اسلام آباد (مانیٹرنگ ڈیسک) سابق چیئرمین سینٹ وسیم سجاد نے کہا ہے کہ نواز شریف کو عدالت نے 63 ون ایف کے تحت نااہل کیا گیا۔ اس شق کے تحت جس کو نااہل کیا جائے وہ تاعمر نااہل ہوتا ہے۔ چینل فائیو کے پروگرام ”لائیو ایٹ 8 “ میں گفتگو کرتے ہوئے انہوں نے کہا کہ نظرثانی اپیل پر ممکن ہے کہ سپریم کورٹ اس بارے دوبارہ رائے شبہات کو دور کرے۔ نظرثانی اپیل کریں کامیاب ہوتی ہے تاحیات نااہلی کے معاملہ پر بات ہو سکتی ہے۔ عدالت سمجھتی ہے کہ نیب اپنے فرائض ٹھیک طرح سے انجام نہیں دے رہا اس لیے مانیٹرنگ جج لگایا گیا ہے۔ جے آئی ٹی ارکان کا بیان اس لیے لیا جا رہا ہے کہ یہ تفتیش کار کا بیان ضرور لیا جاتا ہے۔ عدالتوں کے بارے میں شکایات میں کہ مقدمات میں تاخیر بہت ہوتی ہے۔ بینظیر قتل کیس کا فیصلہ 10 سال بعد سنایا گیا اتنے عرصے بعد فیصلہ آئے تو اعتماد ویسے ہی اٹھ جاتا ہے الیکشن کمیشن کو بہتر بنانے کی سخت ضرورت ہے۔ سینٹ کا الیشکن براہ راست ہونا چاہیے۔ ہماری سیاست شخصیات کے گرد گھومتی ہے، وراثتی سیاست چل رہی ہے اس وجہ سے یہاں پارلیمنٹ اتنی مضبوط نہیں ہے۔ انہوں نے کہا کہ خارجہ پالیسی حالات کے مطابق بنانا ہوتی ہے اس لیے بدلتی رہتی ہے۔ حالات کا ادراک اصل چیز ہے امریکہ ملٹری ایکشن کر سکتا ہے مختلف صوبوں سے پاکستان کو تنگ کر سکتا ہے ہمیں مقابلہ کیلئے تیار رہنا چاہیے۔ امریکہ سے لڑائی کی ضرورت نہیں ہمیں صرف سفارتکاری کے میدان میں اصل کردار ادا کرنا چاہیے۔
