ینگون (خصوصی رپورٹ) پاکستان کے دو نجی ٹی وی چینلز کے اینکر پرسنز کو میانمار پہنچنے پرگرفتار کر لیا گیا ہے۔ آخری اطلاعات کے مطابق ڈاکٹر عامر لیاقت میانمار پہنچ چکے تھے اور انہوں نے امیگریشن حکام کی جانب سے گرفتاری کا پیغام ویڈیو کے ذریعے دیا تھا تاہم اب ان سے رابطہ منقطع ہو چکا ہے۔ واضح رہے عامر لیاقت کے ہمراہ وقار ذکاءبھی ہیں اور دونوں اکٹھے روانہ ہوئے تھے‘ تاہم وقار ذکاءکے بارے میں کوئی حتمی معلومات سامنے نہیں آ سکیں۔ علاوہ ازیں میانمار نے پاکستان کے ایک اور نجی ٹی وی کے اینکرپرسن اقرارالحسن کو بھی حراست میں لے کر ڈی پورٹ کردیا ہے۔
