لاہور (اپنے سٹاف رپورٹر سے) مسلم لیگ(ن)کی خاتون ایم این اے مائزہ حمید نے بھی سربراہ تحر ےک انصاف عمران خان کو بھارتی میں جنسی زیادتی کے الزام میں گرفتار گورو رام رحیم سنگھ سے ملا دیا ۔تفصےلات کے مطابق سماجی رابطوں کی ویب سائٹ ٹوئٹر پر ٹوئٹ کرتے ہوئے مسلم لیگ (ن)کی خاتون ایم این اے مائزہ حمید کا کہنا ہے کہ بھارتی گورو کو خواتین کے ساتھ زیادتی کے الزام میں گرفتار ہونے کے بعد اب وقت آگیا ہے کہ پاکستانی گورو عمران خان کے خلاف تحقیقات کا آغاز کیا جائے۔ عمران خان کو بھارتی گورو قرار دینے کے بعد سوشل میڈیا پر مائزہ حمید کے اس اقدام کو شرمناک اور سیاست کی تذلیل کہا جا رہاہے جبکہ ٹوئٹر صارفین کی جانب سے ان کے ٹوئٹ پر انہیں کھری کھری سنائی ہیںواضح رہے کہ سوشل میڈیا پر مائزہ حمید کے نام سے اکانٹ ٹوئٹر کی جانب سے ویریفائڈ نہیں ہے مگر اس پر کی جانے والی ٹوئٹس ان کی سرگرمیوں اور مسلم لیگ(ن)کی پالیسیوں کے حوالے سے ہیں جس سے غالب امکان یہی ہے کہ وہ خود ہی اس اکانٹ کو استعمال کر رہی ہیں۔

لاہور (خبر نگار) سینٹ میں قائد حزب اختلاف اعتزاز احسن نے کہا ہے کہ ججز بحالی تحریک میں نواز شریف کا کردار آٹے میں نمک کے برابر تھا، نواز شریف کو لانگ مارچ پر نکالنے کےلئے کس طرح تیار کیا ہم جانتے ہیں۔ انہوں نے کہا کہ نواز شریف نے اپنے ہی وزیراعظم کےخلاف سازش سے کیرئیر کا آغاز کیا اور مسلسل سازشیں کرتے رہے۔ عدالت پر حملہ کیا اسامہ بن لادن اور آئی ایس آئی سے پیسے لئے جو ثابت شدہ ہے۔ عدالت نے ہمیشہ ان کے ساتھ نرمی کا رویہ اختیار کیا۔ پانامہ کیس میں بھی ان کے ساتھ نرمی برتی جا رہی ہے۔ اعتزاز احسن نے کہا کہ حدیبیہ کیس کھلنا چاہیے کیونکہ وہ کلیدی کیس ہے اس کیس میں ان کے اپنے سمدھی نے منی لانڈرنگ کی شہادت دی ہے تاہم کیس کھلے گا یا نہیں کچھ نہیں کہہ سکتا۔ اعتزاز احسن نے کہا ہے کہ (ن) لےگ کر پشن بے نقاب ہونے پر پرےشان ہوچکی ہے‘ قوم دےکھ رہی ہے شرےف خاندان نے ملک کو کےسے دونوں ہاتھوں سے لوٹا ہے‘ مجھے شہباز شرےف کے نوٹس کا انتظار ہے جب ملے گا تو بھرپور جواب ددں گا۔ اپنے اےک انٹروےو کے دوران چوہدری اعتزاز احسن نے کہا کہ شہباز شر ےف نے مجھے کرپشن کے خلاف بات کرنے پر نوٹس دےنے کی بات کی ہے جب بھی مجھے نوٹس ملے گا تو اس کا بھر پور جواب دوں گا۔ انہوں نے کہا کہ ہم (ن) لےگ کے کر پشن بے نقاب کر رہے ہےں اور آنےوالے دنوں مےں ان کے مزےد اےسے سےکنڈلز آئےں گے کہ عوام کانوں کو ہاتھ لگانے پر مجبور ہو جائے گی۔ اعتزاز احسن نے کہا ہے کہ پرویز مشرف نے خود اپنی کتاب میں صفحہ 249-250 میں لکھا ہے کہ اس پر حملہ ہوا تو کس طرح جنرل کیانی نے کئی دن جائے وقوعہ کے قریب بھی کسی کو نہ پھڑکنے دیا اور اسی دوران وہاں سے ایک موبائل سم ملی جس سے سارے مجرم پکڑے گئے۔ محترمہ بینظیر بھٹو پر کراچی میں حملہ ہوا تو فوری جائے وقوعہ کو دھو دیا گیا، پھر لیاقت باغ میں حملہ میں بینظیر بھٹو شہید ہو گئیں تو وہاں بھی جائے وقوعہ کو دو گھنٹے کے اندر ہی دھو ڈالا گیا جس سے صاف ظاہر تھا کہ کسی کو خطرہ تھا کہ اگر ایسا نہ کیا تو حملہ آوروں کی چین پکڑی جا سکتی ہے۔ الزام تو بیت اللہ پر لگانے کی کوشش کی گئی لیکن پیپلز پارٹی میں عمومی طور پر مشرف کو قاتل سمجھا جاتا ہے۔ آج بھی جیالے نعرہ لگاتے ہیں ”بی بی ہم شرمندہ ہیں، تیرے قاتل زندہ ہیں“ تو کلیجہ منہ کو آتا ہے بینظیر بھٹو کیس میں پانچ ملزمان کو بری کرنا سمجھ سے باہر ہے جب ان میں سے 3 تو اقبالی بیان بھی دے چکے تھے۔ ابھی مختصر فیصلہ آیا ہے تفصیلی فیصلہ سے صورتحال واضح ہو گی۔ این اے 120 میں پی پی امیدوار سے ڈر ہے تو ہی دفاتر پر فائرنگ کرائی گئی ہے۔ پولیس افسر منتیں کر رہے ہیں کہ شہباز شریف، حمزہ شہباز، رانا ثناءاللہ، بلال یٰسین کا نام نکال دیں تو ایف آئی آر درج کر لینگے۔ بینظیر بھٹو کیس میں سعود عزیز نے غیرذمہ داری کا مظاہرہ کیا لیکن انہیں بہت زیادہ سزا دی گئی۔ جائے وقوعہ کو دھلوانے والا وہ ہے جس کی دسترس میں پورا پاکستان تھا۔ نواز شریف کی اوپن ہارٹ سرجری جس طرح ایک معمہ تھی اسی طرح کلثوم نواز کی بیماری بھی شاید معمہ ہی رہے گی۔

لاہور (اپنے سٹاف رپورٹر سے) وزےراعلیٰ پنجاب محمد شہبازشرےف نے عید کے دوسرے روز چلڈرن ہسپتال لاہور مےں 614بستروں پر مشتمل نئے انڈور بلاک کاافتتاح کیا۔اڑھائی ارب روپے کی لاگت سے تےار ہونےوالے نئے بلاک کے افتتاح کے بعد چلڈرن ہسپتال مےں بستروں کی تعداد 1100ہوگئی ہے ۔نئے بلاک مےں 16نئے آپرےشن تھےٹرز بھی بنائے گئے ہےں جبکہ بچوں کے کےنسر وارڈ کےلئے بستروں کی تعداد 100تک بڑھا دی گئی ہے ۔رواں ماہ پہلے مرےض کا بون مےروٹرانسپلانٹ ہوگا۔وزےراعلیٰ شہبازشرےف نے نئے بلاک کے افتتاح کے بعد مختلف وارڈز کا دورہ کےا ۔وزےراعلیٰ نے وارڈز مےں زےر علاج بچوں کی عےادت کی اوران کی خےرےت درےافت کی۔وزےراعلیٰ جنرل وارڈ،کارڈیک سرجری وارڈ،آئی سی ےو،آپرےشن تھےٹرزاوردےگر وارڈز مےں گئے۔وزےراعلیٰ نے بچوں کےلئے ہسپتال مےں فراہم کی جانے والی تفرےحی سہولتوں کا بھی جائزہ لےا۔وزےراعلیٰ نے زےر علاج بچوں سے پےار کےا اوران کی جلد صحت ےابی کےلئے دعا کی ۔انہوں نے زیرعلاج بچوں کی ماﺅں سے ہسپتال میں فراہم کی جانے والی طبی سہولتوں کے بارے میں پوچھا،جس پر بچوں کی ماﺅں نے اطمینان کاا ظہا رکیا اورکہا کہ آپ نے بچوں کے لئے شاندار ہسپتال بنایاہے اورہم آپکے کے لئے دعا گو ہیں ۔وزےراعلیٰ نے زیر علاج بچوں کی ماو¿ں سے بات چیت کی اورہسپتال میں فراہم کی جانے والی سہولتوں کے بارے دریافت کیا۔بچوں کی ماﺅں نے وزیر اعلی کو بتایا کہ ےہاں بہترےن علاج ہورہاہے ۔ ڈاکٹرز ،نرسےں اورعملہ بہت اچھا ہے اورہمارے بچوں کا اعلی معےا ر کا علاج فری ہورہا ہے ۔ ہسپتال مےں بچوں کے لواحقےن نے وزیر اعلی کو بتایاکہ ہمےں ےہاں انتہائی اچھی سہولتےں مل رہی ہےںاورہمےں ےہاں کوئی شکاےت نہےں۔آپ نے انتہائی اعلی معےار کاہسپتال بناےا ہے ۔ہمارے بچوں کو بہترےن علاج معالجہ مل رہا ہے ۔وزیر اعلی نے اس موقع پر گفتگو کرتے ہوئے کہا کہ پنجاب حکومت عام آدمی کو معےاری طبی سہولتےں فراہم کرنے کےلئے اربوں روپے خرچ کررہی ہے اورمیرا مشن دکھی انسانیت کی خدمت ہے جسے ہر حال میں پورا کرونگا۔وزیر اعلی نے بعض مقامات پر صفائی پر عدم اطمینان کااظہارکیااورکہا کہ ہسپتال مےں صفائی کا معےار انتہائی معےاری ہونا چاہےے اورکمی وکوتاہی کو فی الفو ردورکےاجائے۔چھتوں کی صفائی پر خصوصی توجہ دی جائے ۔صفائی کے بارے مےں مجھے دوبارہ شکاےت کا موقع نہےں ملنا چاہےے۔ :وزیر اعلی پنجاب محمد شہباز شریف کاعےد الاضحی کے موقع پر ترکی کے صدر رجب طےب اردوان اورترکی کے وزےراعظم بن علی ےلدرم Mr.BinAli Yildirim) (کے مابین ٹیلی فونک رابطہ ہوا۔وزیر اعلی پنجاب نے ترک صدر ، ترک وزیراعظم اور عوام کو عےد الاضحی کی مبارکباد دی اورمسرت کے اس موقع پر ترک قیادت اورعوام کے لئے نیک خواہشات کا اظہار کیا۔ترک صدر نے وزےر اعلیٰ پنجاب اور پاکستانی عوام کو عےد کی مبارکباد دی۔ترک صدر نے بےگم کلثوم نواز کی جلد صحت ےابی کے لےے دعاکی اور بےگم کلثوم نواز کے لےے نےک تمناﺅں کا اظہار کیا۔ترک صدر نے وزیر اعلی پنجاب سے گفتگو کرتے ہوئے کہا کہ ہمارے خوشی کے مواقع اےک ہےں۔ ترکی اور پاکستان کے عوام ےک جان ہےںاور پاکستان اور ترکی کے عوام کا رشتہ بھائےوں سے بڑھ کر ہے۔ وزیراعلی محمد شہباز شریف نے ترک صدر سے گفتگو کرتے ہوئے کہا کہ پاکستان اورترکی کے مابین تاریخی برادرانہ تعلقات ہیں اورےہ رشتہ ہر آنے والے دن مضبوط سے مضبوط تر ہو رہا ہے۔ انہوں نے کہا کہ ہماری خوشےا ں سانجھی اور ےہ بانٹنے سے بڑھتی ہےں۔ ترکی کے وزےراعظم بن علی ےلدرم اور وزیر اعلیٰ پنجا ب محمد شہباز شریفنے ٹیلی فون پر ایک دوسرے کوعید الاضحٰی کی مبارکباد دی۔ترک وزیر اعظم بن علی یلدرم نے پاکستان اور پنجاب کے عوام کےلئے نیک خواہشات کا اظہارکرتے ہوئے کہا کہ ترکی اور پاکستان کی خوشیاں ایک ہیںاوردونوں ملکوں کے عوام کے دل ایک ساتھ دھڑکتے ہیں۔ وزیراعلیٰ پنجاب نے عیدالاضحی کے موقع پر صوبہ بھر میںصفائی کے بہترےن انتظامات ےقےنی بنانے کیلئے انتظامیہ ،سالڈ ویسٹ مےنجمنٹ کمپنےوںاوردیگر متعلقہ اداروں کو ضروری ہدایات جاری کیں اورکہا کہ صفائی کے انتظامات کو خوب سے خوب تر بنانے کےلئے تمام وسائل بروئے کار لائے جائےںاورآلائشوں کو بروقت مناسب طرےقے سے ٹھکانے لگاےا جائے ۔اس ضمن مےں تمام متعلقہ اداروں کے حکام خود فےلڈ مےں موجود رہےں اور سالڈ وےسٹ مےنجمنٹ کمپنےوں کا عملہ صفائی کو ےقےنی بنانے کےلئے مستعدی سے فرائض سرانجام دے اور قربانی کے جانوروں کی آلائشیں اٹھانے کیلئے تمام متعلقہ ادارے ذمہ داری سے اپنا کام مکمل کریں۔ وزیراعلیٰ پنجاب محمد شہبازشریف نے کراچی میں خواجہ اظہارالحسن پر حملے کی مذمت کی ہے۔ وزیراعلیٰ نے حملے میں معصوم زندگیوں کے ضیاع پر افسوس کا اظہار کرتے ہوئے لواحقین سے تعزیت کا اظہار کیا۔ وزیراعلیٰ پنجاب نے گوجرہ کے قریب ہونے والے ٹریفک حادثے میں قیمتی انسانی جانوں کے ضیاع پر گہرے دکھ اور افسوس کا اظہار کیا ہے۔ وزیراعلیٰ پنجاب نے اسلام پورہ کے علاقے میںاین اے 120 کے ایک انتخابی دفترکے باہرفائرنگ کے واقعہ کا نوٹس لیتے ہوئے سی سی پی او لاہور سے رپورٹ طلب کر لی ہے۔وزیر اعلیٰ نے ہدایت کی ہے کہ فائرنگ کے واقعہ کی تحقےقات کر کے ذمہ داروں کو فی الفور گرفتار کر کے قانون کے مطابق کاروائی عمل میں لائی جائے۔ وزیر اعلیٰ پنجاب محمد شہباز شریف نے کہا ہے کہ انٹرنیشنل چیرٹی ڈے منانے کا مقصد خلق خدا کی بھلائی کی سرگرمیوں کے بارے میں شعور کو عام کرنا اور خیراتی اداروں کی خدمات کو سراہنا ہے۔ اللہ کے عطا کئے ہوئے حلال رزق میں سے مستحق افراد کی اپنی حیثیت کے مطابق مالی معاونت کرنا بڑی عبادت اور انسانیت کی اعلیٰ اقدار اور دین اسلام کا درس ہے۔ غریب اور مستحق لوگوں کی مالی مدد کے بغیر پُرامن و فلاحی معاشرہ کا وجود ناممکن ہے، لہٰذا معاشرے کے ہرفرد کا اخلاقی فرض ہے کہ وہ اپنی حیثیت کے اعتبار سے کم وسیلہ افراد کی مدد کیلئے آگے آئے۔ چلڈرن ہسپتال میں نئے ان ڈور بلاک کی افتتاحی تقریب سے قبل وزیر اعلی محمد شہباز شریف گاڑی سے اتر کر سیدھے ہسپتال کے باہر موجود بچوں کے لواحقین کے پاس گئے اور ان سے ہسپتال میں فراہم کی جانے والی طبی سہولتوں کے بارے دریافت کیا- لواحقین نے وزیر اعلی کو دیکھ کر خوشی کا اظہار کیا اور” دیکھو دیکھو کون آیا شیر آیا شیر آیا “کے نعرے لگائے- لواحقین نے وزیر اعلی کو بتایا کہ بچوں کے علاج معالجے کے لئے ایسا ہسپتال پورے پاکستان میں نہیں – اس ہسپتال میں بچوں کے پیچیدہ امراض کا بھی علاج ہوتا ہے جس پر ہم آپ کے شکر گزار ہیں –

کراچی، اسلام آباد(کرائم رپورٹر، مانیٹرنگ ڈیسک) کراچی کے علاقے بفرزون میں متحدہ کے رہنما خواجہ اظہار الحسن پر عید کی نماز پڑھنے کے بعد شہریوں سے عید ملنے کے دوران نامعلوم موٹر سائیکل سوار دہشت گردوں نے اندھا دھند فائرنگ کردی۔ سیکورٹی پر مامور ایک پولیس اہلکار اور ایک کم عمر نوجوان جاں بحق اور 5 افراد زخمی ہوگئے۔ پولیس کی جوابی کارروائی میں ایک حملہ آور بھی مارا گیا۔ واقعے کے بعد پولیس اور رینجرز کی بھاری نفری جائے وقوعہ پر پہنچ گئی۔ تفصیلات کے مطابق عیدالاضحی کے روز ہفتہ کی علی الصبح ساڑھے سات بجے تیموریہ تھانے کی حدود بفرزون میں سیکٹر 15-A3 میں مسجد محمودیہ کے باہر مسجد سے عید کی نماز پڑھ کر نکلنے والے متحدہ کے رہنما اور سندھ اسمبلی میں اپوزیشن لیڈر خواجہ اظہار الحسن پر پہلے سے گھات لگائے ہوئے دو موٹر سائیکلوں پر سوار تین ملزمان نے اندھا دھند فائرنگ شروع کردی جس سے خواجہ اظہار الحسن معجزانہ طور پر بچ گئے جبکہ ان کا سرکاری پولیس گارڈ کانسٹیبل محمد معین اور محلے دار لڑکا 14 سالہ ارسل جاں بحق ہوگئے جبکہ مقتول لڑکے کے والد کامران سمیت 5 افراد نواز، آصف، عبدالوارث اور شکیل زخمی ہوگئے۔ فائرنگ کے دوران مسجد سے نماز پڑھ کر باہر نکلنے والے نمازیوں میں بھگدڑ مچ گئی۔ فائرنگ کرنے والے ملزمان جن میں سے ایک پولیس سے مشابہت رکھنے والی وردی میں ملبوس تھا جائے وقوعہ سے فرار ہونے میں کامیاب ہوگیا۔ فائرنگ کی آواز سن کر علاقے میں مساجد اور قریبی امام بارگاہ النجف کی سیکورٹی کے لئے گشت کرنے والی تیموریہ تھانے کی موبائل موقع پر پہنچ گئی اور فرار ہونے والے ملزمان کا تعاقب شروع کردیا۔ اس دوران ملزمان اور پولیس کے درمیان فائرنگ کا تبادلہ ہوا۔ ملزمان کی فائرنگ سے پولیس موبائل کے شیشے ٹوٹ گئے اور ایک پولیس اہلکار کے ہاتھ پر گولی لگی تاہم پولیس کی جوابی فائرنگ سے ایک حملہ آور گرگیا اور زخمی حالت میں گلیوں میں گھس گیا۔ علاقہ کے لوگوں نے ملزم کو گھیر لیا اور تشدد کرکے ہلاک کردیا۔ ملزم کو سر میں گولی لگی ہوئی تھی جبکہ دیگر ملزمان فرار ہونے میں کامیاب ہوگئے۔ واقعے کے بعد رینجرز اور پولیس کی بھاری نفری موقع پر پہنچ گئی اور ہلاک وزخمی ہونے والوں کو عباسی شہید اسپتال لایا گیا۔ ڈی جی رینجرز، آئی جی سندھ کے علاوہ رینجرز اور پولیس کے اعلیٰ افسران سیاسی وسماجی رہنما بھی خواجہ اظہار الحسن کی رہائش گاہ پہنچے اور واقعے کے بارے میں تفصیلات معلوم کیں۔ قائم مقام گورنر سندھ آغا سراج درانی نے خواجہ اظہار الحسن پر حملے کا فوری سخت نوٹس لیا اور آئی جی سندھ سے رپورٹ طلب کی ۔ سندھ کے وزیر داخلہ سہیل انور سیال اور پاکستان پیپلز پارٹی کے رہنماءمولا بخش چانڈیو نے بھی واقعے کی مذمت کرتے ہوئے کہا ہے کہ دہشت گردی کے ایسے واقعات برداشت نہیں کئے جائیں گے۔وزیر داخلہ نے آئی جی کراچی کو معاملے کی مکمل تحقیقات کا حکم دیا جس پر پیش رفت جاری ہے سندھ رینجرز کے ڈائریکٹر جنرل میجر جنرل محمد سعید بھی کراچی میں سندھ اسمبلی میں حزب اختلاف خواجہ اظہار الحسن کی رہائش گاہ پر گئے اور عید کی نماز کے بعد اُن پر ہونے والے حملے کے بارے میں پوچھا۔ڈی جی رینجرز نے یقین دلایا کہ اس گھناﺅنی کارروائی کے پس پردہ ملزموں کو جلد گرفتار کیا جائے گا۔جبکہ وفاقی وزیر د اخلہ احسن اقبا ل نے بھی ایم کیوایم پاکستان کے سربراہ فاروق ستار کو ٹیلیفون کیا اور قیمتی جانوں کے ضیاع پر گہرے دکھ اور افسوس کا اظہار کیا۔ انہوں نے کہاکہ واقعے میںملوث ملزموں کوجلد گرفتار کیاجائیگا انہوں نے اس سلسلے میں وفاقی اداروں کے مکمل تعاون کا یقین دلایا ۔ ادھرصدرممنون حسین اور وزیراعظم شاہد خاقان عباسی نے متحدہ قومی موومنٹ کے رہنما اورسندھ اسمبلی میں قائد حزب اختلاف خواجہ اظہارالحسن پر عیدکے پہلے روز کراچی میں حملے کی سخت مذمت کی ۔واقعے میں ایک پولیس اہلکار اور ایک شہری کی ہلاکت پر افسوس کا اظہار کرتے ہوئے صدرممنون حسین نے کہاکہ دہشت گردوں کو عوام کے جان ومال سے کھیلنے نہیں دیاجائے گا ۔وزیراعظم شاہد خاقان عباسی نے حملے کی مذمت کرتے ہوئے متعلقہ حکام سے واقعے کے بارے میں رپورٹ بھی طلب کی ۔خواجہ اظہار پر حملے کا مقدمہ دہشتگردی ایکٹ کے تحت درج کیاگیا ۔کراچی میں سی ٹی ڈی پولیس نے خواجہ اظہار الحسن پر حملے کا مقدمہ درج کیا، مقدمہ تیموریہ پولیس اسٹیشن کے ایس ایچ او جمال لغاری کی مدعیت میں درج کیا گیا ہے۔ مقدمہ انسداد دہشت گردی، قتل، اقدام قتل اور پولیس مقابلے کی دفعات 302، 324 اور 353 کے تحت درج کیا گیا ہے۔ ایم کیو ایم پاکستان کے رہنما خواجہ اظہار الحسن پر حملے کے کیس کی تحقیقات میں پیش رفت سامنے آگئی ہے۔ مارا گیا مبینہ دہشت گرد حسان اسرار پی ایچ ڈی ڈاکٹر تھا جبکہ انجینئرنگ یونیورسٹی میں پروفیسر بھی تھا۔ ذرائع کے مطابق حساس کے پاس سے ملنے والے نائن ایم ایم پستول کی فرانزک رپورٹ آگئی ہے۔ یہ پستول عزیز آباد میں ڈی ایس پی ٹریفک کے قتل میں استعمال ہوا تھا۔ اسی پستول سے رمضان المبارک میں سائٹ میں 4 پولیس اہلکاروں کا قتل کیا گیا تھا۔ گزشتہ روز فائرنگ میں 2 نائن ایم ایم پستول استعمال ہوئے جن کے 34 خول ملے تھے۔ دوسرا پستول حالیہ دنوں میں پولیس اہلکاروں سمیت دیگر کے قتل میں استعمال ہوا ہے۔ دوسرا پستول دیگر 2 دہشت گرد لے کر فرار ہوگئے تھے۔ واقعے کی حساس ادارے سمیت قانون نافذ کرنے والے ادارے مشترکہ تحقیقات کررہے ہیں۔ تاحال تفتیش کار فائرنگ کے محرکات پر کسی حتمی نتیجے پر نہیں پہنچ سکے۔ مذکورہ دہشت گرد اگر زندہ پکڑا جاتا تو تحقیقات میں نہایت ٹھوس پیش رفت ہوسکتی تھی۔ پولیس نے کراچی کے علاقے کوئٹہ ٹاﺅن میں محاصرہ کے بعد پولیس مقابلے میں 7 دہشت گردوں کو ہلاک کردیا ۔ پولیس نے چھاپہ علی صبح حراست میں لئے گئے ملزمان سے حاصل معلومات کی روشنی میں پولیس نے فرار ہونے والے ملزم سروش صدیقی کی گرفتاری کےلئے مارا تھا۔ پولیس مقابلے میں تحریک طالبان سوات سے تعلق رکھنے والے مولوی فضل اللہ کا کزن طالبان کمانڈر خورشید بھی ہلاک ہوگیا۔ مارے گئے دہشتگرد ملالہ یوسفزئی، پاک فوج کے افسران اور قائد آباد میں پولیس اہلکاروں پر حملے میں ملوث تھے۔ ایس ایس پی ملیر راﺅ انوار نے بتایا کہ صدف ٹاﺅن کے قریب کالعدم انصار الشریعہ کے دہشت گردوں کی موجودگی کی اطلاع پر چھاپا مارا گیا تاہم زیر تعمیر عمارت میں چھپے ہوئے دہشت گردوں نے پولیس ٹیم پر فائرنگ کردی اور جوابی فائرنگ میں چاروں دہشت گرد مارے گئے۔ علاقے میں ممکنہ طور پر دہشت گردوں کی موجودگی کے پیش نظر پولیس نے پورے علاقے کا محاصرہ کررکھا ہے اور گھر تلاشی کا عمل جاری ہے۔ راﺅ انوار کا کہنا ہے کہ ہلاک ہونے والے دہشتگردوں کا تعلق کالعدم تحریک طالبان سوات سے ہے۔ ٹی ٹی پی میں تھے اور بعد میں داعش میں شمولیت اختیار کرلی تھی۔ چیئرمین سینیٹ میاں رضا ربانی نے سندھ اسمبلی میں قائد حزب اختلاف خواجہ اظہارالحسن سے ٹیلی فون پر رابطہ کیا اور ان کی خیریت دریافت کی۔ پاکستان پیپلز پارٹی کے چیئرمین بلاول بھٹو زرداری نے ایم کیو ایم کے رہنما خواجہ اظہارالحسن پر حملے کی مذمت کی ہے، جس کے دوران ایک پولیس اہلکار شہید ہوگیا تھا۔ جاری کردہ بیان کے مطابق پی پی پی چیئرمین نے وزیرِ داخلہ سندھ سہیل انور سیال کو کر کے واقعے کی رپورٹ طلب کی۔ وزیر مملکت اطلاعات و نشریات و قومی ورثہ مریم اورنگزیب نے ایم کیو ایم کے رہنما خواجہ اظہارالحسن پر حملے کی شدید مذمت کی ہے۔ انسپکٹر جنرل سندھ پولیس اے ڈی خواجہ نے کہا ہے کہ متحدہ قومی موومنٹ پاکستان کے رہنما خواجہ اظہارالحسن پر قاتلانہ حملہ شہر کا امن و امان خراب کرنے کی سازش تھی۔ متحدہ قومی موومنٹ پاکستان کے سربراہ ڈاکٹر محمد فاروق ستار نے سندھ اسمبلی میں قائد حزب اختلاف و رکن رابطہ کمیٹی خواجہ اظہار الحسن پر قاتلانہ حملے کے بعد خواجہ اظہار الحسن، سینئر ڈپٹی کنونیر عامر خان، ڈپٹی کنوینر ڈاکٹر خالد مقبول صدیقی، اراکین رابطہ کمیٹی ، حق پرست اراکین اسمبلی کے ہمراہ خواجہ اظہار الحسن کی رہائشگاہ پر پریس کانفرنس کرتے ہوئے کہا کہ ہم سندھ اسمبلی میں قائد حزب اختلاف و رکن رابطہ کمیٹی خواجہ اظہار الحسن پر قاتلانہ حملے کی سخت الفاظ میں مذمت کرتے ہیں اور حملہ میں ایک پو لیس اہلکار معین اور ہمارے کارکن کامران بھائی کے بیٹے ارسل کی شہادت اور متعدد افراد کے زخمی ہونے پر گہرے دکھ و افسوس کا اظہار کرتے ہیں۔

لاہور (خبر نگار، کرائم رپورٹر) پاکستان پیپلز پارٹی کے امیدوار برائے حلقہ این اے 120 فیصل میر نے کہا ہے کہ کل سابق وزیراعظم نواز شریف کے غنڈوں نے میرے اس دفتر پر فائرنگ کی ہے، جس دفترمیں آج آپ بیٹھے ہوئے ہیں، پولیس شہبازشریف، رانا ثناءاللہ ، حمزہ شہباز ، بلال یاسین اور ماجد ظہور کا نام ایف آئی آر میں درج کرنے سے انکارکررہی ہے، پولیس افسران یہ کہتے ہیںکہ یہ نام کاٹ دیں ہم پھر ایف آئی آردرج کریں گے۔ شریف خاندان کیخلاف میں الیکشن لڑ رہا ہوں ان کا خیال تھاکہ میں فائرنگ کے بعد دفتر بند کرکے بھاگ جاوں گا۔ نوازشریف شاید بھول گئے ہیں کہ 1986ءمیں جب وہ جنرل ضیاءالحق کے وزیراعلیٰ تھے اور میں پنجاب یونیورسٹی میں پیپلز سٹوڈنٹس فیڈریشن کا لیڈر تھا اس وقت نوازشریف اسلامی جمعیت طلبہ کے ذریعے یونیورسٹی میں میرے ساتھ غنڈہ گردی کرواتے تھے اور مارشل لاءدور میںانہوںنے مجھ پر 19سال کی عمر میں متعدد مقدمات بھی قائم کئے جن کی پیروی اعتزاز احسن اورعاصمہ جہانگیر نے چار سال تک کی۔ میں اس وقت بھی ان کے سامنے نہیںجھکا تھا۔ 2013کے انتخابات میں نوازشریف اور عمران خان نے جن انتہا پسند تنظیموں کی مدد سے الیکشن لڑا ، انہوں نے پنجاب بھر میںپیپلز پارٹی کے جلسوں اوردفتروںپر حملے کیے اور پیپلز پارٹی پنجاب میں ورکرز کی جان بچانے کیلئے اپنی انتخابی مہم نہ کرسکی۔ اب 2017ءمیں دہشت گرد تنظیموں کی بجائے نوازشریف کے ذاتی غنڈے پیپلز پارٹی کے کارکنان اورخواتین کوڈور ٹو ڈور مہم کرنے سے روک رہے ہیں اور آتشیں اسلحے کے ساتھ مسلح ہوکر ہر گلی میں پیپلز پارٹی کے لئے نکلنے والے لوگوں کو دھمکارہے ہیں۔ 2013ءکے انتخابی ماحول اور2017ءکے این اے 120کے انتخابی ماحول میں پیپلز پارٹی کےلئے بظاہر کوئی فرق نظر نہیںآرہا۔ہمارے انتخابی دفاتر پرفائرنگ کی جارہی ہم نے سی سی پی او لاہورکو پہلے ہی درخواست دیدی تھی کہ ان واقعات کا تدارک کیا جائے مگر انہوںنے کوئی ایکشن نہیں لیا،کیونکہ پولیس مکمل طورپر سیاسی ہوچکی ہے۔ ہمارے لیڈروں اور کارکنوں کی جانوںکو پنجاب بھر سے اکٹھے کئے گئے مسلم لیگ ن کے غنڈوں سے خطرہ ہے۔ آپ شہر میں نکل کر دیکھیں شہبازشریف وزیراعلیٰ ہیں لیکن اس کے باوجود ان کی تصاویر والے فلیکس لگاکر ن لیگی امیدوار کی انتخابی مہم چلائی جارہی ہے، دوسری طرف نوازشریف کی تصاویر لگاکر ان اداروں کو منہ چڑھایا جارہا ہے جنہوں نے کرپشن پر انہیںنااہل قرار دیا تھا۔ ایم پی اے ماجد ظہور، بلال یاسین، اراکین پنجاب اسمبلی اور تمام متعلقہ و غیر متعلقہ یونین کونسلوں کے چیئرمین اور دیگر عہدیدار (ن)لیگی امیدوار کی بھرپور انتخابی مہم چلارہے ہیں۔ الیکشن کمیشن اور پولیس مکمل طورپر جانبداری کررہے ہیں، الیکشن وزیراعلیٰ اور نااہل وزیراعظم کے گھر سے لڑاجارہا ہے 29ہزار ووٹ ایسے سامنے آچکے ہیں جن کی بائیومیٹرکس تصدیق نہیں ہوئی۔ بیگم کلثوم نوازکو وہ 29ہزار ووٹ پہلے ہی ڈال دیئے جائیں گے۔ ہم مطالبہ کرتے ہیں کہ وہ 29ہزار ووٹ ، ووٹرز لسٹ سے نکالے جائیں جن کے بائیو میٹرکس کی تصدیق نہیں ہوسکی۔ مسلم لیگ کی غنڈہ گردی، الیکشن کمیشن اور پولیس کی مسلسل جانبداری اور خوف و ہراس کے ماحول میں آزادانہ اور منصفانہ انتخابات کا انعقاد ناممکن ہے۔ مسلم لیگ (ن)کو پیپلز پارٹی کے ہاتھوں اپنی شکست واضح نظر آرہی ہے اس لئے آنے والے دنوں میں خون ریزی پر اتر سکتی ہے اور کئی قیمتیں جانیں ضائع ہونے کا خدشہ ہے، جو کہ جمہوریت پر ایک سیاہ دھبہ ہوگا، اس لئے میں نے الیکشن کمیشن آف پاکستان میں درخواست دیدی ہے کہ آج سے ہی این اے 120کو فوج کے حوالے کیا جائے تاکہ حلقے کے شہری آزادانہ طور پر انتخابات میں حصہ لے سکیں۔ اسلامپورہ کے علاقہ میں پی ٹی آئی اور پیپلز پارٹی کے انتخابی دفاتر کے قریب فائرنگ کا واقع، علاقہ میں خوف ہراس پھیل گیا ،پی ٹی آئی کی ڈاکٹر یاسمین راشد اور پیپلز پارٹی کے فیصل میر اندراج مقدمہ کیلئے تھانے پہنچ گئے ، جائے وقوعہ سے گولیوں کے خول بھی اکھٹے کر کے پولیس کو دیے ، پولیس نے ڈرامائی انداز میں “ٹیکنیکل ایویڈنس اینڈ ہیومن انٹیلی جنس” نامی ٹیکنالوجی کی مدد سے 3ملزمان کو گرفتار کر لیا ،ملزمان کا کسی بھی سیاسی جماعت سے کوئی تعلق نہیں ثابت ہوا ، پولیس کا موقف، ملزمان کے خلاف انسداد دہشتگردی کی دفعات کے تحت مقدمہ درج کر کے تفتیش شر وع کر دی ۔ بتایا گیا ہے کہ اسلامپورہ کے علاقہ نیلی بار چوک میں پیپلز پارٹی اور پی ٹی آئی کے انتخابی دفاتر کے پاس نامعلوم ملزمان نے شدید فائرنگ کی جس سے علاقہ میں شدید خوف ہراس پھیل گیا اور شہریوں نے بھاگ کر اور زمین پر لیٹ کر اپنی جانیں بچائیں ۔واقعے کے بعد پی ٹی آئی کی یاسمین راشد اور پیپلز پارٹی کے فیصل میر واقعے کے خلاف اندراج مقدمہ کیلئے تھانہ اسلامپورہ پہنچ گئے جہاں حلقہ این اے 120سے پی ٹی آئی کی امیدوار ڈاکٹر یاسمین راشد نے مخالفین پر الزام لگاتے ہو ئے کہا ہے کہ اسلام پورہ میں تحریک انصاف کے دفتر کے باہر فائرنگ کی گئی ہے۔میڈیا سے گفتگو کرتے ہوئے یاسمین راشد کا کہنا تھا کہ ہمارے دفتر پر 7گولیاں چلائی گئیں، جس میں سے 5خول میڈیا کو دکھا دیئے ہیں۔ پولیس کا کہنا تھا کہ یہ 9ایم ایم کے پستول سے فائر کیئے گئے ہیں تاہم ملزمان کی تلاش شروع کر دی گئی ہے جلد گرفتار کر لیا جائے گا جس پرپی ٹی آئی کی یاسمین راشد اور پیپلز پارٹی کے فیصل میرکی جانب سے واقعے کی ذمہ دار مسلم لیگ ن پر عائد کر تے ہوئے ایف آئی آر درج کر نے کا کہنا گیا تاہم پولیس کی جانب سے ڈرامائی انداز میں سفید گاڑی اور 9ایم ایم پستول سمیت 3ملزمان اسد ، حمزہ اور شیر علی کو گرفتار کر لیا گیا جن کے متعلق پولیس کا کہنا ہے کہ یہ وہی ملزمان ہیں جنہوں نے پی ٹی آئی اور پیپلز پارٹی کے دفاتر کے قریب فائرنگ کی اور موقع سے فرار ہوگئے تھے تاہم پولیس نے ان ملزمان کو جدید ٹیکنالوجی “ٹیکنیکل ایویڈنس اینڈ ہیومن انٹیلی جنس” کی مدد سے گرفتار کرکے جب تفتیش کی تو ملزمان نے ابتدائی تفتیش میں پولیس کو بتایا کہ ان کا کسی بھی سیاسی جماعت کے ساتھ کوئی تعلق نہیں ہے تاہم پولیس نے تینوں ملزمان کے قبضہ سے 9ایم ایم پستول اورواقعے میں استعمال ہونے والی کار قبضہ میں لےتے ہوئے انسداد دہشتگردی کی دفعات کے تحت مقدمہ درج کر کے مزید تفتیش شروع کر دی ہے۔

اسلام آباد(ویب ڈیسک) عمران خان کا کہنا ہے کہ اگر ہم 2013 میں حکومت میں آتے تو وفاق میں بھی خیبر پختونخوا والا حال ہوتا کیوں کہ یہاں پرویز خٹک کے علاوہ تمام افراد نئے ہیں۔برطانوی نشریاتی ادارے بی بی سی کو دیے گئے انٹرویو میں پاکستان تحریک انصاف کے چئیرمین عمران خان کا کہنا تھا کہ پورے ملک میں سب سے بہتر خیبر پختونخوا کا بلدیاتی نظام ہے، صرف کراچی کا مئیر ہی نہیں بلکہ پنجاب کے بلدیاتی نمائندگان بھی کے پی کے کا بلدیاتی نظام چاہتے ہیں۔ ان کا کہنا تھا کہ خیبر پختونخوا کا بلدیاتی نظام نیا ہے اور منفرد ہے اور اسی وجہ سے اس پر عمل درآمد پر مشکلات کا سامنا ہے۔
عمران خان نے کہا کہ خداکا شکر اداکرتا ہوں کہ 2013 کے عام انتخابات میں مرکز میں حکومت نہیں بناسکے کیوں کہ اگر ایسا ہوتا تو ارکان پارلیمنٹ کی ناتجربہ کاری کے باعث مشکلات پیش آسکتی تھیں۔ انہوں نے کہا کہ اگر ہم 2013 میں حکومت میں آتے تو وفاق میں بھی خیبر پختونخوا والا حال ہوتا کیوں کہ یہاں پرویز خٹک کے علاوہ تمام افراد نئے ہیں جب کہ ان لوگوں کو تو شروع کے ایک سال تک پتہ ہی نہیں تھا کہ ہوکیا رہا ہے۔
چیرمین تحریک انصاف کا کہنا تھا کہ میں نے اور میری ٹیم نے کے پی کے میں حکومت سے بہت کچھ سیکھا اور جب مرکز میں حکومت ملی تو یہ تجربہ ہمارے کام آئے گا تاہم نئے لوگوں کے باوجود خیبر پختونخوا میں زبردست کارکردگی پیش کی۔ انہوں نے کہا کہ کے پی کے میں بلدیاتی نظام، تعلیم کے میدان میں سرمایہ کاری اور صحت میں اصلاحات پر کامیابیاں ملیں جن پر فخر ہے۔

پشاور (ویب ڈیسک)صوبہ خیبر پختونخوا کے اعلیٰ سرکاری تعلیمی اداروں میں گذشتہ کچھ عرصے سے طالبات کو جنسی طورپر ہراساں کرنے کے واقعات میں اضافہ ہوا ہے اور پچھلے سات ماہ میں 100 سے زیادہ ایسے کیسز رپورٹ ہوئے ہیں جس میں طالبات کو ہراساں کرنے کی کوشش کی گئی۔خیبر پختونخوا میں خواتین کی حقوق کے لیے سرگرم غیر سرکاری تنظیم ‘دا حوا لوریعنی حوا کی بیٹی کی طرف سے جاری کردہ معلومات کے مطابق صوبے کی تین بڑی سرکاری تعلیمی درس گاہوں پشاور یونیورسٹی، انجینئرنگ یونیورسٹی اور خیبر میڈیکل کالج میں کچھ عرصے سے ایسے واقعات میں اضافہ ہوتا جارہا ہے۔دا حوا لور تنظیم کی سربراہ خورشید بانو نے گفتگو کرتے ہوئے کہا کہ گذشتہ تقریباً سات ماہ کے دوران ان کی تنظیم کو 100 سے زیادہ ایسی شکایاتیں موصول ہوئی ہیں جن میں جامعات میں پڑھنے والی طالبات کو جنسی طورپر ہراساں کرنے کی کوشش کی گئی۔انھوں نے کہا کہ ان میں زیادہ تر شکایات انجینئرنگ یونیورسٹی سے موصول ہوئی جہاں ان کی تنظیم کی طرف سے ا?گاہی مہم بھی چلائی گئی تھی۔ خورشید بانو کے مطابق شاید تعلیمی اداروں میں یہ واقعات اس سے بھی زیادہ ہوں گے لیکن بدقسمی سے منفی معاشرتی رویوں کی وجہ سے زیادہ تر خواتین سامنے نہیں ا?تیں۔ ایک سوال کے جواب میں خورشید بانو نے کہا کہ ان واقعات میں تعلیمی درس گاہوں کے چوکیدار سے لے کر اداروں کے سربراہان اور پروفیسر تک ملوث رہے ہیں جبکہ ایک کیس میں یونیورسٹی کے ڈین طالبہ کو ہراساں کرنے کے مرتکب پائے گئے تھے۔خیبر پختونخوا کے تعلیمی درس گاہوں میں خواتین اساتذہ اور بالخصوص طالبات کو ہراساں کرنے کے واقعات پہلے بھی ہوتے رہے ہیں۔ چند سال پہلے ایسے ہی چند واقعات کوخیبر پختونخوا اسمبلی کے فلور پر اٹھایا گیا تھا جس پر کارروائی کرتے ہوئے یونیورسٹی کے بعض اساتذہ کو نوکریوں سے برطرف کیا گیا تھا۔اس طرح ایک واقعہ ہزارہ یونیورسٹی میں پیش ا?یا تھا جس میں ایک خاتون پروفیسر کو ہراساں کرنے کی کوشش کی گئی جس پر ملوث افراد کے خلاف کارروائی کی گئی۔ اس کے علاوہ خیبر میڈیکل کالج میں بھی خواتین کو ہراساں کرنے پراساتذہ کے خلاف کارروائی کی گئی ہے۔یاد رہے کہ حکومت پاکستان نے 2010 میں خواتین کو کام کی جگہ پر اور تعلیمی اداروں میں تحفظ دینے کیلئے ایک قانون بھی منظور کروایا تھا لیکن اس قانون پر عمل درا?مد نہ ہونے کی برابر ہے۔اس قانون کے تحت تمام صوبوں میں محتسب کے ادارے کو قائم کیا جانا تھا جس کا کام جنسی طورپر ہراساں کیے جانے والے خواتین کے کیسزکو ترجیحی بنیادوں پر حل کرانا ہے۔ تاہم خیبر پختونخوا میں سات سال گزرجانے کے باوجود بھی ایسا کوئی ادارہ قائم نہیں کیا جاسکا۔خورشید بانو نے بتایا کہ دو ہزار دس قانون کے تحت تعلیمی اداروں میں بھی کمیٹیاں قائم کیے جانے تھے لیکن کسی ادارے کی طرف سے اس ضمن میں توجہ نہیں دی گئی ہے۔ انھوں نے کہا کہ یونیورسٹیوں میں ا?گاہی مہم کے ذریعے سے خواتین کےخلاف ایسے واقعات پر قابو پایا جاسکتا ہے لیکن اس کی کامیابی کیلیے درس گاہوں کی انتظامیہ کو بھی سنجیدگی کا مظاہرہ کرنا ہوگا۔ ادھر دوسری طرف پشاور یونیورسٹی کی انتظامیہ نے کہا ہے کہ حالیہ دنوں میں کیمپس کی حدود میں طالبات کو ہراساں کرنے کا کوئی نیا واقعہ رپورٹ نہیں ہوا ہے۔یونیورسٹی کے ترجمان رفیع اللہ نے رابطہ کرنے پر بتایا کہ ایسے واقعات کو روکنے کیلیےیونیورسٹی میں خصوصی طورپر پر کنٹرول بورڈ بنایا گیا ہے جس کا کام ایسے کیسز پر قابو پانا ہے تاہم ترجمان نے اس بات کی تصدیق کی کہ چند سال پہلے یونیورسٹی میں کچھ ہراساں کرنے واقعات پیش ا?ئے تھے جس پر بعدازاں یونیورسٹی کی جانب سے کاروائی کی گئی اور بعض اساتذہ کو ان کی نوکریوں سے برطرف کیا گیا تھا۔