دوشنبے(آئی این پی) وزیراعظم محمد نواز شریف اور تاجکستان کے صدر امام علی رحمان نے مشترکہ پریس کانفرنس کی صدر امام علی رحمان نے کہا محمد نواز کے دورے سے دوطرفہ تعلقات میں وسعت آئے گی پاکستان اور تاجکستان کے قریبی تعلقات ہیں وزیراعظم محمد نواز شریف نے کہا کہ صدر امام علی کی دعوت پر تاجکستان کے دورے پر خوشی ہوئی پاکستان اور تاجکستان تاریخی اور ثقافتی رشتوں میں بندھے ہیں دورہ دونوں ملکوں کے تعلقات کی 25سالگرہ سے مطابقت رکھتا ہے دونوں ممالک کا بہت سے مسائل پر یکساں موقف ہے یقین رکھتے ہیں کہ علاقائی اور عالمی مسائل مذاکرات کے ذریعے حل ہونے چاہیے انہوں نے مزید کہا کہ ملاقات میں سڑک ،ریل اور فضائی رابطوں کی اہمیت پر بھی بات ہوئی ،دوطرفہ تجارت کا فروغ مربوط علاقائی روابط رکھنے کے لیے ضروری ہے مختلف منصوبوں کی جلد تکمیل دونوں ملکوں کے تعلقات میں اہم سنگے میل ثابت ہوگی گزشتہ ماہ دوشنبے میں پاکستان تاجکستان بزنس اورم بھی قائم کیا گیاتھا پاکستان دوشنبے میں سفارتخانے میں جلد الگ کمرشل سیکشن بھی کھولے گا ۔بدھ کو وزیراعظم محمد نواز شریف اور تاجکستان کے صدر امام علی رحمان نے ون ٹو ون ملاقات کے بعد مشترکہ پریس کانفرنس کرتے ہوئے تاجکستان کے صدر امام علی رحمان نے کہا کہ وزیراعظم محمد نواز شریف کے دورے سے دوطرفہ تعلقات میں وسعت آئے گی۔ پاکستان اور تاجکستان کے قریبی تعلقات ہیں ۔اس موقع پر وزیراعظم نواز شریف نے کہا کہ صدر امام علی رحمان کی دعوت پر تاجکستان کے دورے پر خوشی ہوئی ہے۔ گرم جوشی سے استقبال اور مہمان نوازی پر شکرگزار ہوں ۔ تاجکستان میں سیاسی استحکام ،سماجی ہم آہنگی اور اقتصادی ترقی متاثر کن ہے۔ صدر رحمان کی قیادت میں ترقی کا حصول قابل تعریف ہے۔ پاکستان اور تاجکستان تاریخی اور ثقافتی رشتوں میں بندھے ہیں۔ قریبی تعاون اور اعلیٰ سطح پر تبادلوں کے تسلسل سے تعلقات مزید مستحکم ہوئے ہیں۔ انہوں نے کہا کہ پاکستان پہلے ملکوں میں شامل ہے جس نے تاجکستان کی آزادی کو تسلیم کیا ۔دورہ دونوں ملکوں کے تعلقات 25ویں سالگرہ سے مطابقت رکھتا ہے۔ دوطرفہ تعلقات کی سالگرہ پر تاجکستان کو دلی مبارک باد پیش کرتا ہوں۔ 2014سے میرا تاجکستان کا یہ چوتھا دورہ ہے۔ نومبر 2015 سے پاکستان کے دو مرتبہ دورے پر صدر امام علی خان کا شکر گزار ہوں۔ اعلیٰ سطح دوروں کا تسلسل دونوں ملکوں کے تعلقات کی اہمیت کا عکاس ہیں۔ ہم تاجکستان سے دوطرفہ تعلقات مزید مستحکم کرنا چاہتے ہیں۔ نواز شریف نے کہا کہ پاکستان اور تاجکستان کا بہت سے مسائل پر یکساں موقف ہے۔ یقین رکھتے ہیں کہ علاقائی اور عالمی مسائل مذاکرات کے ذریعے حل ہونے چاہیں۔وزیراعظم نوازشریف کا کہنا ہے کہ جمہوریت کو آگے بڑھنا اور ترقی کا عمل جاری رہنا چاہئے، اور ہر وزیراعظم کو پانچ سال پورے کرنے چاہئیں، نجی ٹی وی کے مطابق تاجکستان پہنچنے پر میڈیا سے بات کرتے ہوئے وزیراعظم نوازشریف کا کہنا تھا کہ ہر وزیراعظم کو 5سال پورے کرنے چاہئیں، جمہوریت کو آگے بڑھنا اور ترقی کا عمل جاری رہنا چاہئے، سیاسی اتار چڑھاو¿ سے سٹاک ایکسچینج میں ہزاروں پوائنٹس کا گراف آیا لہٰذا ایسی صورتحال نہیں ہونی چاہئے اور حالات ٹھیک رہنے چاہئیں۔
