ینگون‘ ڈھاکہ‘ ریاض (خصوصی رپورٹ) میانمار میں روہنگیا مسلمانوں کے لئے امداد لانے والے بحری جہاز پر 300 بدھ بھکشوﺅں نے دھاوا بول کر اسے تباہ اور سامان لوٹنے کی کوشش کی۔ بنگلہ دیش میں امدادی سامان لے کر جانے والے ریڈکراس کے ٹرک کو حادثے کے باعث 9افراد ہلاک ہوگئے۔ تفصیلات کے مطابق بدھ بھکشوﺅں نے ہنگامہ آرائی راخائن ریاست کے دارالحکومت میں اس وقت پیش کی جب 50 نے عالمی ریڈ کراس کے کارکنوں کو جہاز سے زبردستی امدادی سامان اتارنے کا کہا ۔ اس دوران پولیس موقعے پر پہنچی اور ان افراد کی تعداد 300 قریب تھی۔ان افراد نے آگ لگانے والے دستی بم جہاز پر پھینکے اور غلیل سے پولیس پر حملہ کیا۔ پولیس نے حملہ آوروں کو منتشر کرنے کے لئے ہوائی فائرنگ کی اور تیز دھار پانی کا استعمال کیا۔ واقعہ میں ملوث 8 افراد کو گرفتار کر لیا گیا ہے جس سے تفتیش جاری ہے۔ ادھر بنگلہ دیش کے سرحدی قصبے کاکس بازار کے قریب روہنگیا مسلمانوں کیلئے امداد لے کر جانے والا ریڈکراس کا ٹرک حادثہ کا شکار ہو گیا۔ حادثہ ٹرک ڈرائیور کے کنٹرول سے باہر ہونے کے باعث پیش آیا۔ حادثے میں 9 افراد ہلاک ہو گئے۔ عالمی میڈیا نے بنگلہ دیش کی پولیس کے حوالہ سے جمعرات کو بتایا کہ حادثہ سرحدی قصبے کے کاکس بازار کے قریب اس وقت پیش آیا جب ڈرائیور ٹرک کا توازن برقرار نہیں رکھا سکا۔حادثے کے نتیجے میں 9 افراد ہلاک ہو گئے۔ ہلاک ہونے والوں میں زیادہ تر مزدور تھے جنہوں نے ا مدادی سامان تقسیم کرنا تھا۔ ادھر سعودی ایوان شاہی کے مشیر عبداللہ الربیعی نے کہا ہے کہ شاہ سلمان کی ہدایت پر ہنگامی بنیادوں پر روہنگیا مسلم پناہ گزینوںکی مدد کی جائے گی۔ اس حوالے سے ایک خصوصی ٹیم بنگلہ دیش کا دورہ کرے گی اور جائزے کے تناظر میں امدادی سرگرمیوںکا پروگرام مرتب کرے گی۔ بنگلہ دیش میںایرانی سفارتخانے اور وہاںکی ہلال احمر کے تعاون سے روہنگیا مسلمانوں کی امداد کیلئے خوراک‘ ادویات‘ طبی سامان اور روزمرہ اشیاءپر مشتمل 30ٹن امدادی سامان گزشتہ روز ایران کے شہید جنرل لشکری ایئربیس سے بنگلہ دیش روانہ کر دی گئی جہاں سے اسے میانمار بھیجا جائے گا اور پناہ گزین کیمپوں میں موجود ہزاروں روہنگیا مسلمانوں کو یہ سامان تقسیم کیا جائے گا۔
بذھ بھکشو
