لاہور (مانیٹرنگ ڈیسک) چینل فائیو کے پروگرام ”مرحبا رمضان“ میں گفتگو کرتے ہوئے عالم دین علامہ محمد اصغر نے کہا ہے کہ بیت اللہ کے مقام پر جب رسول اور کفار کے درمیان صلح نامہ ہو گیا تو پوری وادی میں امن وامان ہو گیا۔ معاہدہ 10 سال کےلئے ہوا تھا۔ فتح مکہ کا سبب کفار کی جانب سے معاہدے کے باوجود مسلمانوں کے قبیلے پر شب خون مارنا تھا۔ رسول کےلئے جب خانہ کعبہ کو کھول دیا گیا تو آپ حضرت بلالؓ کے ساتھ بیت ا للہ میں داخل ہوئے۔ اس وقت آپ یہ دعا پڑھتے جا رہے تھے ”حق آ گیا ہے، حق آنے ہی والا تھا“، باطل مٹ گیا ہے باطل مٹنے ہی والا تھا“۔ مذہبی سکالر عبدالرزاق میاں نے کہا ہے کہ فتح مکہ کےلئے مسلمانوں کا لشکر رسول کی قیادت میں 8 رمضان کو مدینہ سے روانہ ہوا تھا، 18 کو مکہ میں داخل ہوا اور 20 رمضان کو مکہ فتح ہو گیا تھا۔ علامہ ابوذر نجفی نے کہا ہے کہ فتح مکہ ہو یا کوئی اور تاریخی واقعہ اس سے حضور کے مختلف پہلو اجاگر ہوتے ہیں۔ اللہ تعالیٰ اپنے گھر کی خود حفاظت فرماتا ہے۔ قرآن مجید میں ہے کہ جب کفار خانہ کعبہ کو نقصان پہنچانے آئے تھے تو کس طرح ابابیل آئے اور ان کی چھوٹی چھوٹی کنکریاں کتنی بڑی ہو کر کفار کے ہاتھیوں پر برسیں۔ سی ای او شوکت خانم ہسپتال ڈاکٹر فیصل سلطان نے کہا ہے کہ بہت سارے اداروں میں ماہِ رمضان میں کام کرنے کے دورانیے میں کمی کر دی جاتی ہے جبکہ شوکت خانم میں روٹین کے مطابق کام جاری رہتا ہے۔ روزہ رکھنے کا مطلب ہرگز آرام کرنا نہیں ہوتا۔ اداروں اور مسلمانوں کو مضبوط ہونا چاہیے۔ زکوٰة کے ساتھ غریبوں کا علاج ہوتا ہے۔ زکوٰة سال بھر میں کسی بھی وقت لی اور دی جا سکتی ہے لیکن ایک رجحان بن گیا ہے کہ ماہِ رمضان میں ہی زکوٰة دینی ہے۔ انہوں نے کہا کہ عمران خان کی سیاست کا شوکت خانم ہسپتال سے کوئی تعلق نہیں۔ پروگرام میں نعت خواں اختر حسین قریشی نے نعت ” میں تو مر جاتا اگر ساتھ نہ ہوتا تیرا“ اور”یامصطفی خیرالوریٰ، آقا تیرے جیا کوئی نہیں“ پیش کیں۔اسلام آباد (مانیٹرنگ ڈیسک) تحریک انصاف کی رہنما عندلیب عباس نے کہا ہے کہ سیاسی و معاشی سمیت ہر طرح سے سب سے بڑے لیڈر تو رسول اللہ ہی ہیں۔ آج کل کی سیاست میں منافقت، جھوٹ و کرپشن کی بھرمار ہے۔ عوام کو بھی چاہیے کہ ایسے سیاستدانوں کو ووٹ نہ دیں جن کی باتیں ان کے کردار سے نہیں ملتیں۔ قوم میں معاشی، سماجی اضطراب بڑھتا جا رہا ہے۔ امیر امیر تر اور غریب غریب تر ہوتا جا رہا ہے۔ حکومت نے کوئی کام نہیں کیا۔ کے پی میں جتنا 5 سالوں میں کام ہوا 50 سالوں میں نہیں ہوا۔ انہوں نے کہا کہ سیاسی جماعت 20 کروڑ عوام کی نمائندگی کرتی ہے۔لاہور (مانیٹرنگ ڈیسک) فیشن ڈیزائنر ملائیکہ خان نے کہا ہے کہ ماہِ رمضان میں عید کی تیاریاں شروع ہو جاتی ہیں۔ لوگ بڑے شوق سے اپنی پسند کے کپڑے تیار کرواتے ہیں۔ جو وقت پر دینا ہوتے ہیں۔ سب سے پہلے تو میں خود اپنے کپڑے تیار کرتی ہوں۔لاہور (مانیٹرنگ ڈیسک) گلوکار شاہد نذیر نے کہا ہے کہ ”ون پاﺅنڈ فش“ گانا بیرون ملک اپنی مچھلیاں فروخت کرنے کےلئے گنگنا رہا تھا کہ یہی گانا میری مقبولیت کا باعث بن گیا۔ انہوں نے پنجابی کلام ”طیبہ دیاں کیا باتاں“ بھی پیش کیا۔
لاہور (مانیٹرنگ ڈیسک) پنجابی شاعرہ انجم قریشی نے کہا ہے کہ فتح مکہ میں پوری دنیا کےلئے سبق موجود ہے۔ بہت سارے کفار مسلمانوں کا اخلاق دیکھ کر ایمان لے آئے۔ فتح مکہ واقعہ کا مطالعہ کریں تو ایمان تازہ ہو جاتا ہے۔ انہوں نے پنجابی کلام ”منٹ، سکینٹ تے کینٹے، کڑھیاں ننگ کے آگئے یار“ بھی پیش کیا۔
