شیخوپورہ ‘ اوکاڑہ(مانٹیرنگ ڈیسک)آج صبح شیخوپورہ میں لوٹ مار کرنے والے 2ڈاکو شہریوں کی فائرنگ سے ہلاک جبکہ 2فرار ہونے میں کامیاب ہوگئے۔ پولیس کے مطابق ڈاکو شہریوں کو لوٹ رہے تھے کہ ڈاکوﺅں نے ایک گاڑی کو روکنے کی کوشش کی تو کارسواروں نے فائرنگ کردی۔ ڈاکوﺅں کو مارنے والے کار سوار بھی موقع سے فرار ہوگئے۔ ادھر اوکاڑہ ، دیپالپور کے قریب مبینہ پولیس مقابلے میں 2ڈاکو مارے گئے، ڈی پی او کے مطابق ڈاکو کو زخمی حالت میں رات گئے پکڑا گیا تھا ۔ ڈاکو کو لے جارہے تھے کہ اس کے 6ساتھیوں نے حملہ کردیا جس میں زخمی ڈاکو مارا گیا۔ فائرنگ کے تبادلے میں ایک حملہ آور بھی مارا گیا۔ جبکہ 5 فرار ہونے میں کامیاب ہوگئے۔ اوکاڑہ میں ایک دوسرے مبینہ پولیس مقابلے میں ایک ڈاکو مارا گیا۔
