لاہور (خصوصی رپورٹ) لاہور بورڈ آف انٹرمیڈیٹ پارٹ ٹو کے نتائج میں30 پوزیشنوں میں سے 24 پوزیشنیں پنجاب گروپ آف کالجز کے طلباءو طالبات نے حاصل کیں۔ اس سلسلے میں ضیاشاہد چیف ایڈیٹر خبریں گروپ اور چیئرمین چینل ۵ نے جمعرات کے روز میاں عامر محمود چیئرمین پنجاب گروپ آف کالجز کو مبارکباد دی اور اس موقع پر روزنامہ دنیا کے ایڈیٹر سلمان غنی‘ دنیا ٹی وی کے معروف میزبان جنید سلیم‘ سہیل احمد اور نوید کاشف موجود تھے۔ ضیا شاہد کے ہمراہ خبریں کے ڈائریکٹر مارکیٹنگ میاں اکبر علی بھی موجود تھے۔ دونوں میڈیا گروپ کے سربراہوں نے قومی امور پر تبادلہ خیال کیا اور میاں عامر محمود نے خبریں کے چیف ایڈیٹر ضیاشاہد کا تہہ دل سے خیرمقدم کیا جبکہ ضیاشاہد نے کہا کہ آپ کی نگرانی میں پنجاب گروپ آف کالجز نے حال ہی میں جو شاندار اور ناقابل یقین نتائج دکھائے ہیں ان پر آپ کو اور آپ کی ٹیم کو مبارکباد پیش کرتا ہوں۔
