لاہور(کلچرل رپورٹر)اداکارہ میراکی سالگرہ کے موقع پر ان کی عمر کے بارے میں ایک بار پھر تنازع کھڑا ہوگیا کیونکہ میرا کا دعویٰ ہے کہ ان کی عمر ابھی صرف32 سال جبکہ ان کے قریبی ذرائع کا کہنا ہے کہ اصل عمر39سال ہے۔ دوسری طرف میراکا کہنا ہے کہ وکی پیڈیا اورگوگل پرلکھی گئی ان کی تاریخ پیدائش غلط ہے وہ1976میں نہیں بلکہ1985میں پیدا ہوئیں جس کا ثبوت بھی ان کے پاس ہے ۔یہ امر قابل ذکر ہے کہ میرا ہرسال اپنی سالگرہ پر عمر کے بارے میں پوچھے گئے سوال کا جواب دینے کی بجائے یہی کہتی ہیں کہ خواتین سے ان کی عمر نہیں پوچھنی چاہیئے۔ میراکا کہنا ہے کہ وہ آج اپنی سالگرہ غریب اور یتیم بچوں کے ساتھ منائیں گی۔
