کراچی (شوبز ڈیسک ) ہدایتکار کاشف نثار نے نئی ڈرامہ سیریل او رنگریزا کا کیمرہ کلوز کردیا۔ ڈرامہ رائٹر ساجی گل نے بتایا اسکی کہانی باپ اور بیٹی کے رشتے کے گرد گھومتی ہے ،بھارتی فلم مام میں عمدہ کردارنگاری کرنیوالی سجل علی ڈرامے کے متاثر کن کردار میں جلوہ گر ہورہی ہیں۔سجل علی نے کہا اس سیریل میں میرے فینز ایک نئی سجل کو دیکھیں گے ،میں نے کردار میں ڈوب کر اداکاری کرکے اپنی فنکارانہ صلاحیتوں کے جوہر دکھائے ہیں۔ پروڈیوسر مومل شنید نے میرا انتخاب کرکے مجھے ایک مشکل کردار دیا ہے ،ساتھی فنکاروں نعمان اعجاز ،ارسہ غزل ، ثنا فخر ، بلال عباس، سونیا مشعل ، عمیر رانا ، فریحہ جبیں ، حمزہ فردوس و دیگر نے بھی میرے کام کو سراہا ہے۔ اس موقع پر ان فنکاروں کا کہنا تھا کسی بھی سیریل کو مقبول بنانے میں ٹیم ورک کا بڑا عمل دخل ہوتا ہے ہم سب نے اس ڈرامے میں اپنے اپنے کرداروں میں حقیقت کا رنگ بھرنے کی بھرپور کوشش کی ہے۔
