں اور یہ صرف میری ہی نہیں بلکہ ہر ماں کی ذمہ داری ہوتی ہے ۔ صاحبہ نے کہا کہ آج بھی مجھے فلموں کی بے شمار آفرز ہیں مگر میری پہلی ترجیح میرے بچے ہیں ۔ ایک سوال کے جواب میں انہوں نے کہا کہ میں اور میرے شوہر ریمبو اپنے بچوں کی تعلیم و تربیت پر بھرپور توجہ دے رہے ہیں ۔، جب بچے تھوڑے بڑے ہو جائیں گے تو پھر میں اپنے شوہر کے ساتھ مل کر اپنے پراجیکٹ میں کام کروں گی ۔ لیکن اس وقت میری تمام توجہ گھریلو امور کی طرف ہے ۔
