لاہور (خصوصی رپورٹ) مسلم لیگ (ن) کی وفاقی اور صوبائی حکومتوں کے میٹرو بس منصوبوں کی لاگت میں نمایاں فرق موجود ہونے کا انکشاف ہوا ہے۔ میٹرو بس کے پنجاب کیلئے دیئے گئے ٹھیکے وفاقی حکومت کے ٹھیکوں کی نسبت منگے داموں پر دیئے گئے۔ نیوایئر پورٹ اسلام آباد کے میٹرو منصوبے کے ٹھیکے کی لاگت صرف 70 کروڑ روپے فی کلو میٹر میں طے ہوئی جبکہ ملتان کے میٹرو بس منصوبے کی لاگت اس منصوبے کی فی کلو میٹر لاگت سے دوگنی ہے جو ایک ارب 56 کروڑ روپے فی کلو میٹر میں دی گئی۔ لاہور میٹرو منصوبے کی فی کلو میٹر لاگت بھی ایک ارب دس کروڑ روپے تھیے تفصیلات کے مطابق مسلم لیگ ن کی حکومت کی جانب سے میٹرو بس کے چار منصوبے شروع کئے گئے جو لاہور‘ ملتان‘ اسلام آباد میں دو منصوبے شامل ہیں۔ اعدادوشمار کے حوالے سے انکشاف ہوا ہے کہ چاروں منصوبوں کی لاگت وفاق کے مقابلے میں زیادہ پائی گئی ے۔ سب سے کم لاگت نیوایئرپورٹ کیلئے میٹرو بس منصوبے کے ٹھیکے کی ہے جو صرف 70 کروڑ روپے فی کلو میٹر میں طے ہوئی جبکہ ملتان کے میٹرو بس منصوبے کی لاگت نیوایئر یمٹروبس منصوبے کی فی کلو میٹر لاگت سے دوگنا ایک ارب 56 کروڑ روپے میں دی گئی لاہور منصوبے کی بھی ایک کلو میٹر کی لاگت ایک ارب دس کروڑ روپے تھی۔ وفاقی دارالحکومت میں راولپنڈی اسلام آباد میٹرو بس منصوبہ 24 ارب روپے کی لاگت سے تیار کیا گیا اس ٹریک کی لمبائی 22.5 کلو میٹر ہے۔ ٹریفک کی فی کلو میٹر لاگت ایک ارب چھ کروڑ روپے آئی۔ وفاقی دارالحکومت اسلام آباد میں پشاور موڑ تا نیو ایئر رپورٹ میٹرو بس فیز ٹو کی لاگت کا اندازہ 18 ارب روپے لگایا گیا ہے جبکہ پشاور موڑ تا نیو ایئررپورٹ میٹرو ٹریک کی لمبائی 25.6 کلو میٹر ہے۔ یہ لاہور میٹر بس منصوبہ 29.8 ارب روپےکی لاگت سے بتایا گیا لاہور میٹرو ٹریک کی لمبائی 27 کلو میٹر ہے اس حساب سے اس کی فی کلو میٹر لاگت ایک ارب دس کروڑ روپے ہے جبکہ میٹرو بس پراجیکٹس میں سب سے مہنگا پراجیکٹ ملتان میٹرو کا رہا جس کی کل لاگت 29 ارب روپے تھی۔ ملتان میٹرو بس ٹریک کی کل لمبائی 18.5 کلو میٹر ہے۔ ملتان میٹرو بس ٹریک کی فی کلو میٹر لاگت ایک ارب 56 کروڑ روپے ہے۔
