کراچی(ویب ڈیسک) لاجواب سروس کے باکمال پائلٹ بغیر آرام کیے کئی سو مسافروں کو زندگیاں خطرے میں ڈال کر مسلسل جہاز اڑاتارہا۔ پی آئی اے کاسینئر پائلٹ جو کہ پالپا کا سابق نائب صدر بھی رہا ہے اس نے36گھنٹے کی ریسٹ کیے بغیر بونس کے لالچ میں جہاز کی سیٹ پر بیٹھ گیا۔ پی آئی اے شیڈول کے مطابق صادق رحمان نے دو جولائی کو لاہور پہنچ کر تین جولائی کو 36 گھنٹے کا آرام کرنا تھا اور چار جولائی کو کینیڈا روانہ ہونا تھا مگر مسٹر رحمان نے بونس کے لالچ میںبغیر آرام کیے تین جولائی کو رات 30 کلو کے دو سوٹ کیس لیکر ٹورنٹو کو چل دیئے۔ پی آئی اے اور سی سی اے اور اے این او کے مطابق کسی بھی پائلٹ کو اگلی فلائٹ پکڑنے سے پہلے کم از کم 24گھنٹے آرام کرناہوتا ہے جبکہ وہ اس کا عملہ تازہ دم ہو کر سفر کیلئے روانہ ہو۔ بے خوابی اور بے آرامی سے پائلٹ سینکڑوں مسافروں کی زندگیوں کو خطرے میں ڈال سکتا ہے۔ پی آئی اے کے قوانین پر کون عمل پیرا ہوتا ہے اس کی ایک مثال پائلٹ صادق رحمان ہے۔
