اسلام آباد(مانیڑنگ ڈیسک) سابق وزیر اعظم نوازشریف کی اہلیہ بیگم کلثوم نواز کی طبعیت پھر بگڑ گئی جس پر انہیں ایمرجنسی میں داخل کیا گیا۔بیگم کلثوم نواز کو ڈاکٹروں نے کینسر تشخیص کیا ہے اور ان کا علاج لندن میں جاری ہے جہاں ان کے بچے ان کی تیمارداری کے لیے موجود ہیں۔بیگم کلثوم نواز کی گزشتہ روز طبیعت بگڑ گئی تھی اور ان کی حالت زیادہ خراب ہونے پر انہیں لندن کے پرنس گریس اسپتال لے جایا گیا جہاں ڈاکٹروںنے انہیں ایمرجنسی میں منتقل کیا۔بیگم کلثوم نواز کو گھر سے ایمبولینس کے ذریعے اسپتال لے جایا گیا جہاں ڈاکٹران کی حالت بہتر کرنے کی کوشش کررہے ہیںڈاکٹروں نے بیگم کلثوم نواز کی حالت بگڑنے کی تصدیق کرتے ہوئے کہا ہے کہ انہیں ممکنہ طور پر آج بھی ایمرجنسی میں رکھا جاسکتا ہے۔بیگم کلثوم نواز کو مریم، حسن اور حسین نواز نے اسپتال منتقل کیا جب کہ میاں نوازشریف کو بھی ان کی طبعیت کے بارے میں آگاہ کردیا گیا ہےدوسری جانب ان کی صاحبزادی مریم نواز نے بھی ٹوئٹر کے ذریعے اپنی والدہ کی طبیعت بگڑنے کی تصدیق کی انہوں نے اپنی والدہ کے لیے دعا کی بھی اپیل کی۔دریں اثنا سابق وزیر اعظم نواز شریف لندن میں زیر علاج اپنی اہلیہ بیگم کلثوم نواز کی تیمار داری کیلئے کل لندن روانہ ہوں گے۔ تفصیلات کے مطابق سابق وزیراعظم نوازشریف اپنی اہلیہ کی تیمارداری کیلئے کل لندن روانہ ہوں گے۔ نواز شریف کی اہلیہ کلثوم نواز لندن میں زیر علاج ہیں۔واضح رہے کہ کلثوم نواز گلے کے کینسر میں مبتلا ہیں اور لندن کے نجی اسپتال میں زیرعلاج ہیں۔ سابق وزیراعظم پہلے سے اپنی اہلیہ کی تیمارداری کیلئے لندن میں موجود تھے اور نیب کی پیشی کیلئے وطن واپس آئے تھے۔

اسلام آباد (آن لائن) پاکستان پیپلزپارٹی کے رہنماءسینیٹر اعتزاز احسن نے کہا ہے کہ نواز شریف بڑا دلچسپ کھیل کھیل رہے ہیں، نواز شریف ہوا میں مکے چلا کر یہ ثابت کرنا چاہتے ہیں کہ مجھے مارا جارہا ہے۔ جو عناصر نواز شریف کے خلاف کے خلاف سازش کررہے ہیں ان کے نام کیوں نہیں لیتے۔ منگل کے روز نواز شریف کی پریس کانفرنس کے ردعمل دیتے ہوئے پیپلزپارٹی کے سینیئر رہنماءسینیٹر اعتزاز احسن نے کہا ہے کہ نواز شریف نے 90 ءکے الیکشن میں پیسے لے کر دھاندلی کرائی۔ ماضی میں بے نظیر بھٹو کو سزا، جائیداد ضبطی کا حکم سپریم کورٹ نے نواز شریف کے دباﺅ میں آکر دیا چونکہ نواز شریف نے ہی سپریم کورٹ پر حملہ کرایا تھا ۔ سپریم کورٹ پر حملے کے الزام میں مسلم لیگ (ن) کے تین ایم پی ایز کو سزائیں بھی مل چکی ہیں۔ ہر بار نواز شریف سے متعلق عدالتوں کا رویہ نرم ہوتا ہے۔ انہوں نے کہا کہ ایس ای سی پی کے سابق چیئرمین ظفر حجازی سے ریکارڈ میں ٹمپرنگ نواز شریف کی ہدایت پر ہی کی ہے۔ ظفر حجازی کے کیس کا حکم آیا تو نواز شریف کو کچھ نہیں کہا گیا ۔ ظفر حجازی کے کیس میں نواز شریف کو بھی شامل تفتیش کرنا چاہیے۔ انہوں نے مزید کہا کہ وفاقی حکومت اور پنجاب حکومت مسلم لیگ ن کی ہی ہے اور تمام ادارے بھی ان کے ماتحت ہیں۔ پھر بھی مسلم لی گن والے حکومت میں رہتے ہوئے بھی اپوزیشن کا کردار ادا کررہے ہیں نواز شریف ہوا میں مکے چلا رہے ہیں۔ دیکھیں مجھے مارا جارہا ہے نواز شریف ان عناصر کو بے نقاب کریں جو ان کے خلاف سازشیوں میں ملوث ہیں۔سینٹ میں قائد حزب اختلاف اعتزاز احسن نے کہا ہے کہ عدالت میں اسلحہ کسی صورت نہیں لایا جا سکتا، نوازشریف کو پروٹوکول کا عدالت میں اسلحہ لانا ایک خطرناک عمل ہے۔ نوازشریف بڑی چالاکی سے کھیل رہے ہیں۔ نجی ٹی وی سے گفتگو کرتے ہوئے انہوں نے کہا کہ لیگی رہنما یہ تاثر دے رہے ہیں کہ نواز شریف بینظیر بھٹو شہید سے زیادہ بہادر ہیں اور مضحکہ خیز باتیں کر رہے ہیں۔ نوازشریف کو دیا جانے والا پروٹوکول غیر قانونی ہے، وزیراعظم آفس کا غلط استعمال کیا جا رہا ہے۔ عدالتیں نوازشریف کے ساتھ نرمی برت رہی ہیں۔ نیب یا کسی ماتحت عدالت کو ضمانت دینے کا قطعی اختیار حاصل نہیں ہوتا یہ اختیار صرف ہائیکورٹ کا ہے تاہم نوازشریف کیس میں نیب عدالت سے اختیار استعمال کر رہی ہے یہ بھی شریف خاندان کو ایک رعائت دی جا رہی ہے۔ اعتزاز احسن نے کہا کہ احتساب عدالت کے جج اپنے اختیارات استعمال کریں اور حکم جاری کریں کہ صرف پاس جاری ہونے والے افراد کو اندر آنے کی اجازت ہو گی، لیگیوں اور اسلحہ کو عدالت میں آنے سے روکیں۔ ایم کیو ایک پاکستان نے ہمیں سینٹ میں یقین دہانی کرائی کہ ہمارے حق میں ووٹ دیں گے پھر ان کے 8 سنیٹر غائب ہو گئے۔ نظر یہی آتا ہے کہ متحدہ نے ہارس ٹریڈنگ کی، اب فاروق ستار بلاوجہ چلا چلا کر بیان دے رہے ہیں۔ حکومت کے پاس گنتی پوری نہیں ہو رہی تھی یہ لگتا ہے کہ کہیں سے ہدایت آئی اور میاں عتیق نے آ کر ان کے حق میں ووٹ دیدیا۔ اعتزاز احسن نے کہا کہ انٹیلی جنس بیورو بارے جس طرح کی رپورٹیں آ رہی ہیں اس کے بعد اس ادارے پر میرا اعتماد نہیں رہا۔ ومیراعظم اور وزرا کے پاس اقامے ہونا شرمناک ہے اس پر صرف یہی کہہ سکتا ہوں کہ کچھ حیا کرو کچھ شرم کرو۔

اسلام آباد(آئی این پی)عوامی مسلم لیگ کے سربراہ شیخ رشید نے کہا ہے کہ نواز شریف اداروںاور عدلیہ سے جوڈو کراٹے کرنے کے موڈ میں ہیں،سیاستدان وہ ہی بڑاہے جو اپنا کیس قانون کے دائرے کے اندر لڑتا ہے،مسلم لیگ ن حکومت میں بھی ہے ،عدالتوں میں بھی ہے، نواز شریف عدالت میں اس طرح آرہے ہیں جیسے جج کو اٹھانے کیلئے آرہے ہیں،نہوں نے واپس ملک میں آکر احسان نہیں کیا،اگر نہ آتے تو تین سال کے لیے اندر جاتے،س ملک کی بدنصیبی ہے کہ ادارے سیاستدانوں کیلئے کام کررہے ہیں،جس جس نے قانون کے آگے سر جھکایا اس نے عزت پائی ہے اور جس نے قانون سے ٹکر لی وہ زلیل اور رسوا ہوا ہے،عدالتوں کے فیصلوں کا احترام کرنا چاہیے اور ان کے فیصلوں پر سرتسلیم خم کرنا چاہیے۔ شیخ رشید نے نجی ٹی وی سے گفتگو کرتے ہوئے کہا کہ مسلم لیگ ن حکومت میں بھی ہے ،عدالتوں میں بھی ہے اور سڑکوں پر بھی ہے،ایک ملزم جو ہے وہ وزیراعظم کی گاڑیوںکے سکواڈ کو استعمال کررہا ہے۔ انہوں نے عدالت کے اندر صحافیوں پر تشدد کیا ہے۔ انہوں نے کہا کہ اگر انہوں نے اپنے مال سے جائیدادیں بنائی ہیں تو ثبوت دیدیں ،ان کی ضد اور اکڑ ان کو یہاں تک لے آئی ہے اور بہت آگے لے جائے گی۔ان کے سیاسی تابوت نکلیں گے، یہ پہلے جیل میں گئے تھے اور معافی لکھے تھے دس دس سال کیلئے ،جیل ہم جیسے ورکر کاٹتے ہیں ان جیسے شہزادے اور بادشاہ نہیں کاٹتے۔اللہ ان کو ہدایت دے یہ جوڈوکراٹے کے موڈ میں ہیں، اگر یہ اداروں کو عدلیہ سے جوڈوکراٹے کریں گے پھر بینکاک کے شعلے بھی ان کو نظر آئیں گے۔ان کے ورکز میں سے چالیس سے زیادہ لوگ مشرف لیگ سے آئے تھے۔انہوں نے کہا کہ یہ بزنس میں سیاستدان ہیں اپنا نفع اور نقصان سمجھتے ہیں،نواز شریف غلط کھیل رہے ہیں اس ملک کی بدنصیبی ہے کہ ادارے سیاستدانوں کیلئے کام کررہے ہیں۔داعش کے جھنڈے اسلام آباد میں لگنے پر آئی بی کے چیئرمین کو نوٹس دینا چاہیے۔ عمران خان کو بھی نااہلی کے بعد جو ریلی نکالی اس میں پنجاب پولیس، گلگت بلتستان کی پولیس، تمام اضلاع کے وی سی، ڈی سی او، سی پی او، وزراءاور کمشنران ان کے ساتھ تھے جو ہر جگہ پر ان کا استقبال کرتے تھے۔ مگر پھر بھی یہ ریلی ناکام ہوئی۔ ایک سوال کے جواب میں انہوں نے کہا کہ آئی بی کا سربراہ چار دن لندن میں نوازشریف سے ملاقاتیں کررہا تھا یہ کونسا قانون ہے نوازشریف نے تمام اداروں کو تباہ کردیا ہے جیسے مویشی جہاں چارہ دیکھتا ہے ادھر جاتا ہے ویسا ہی حال ہمارے اداروں کا ہے جو جہاں مال ملتا ہے ادھر چلا جاتا ہے۔ شیخ رشید احمد نے کہاہے کہ 2018سے پہلے نواز شریف کی سیاست کا اس ملک سے خاتمہ ہو جائے گا، نواز شریف وہ ہیں جو جے آئی ٹی بننے پر مٹھائیاں بانٹ رہے تھے، اگر ان کو اتنا یقین ہے تو 2018کیوں ابھی مقابلہ کریں، میدان بھی حاضر ہے اور گھوڑا بھی موجود ہے، عظیم عدلیہ نے چووں کو آج کٹہرے میں لا کر کھڑا کر دیا ہے۔ شیخ رشید نے کہا کہ یہ وہ لوگ ہیں جو جے آئی ٹی بننے پر مٹھائیاں بانٹ رہے تھے، یہ وہ ہیں جنہیں نظریہ ضرورت کے ججز چاہئیں، یہ لوگ عدالت کو دھونس سے مرعوب کرنا چاہتے تھے، عظیم عدلیہ نے چوروں کو کٹہرے میں کھڑا کیا ہے، نواز شریف صحافیوں کا جواب دیئے بنا ہی چلے گئے ورنہ صحافی ان سے پوچھتے کہ جناب آپ نے کیا ٹوپی ڈرامہ رچایا ہوا ہے، ایک حلقے کو سمجھتے ہیں کہ سارے ملک کا فیصلہ ہے، اگر ان کا اتنا ایمان ہے تو 2018میں کیوں جاتے ہیں، ابھی مقابلہ کریں، میدان بھی حاضر ہے اور گھوڑا بھی موجود ہے، 2018سے پہلے نواز شریف کی سیاست کا اس ملک سے خاتمہ ہو گا، پاکستان ترقی کرے گا، انہوں نے تو لوٹ لوٹ کر تباہ کر دیا ہے، لگنے دیں ان کے کیسز عوام کو پتہ چلے گا کہ یہ پانامہ تھا یا اقامہ تھا۔