ینگون /نئی دہلی (خصوصی رپورٹ)بھارتی فوج نے روہنگیا مسلمانوں کا داخلہ روکنے کیلئے مارٹرشیلنگ شروع کردی۔ اطلاعات کے مطابق بھارت نے بنگلہ دیشی سرحد کے ساتھ سکیورٹی انتہائی سخت کردی ہے اور روہنگیا مہاجرین پر مرچی اور سن کرنے والے بموں کے استعمال کے بعد اب مارٹر شیلنگ کررہی ہے۔ معلوم ہوا ہے کہ کاکس بازار میں کیمپوں میں جگہ ختم ہونے کے بعد سینکڑوں پناہ گزین مغربی بنگال میں پناہ لینے کی کوشش کررہے ہیں، تاہم بھارتی حکومت نے انہیں ہر صورت روکنے کا حکم دیاہے۔ دوسری جانب برمی فوج کی جانب سے مزید بارودی سرنگیں بچھائے جانے کے بعد روہنگیا مسلمانوں کی بنگلہ دیش نقل مکانی میں تعطل آیا ہے۔ سرحد عبور کرنے کی کوشش کے دوران بارودی سرنگوں پر پاﺅں پڑنے سے متعدد روہنگیا مہاجرین شہید و معذور ہوچکے ہیں۔ علاوہ ازیں رخائن میں ایک اجتماعی قبر دریافت ہوئی ہے ۔جرمن میڈیا کے مطابق برمی فوج نے دعویٰ کیا کہ اس قبر سے اٹھائیس ہندوﺅں کی لاشیں برآمد ہوئی ہیں،جنہیں تشدد کا نشانہ بنانے کے بعد قتل کیا گیا تھا۔ فوجی سربراہ نے اس واقعے کی ذمہ داری اراکان روہنگیا سالویشن آرمی پر عائد کی ہے۔ جبکہ حقیقت یہ ہے کہ سارا ڈرامہ بدھ مت مسلمانوں کو پھنسانے کیلئے خود کررہے ہیں۔

ینگون(خصوصی رپورٹ)” میں اپنے دو بچوں کے ساتھ گھر میں تھی کہ اچانک برمی فوجیوں نے ہم پر یلغار کردی۔ 5مسلح اہلکار میرے بچوں کے سامنے ہی مجھے زیادتی کا نشانہ بناتے رہے۔“ اتنا کہہ کہ میانمار کے جہنم کدے سے جان بچا کر بنگلہ دیش پہنچنے والی رنج والم کی تصویر شمائلہ (فرضی نام) کی آواز رندھ گئی اور اس کی آنکھوں سے اشکوں کا سیل رواں ہوگیا۔ دی اسٹار آن لائن کی رپورٹ کے مطابق اقوام متحدہ نے بنگلہ دیش پہنچنے والی روہنگیا خواتین پر تحقیق کرنے کیلئے ایک فیکٹ فائنڈنگ مشن قائم کیا ہے، جس میں زیادتیوں پر تحقیق کرنے والی اقوام متحدہ کی خصوصی نمائندہ (Pramila Patten) بھی شامل ہیں۔ پرامیلا ، بنگلہ دیش میں مہاجرین کے مختلف کیمپوں میں جاکر برمی فوجیوں اور بدھ مت دہشت گردوں کے ہاتھوں زیادتیوں کا شکار ہونے والی خواتین سے بات چیت کرکے ان پر ڈھائے جانے والے مظالم کی روداد لکھت ہیں۔ ان کا کہناہے کہ ”اس ہفتے جو صورتحال دیکھنے میں آئی ہے، اسے دیکھ کر میں انتہائی درجے پریشان ہوچکی ہوں۔ میں درجنوں خواتین کا ڈیٹا اکٹھا کرچکی ہوں۔ میانمار کے دہشت گرد فوجیوں نے معصوم لڑکیوں کے ساتھ جو کچھ کیا ہے، اس سے انسانیت کا سر شرم سے جھک جاتا ہے۔“ اقوام متحدہ کے مبصرین کا کہنا ہے کہ میانمار سے بڑی تعداد میں ایسی نوجوان خواتین بھی بنگلہ دیش پہنچی ہیں، جنہیں برمی افواج اہلکاروں نے اجتماعی زیادتی کا نشانہ بنایا۔اقوام متحدہ کے مطابق ایسی لڑکیوں کی تعداد بھی ہزاروں میں ہے، جنہیں بدھ مت دہشت گرد اور برمی فوجی مسلمانوں کی آبادیوں سے اٹھا کر لے گئے تھے اور تاحال ان کا کچھ پتا نہیں چل سکا۔ شمائلہ ، بنگلہ دیش میں قائم لیڈر مہاجر کیمپ میں مقیم ہے، جہاں اقوام متحدہ کی ٹیم نے ہفتہ کے روز اس سے ملاقات کی۔ وہ تین دن مسلسل پیدل چل کر بنگلہ دیش پہنچی ہے۔ عزت لٹنے کے بعد وہ جان بچانے کیلئے اپنے دو بچوں لیکر بے سروسامانی کے عالم میں گھر سے نکلی تھی۔ اقوام متحدہ کے مبصرین کا کہنا ہے کہ طویل پیدل سفر کی وجہ سے اب بھی شمائلہ کے پیروں سے خون بہہ رہا ہے۔ شمائلہ اپنی چھ سالہ بچی کا ہاتھ تھامے ہوئے تھی اور بتارہی تھی کہ ” ان سب نے باری باری مجھے سے زیادتی کا نشانہ بنایا اور میرے بچے یہ منظر دہشت کے عالم میں دیکھتے رہے۔ میرا شوہر گھر میں نہیں تھا۔ برمی فوجی درندے جب چلے گئے تو میں اپنے دونوں بچوں کو لے کر وہاں سے بھاگ نکلی۔ میرے تین بچے گھر کے باہر کھیل رہے تھے۔ میںنے باہر آکر انہیں ڈھونڈا، مگر ان کا کچھ پتا نہیں چلا۔ اب تک نہ شوہر کا کچھ پتا ہے اور نہ ہی ان بچوںکا۔ شاید انہیں قتل کردیاگیا ہوگا یا زندہ جلا دیا گیا ہوگا“۔ میڈیکل کے شعبے سے تعلق رکھنے والی نورین تسنوپہ ” لیڈامہاجر کیمپ“ میں اقوام متحدہ کے گشتی کلینک سے وابستہ ہیں۔ ان کا کہنا ہے کہ ” ±میں نے جتنی زخمی روہنگیاخواتین کا علاج کیا ہے، ان میں سے اکثر اجتماعی زیادتی کا شکار ہوئی ہیں۔“نورین نے بتایا کہ ”زیادہ تر خواتین اس قسم کی باتوں کو چھپاتی ہیں، تاہم ہماری ٹیم اکتوبر 2016ءسے روہنگیا پناہ گزینوں کے علاج معالجے میں مصروف ہے، اس لئے ہم آسانی سے ایسی متاثرہ خواتین کو شناخت کرکے ان کا علاج کرتے ہیں۔“ 20سالہ بدقسمت عائشہ بھی ان خواتین میں سے ایک ہے جو اجتماعی عصمت دری کا شکار ہوئیں۔ اس کا نورین کے کلینک میں علاج ہورہاہے۔ اس نے بتایا کہ صبح آٹھ بجے بدھ مت دہشت گردوں نے ہمارے گاﺅں پر حملہ کرکے گھروں کو جلانا شروع کیا تو سب گاﺅں والے بھاگنے لگے۔ لیکن مجھے اپنی جان سے زیادہ اپنے بچے کی فکر تھی۔ جب بچے کو لینے کیلئے گھر میں داخل ہوئی تو میرے پیچھے فوجی اہلکار بھی گھر میں گھس آئے اور انہوں نے مجھے اجتماعی زیادتی کا نشانہ بنایا۔ میرا شوہر بھی گاﺅں والوں کے ساتھ جان بچا کر نکلا تھا۔ میں عزت لٹنے کے بعد وہاں سے نکلی اور اب تک اپنے شوہر سے نہیں مل سکی۔ میں اسے مختلف کیمپوں میں ڈھونڈرہی ہوں۔ مگر تاحال اس کا کوئی سراغ نہیں مل سکا“۔ واضح رہے کہ اس سے قبل بھی بہت سی روہنگیا خواتین سے زیادتی کا انکشاف ہوا ہے۔ جبکہ کئی خواتین کو زیادتی کے بعد قتل بھی کردیا گیاہے۔ بنگلہ دیش کے ضلع کاکس بازار میں اب بنگلہ دیش ڈاکٹر اور کئی بین الاقوامی تنظیمیں روہنگیا خواتین اور بچوں کو طبی امداد فراہم کررہی ہیں۔ ان کا کہنا ہے کہ بہت ساری خواتین انہیں زیادتیوں کے بارے میں خوف اور بدنامی کے ڈر کی وجہ سے بتانے سے کتراتی ہیں، جس کے نتیجے میں انہیں ضروری علاج فراہم نہیں ہوسکتا۔ طبی کارکنوں کا کہناہے کہ اگر متاثرہ خواتین کی نشاندہی اور انہیں طبی سہولیات فراہم نہ کی گئیں تو ان کی صحت پر طویل المدت اثرات مرتب ہوسکتے ہیں۔ تاہم فی الوقت اس مسئلے کی شدت کا اندازہ لگانا بھی ایک مشکل کام دکھائی دے رہا ہے۔

اسلام آباد (مانیٹرنگ ڈیسک) نوازشریف آہستہ آہستہ ذہنی مریض بنتے جارہے ہیں۔ پریس کانفرنس میں بے بسی اور غصہ میں نظرآئے عدالت کو ڈرانے کی کوشش کرتے رہے احتساب عدالت کا معزز جج نے حاضر دماغی اور ذہانت کا مظاہرہ کرکے ان کو ڈرامہ ناکام بنادیا۔ یہ انکشافات سینئر تجزیہ کار نے نجی ٹی وی پروگرام میں گفتگو کرتے ہوئے کئے انہوں نے کہا کہ بڑی تعداد میں لوگوں کو کالے کوٹ پہنا کر ساتھ لیجایا گیا۔ جو جج صاحب کے چیمبر کے باہر پہنچ گئے۔ بدتمیزی شوروغل اور سیلیفیاں لی جاتی رہیں جج صاحب نے موقع کے مطابق فوری انہیں فارغ کردیا۔ نوازشریف اب غیر متعلق ہوچکے ہیں بیرون ملک گئے تو اشتہاری قرار پائینگے اور 3سال کی سزا فوری سنا دی جائے گی۔ بدمعاشیہ میں بہت سے افراد شیروانیاں سلوائے تیار بیٹھے ہیں اب تک 6افراد کو مل چکا ہوں جو وزیراعظم بننے کیلئے تیار بیٹھے ہیں۔ برطانیہ سمیت باہر کے ممالک تیار ہیں کہ سپریم کورٹ پاکستان فیصلہ دے اور وہ ایکشن لیں منی لانڈرنگ کے قوانین انتہائی سخت ہیں اسحاق ڈار سہمے ہوئے ہیں اور اسی ڈر کے باعث وزارت خزانہ چھوڑنے کو تیار نہیں مستعفیٰ ہونے کا کہا گیا تو انہوں نے انکار کردیا ہے۔ اسحاق دار آج احتساب عدالت میں پیش ہونگے ان پر فرد جرم عائد ہوگی۔ اب فرد جرم ہتھکڑیوں اور جیل جانے کا وقت آن پہنچا ہے نوازشریف ایک ہاری جنگ لڑ رہے ہیں سندھ میں سخت آپریشن کسی وقت بھی شروع ہونے کو ہے۔ جو اعلیٰ سطح پر گرفتاریوں سے شروع ہوگا۔ نوازشریف اور آصف علی زرداری، ایم کیو ایم کے بانی الطاف حسین کے پاس اربوں ڈالرز ہیں مقام عبرت دیکھئے دولت ہے، پاور ہے، حتی کہ حکومت بھی ہے لیکن پھر بھی مفلس ہیں۔ پریس کانفرنس سن رہا تھا تو کئی نواز شریف بے بسی دیکھا رہے تھے کبھی غصہ اس لئے میں کہتا ہوں انسان کو اتنا اوپر نہیں جانا چاہیے فرعون کی طرح کیونکہ پھر وہ بعد میں ایسے ہی بے بس ہوکر کہتا ہے مجھے کیوں نکالا ہے؟ میں کیوں بیمار ہوا؟

کراچی(خصوصی رپورٹ)ہر شخص ذہین اور کامیاب بننا چاہتا ہے؛ اور اس کی خواہش ہوتی ہے کہ اس کے پاس بہترین تخلیقی صلاحیتیں بھی ہوں۔ اس مقصد کے لیے لوگ طرح طرح کے نسخے آزماتے ہیں، مشقیں کرتے ہیں اور دوائیاں تک استعمال کرتے ہیں لیکن پھر بھی ان کی اکثریت کامیابی سے دور ہی رہتی ہے۔لیکن آپ کو یہ جان کر شاید حیرت ہو گی کہ نفسیاتی ماہرین نے ایک ایسی عادت دریافت کی ہے جو دنیا کے کم و بیش تمام ذہین ترین افراد میں قدرِ مشترک کی حیثیت رکھتی ہے133 اور وہ ہے تنہائی پسندی۔واضح رہے کہ ماہرین کے نزدیک تنہائی پسندی سے مراد ہر گز یہ نہیں کہ دوسروں سے ملنا جلنا ہی ترک کر دیا جائے اور انسان سب کچھ چھوڑ کر جنگل میں چلا جائے۔ اس کے برعکس، دنیا کے ذہین ترین اور غیرمعمولی تخلیقی صلاحیتوں کے حامل افراد اپنی روزمرہ زندگی میں ملنسار اور دوسروں سے میل جول رکھنے والے ہوتے ہیں لیکن وہ روزانہ اپنے وقت کا کچھ حصہ اکیلے ضرور گزارتے ہیں۔