کرکٹ کی تاریخ کی اولین ورلڈ الیون کے کپتان ویسٹ انڈین آل راو¿نڈر گیری سوبرز تھے۔ پاکستان کی جانب سے انتخاب عالم اور ظہیر عباس نے نمائندگی کی تھی۔
لاہور: (ویب ڈیسک) پہلی ورلڈ الیون( 1971)میں بنائی گئی تھی جس کے کپتان ویسٹ انڈین آل راو¿نڈرز گیری سوبرز تھے۔ اس ورلڈ الیون میں انتخاب عالم اور ظہیر عباس نے پاکستان کی نمائندگی کی۔ ورلڈ الیون نے آسٹریلیا کے خلاف تین ون ڈے میچز کھیلے تھے۔( 1978) میں کیری پیکر نے آسٹریلیا میں ورلڈ سیریز کروائی تاہم اسے آئی سی سی کی حمایت حاصل نہیں تھی۔
دوسری ورلڈ الیون( 2005)میں تشکیل پائی جس کی کپتانی کرس گیل نے کی۔ پاکستان کی جانب سے شاہد آفریدی اور شعیب اختر بھی اس عالمی الیون کا حصہ تھے۔( 2005) میں ہی سونامی سے متاثرہ افراد کی مدد کے لئے ورلڈ الیون بنائی گئی جس کے قائد سابق آسٹریلوی کپتان رکی پونٹنگ مقرر ہوئے۔ سونامی ورلڈ سیریز میں ایشیا الیون کی قیادت سابق بھارتی کپتان سارو گنگولی کو سونپی گئی تھی۔ پاکستان کی جانب سے اس ورلڈ الیون میں آل راﺅنڈر عبدالرزاق اور بلے باز محمد یوسف نے صلاحیتوں کے جوہر دکھائے۔
اب فاف ڈوپلیسی کی قیادت میں ورلڈ الیون( 2017) پاکستان کے دورے پر ہے۔ عالمی الیون گرین شرٹس کے خلاف تین ٹی ٹونٹی میچ کھیلے گی۔ اس دورے کا مقصد پاکستان میں انٹرنیشنل کرکٹ کی بحالی ہے۔
