لاہور (آئی این پی)قومی ٹیم کے نوجوان لیگ سپنر شاداب خان کا کہنا ہے کہ وہ شہرت ملنے کے باوجود اپنے قدم زمین ر کھنا چاہتے ہیں اور کبھی اپنے مداحوں کا سر شرم سے جھکنے نہیں دیں گے ۔ایک انٹر ویو میں شاداب خان کا کہنا تھا کہ میں ہمیشہ اللہ کو خوش رکھنے کی کوشش کرتا ہوں اور یہ بھی جانتا ہوں کہ آخر میں مجھے اسے ہی جواب دیتا ہوں، میں جانتا ہوں کہ اگر میں ایک کامیاب کرکٹر بنتا ہوں تو ہمیشہ میرے ارد گرد کے بہت سے پرکشش مقامات اور مواقع ہوں گے جن سے میں متنازعہ ہوسکتا ہے لیکن مجھے اس بات کو یقینی بنانا ہے کہ میں اپنے پیروں کو زمین پر رکھوں، میرا مقصد اپنے کام سے کام رکھنا اور بغیر کسی جھوٹی شان اور گھمنڈ کے پاکستان کے لیے کھیلنا ہے۔، بعض کھلاڑیوں نے پاکستانی عوام کو دھوکہ دیا ہے لیکن میں اپنے مداحوں کو یہ یقین دہانی کرواتا ہوں کہ میں ان کا سر کبھی جھکنے نہیں دوں گا اور ان کا دل نہیں توڑوں گا ۔
