جیونی، کراچی (نیٹ نیوز) پاک بحریہ کے ترجمان کے مطابق جیونی میں پاک بحریہ کی گاڑی پر فائرنگ کی گئی ہے، فائرنک کے نتیجے میں 2اہلکار شہید جبکہ3اہلکار زخمی ہوگئے ہیں۔ پاکستان بحریہ کے ترجمان کے مطابق جیونی میں موٹر سائیکل سوار دہشت گردوں کی جانب سے پاک بحریہ کی گاڑی پر فائرنگ کی گئی، فائرنگ کے فوری بعد امدادی کارروائیوں کے لئے ایک ہیلی کاپٹر بھیجا گیا، حملے میں 2اہلکار شہید اور 3زخمی ہوئے جبکہ ایک زخمی کی حالت تشویشناک ہے۔ زخمیوں کو کراچی منتقل کیا جا رہا ہے، شرپسند پاک بحریہ کو جھکا نہیں سکتے، شرپسندوں کو ہر حال میں کیفر کردار تک پہنچایا جائے گا۔
