اسلام آباد( مانیٹرنگ ڈیسک) سندھ کراچی میں زمینوں پر قبضے کرنے والے گروپوں کیخلاف گرینڈ آپریشن کی تیاریاں، فہرستیں تیار ہیں، بڑے بڑے نام پکڑے جائینگے، موجودہ فشریز چیئرمین ماڈل ایان علی کی سفارش پر لگایا گیا۔ نواز شریف اور آصف زرداری مسلسل رابطہ میں ہیں، بھارت نے بلوچستان میں دہشتگرد کارروائیاں شروع کردیں، یہ انکشاف سینئر تجزیہ کار نے نجی ٹی وی پروگرام میں گفتگو کرتے ہوئے کئے ، انہوں نے کہا کہ کراچی میں زمین پر قبضوں کے ماسٹر علی حسن بروہی کی آصف زرداری سے سیٹنگ سابق ڈی جی رینجرز عبدالقادر بلوچ نے کرائی، جو اس وقت ن لیگ کے وفاقی وزیر ہیں، وزیراعلیٰ بلوچستان ثناءاللہ زہری بھی علی حسن بروہی کے دوست ہیں، زمینوں پر قبضوں میں ملوث تمام بڑے ناموں کی فہرست تیار ہے، جن میں علی حسن بروہی، اسفند قریشی جو خورشید شاہ کے فرنٹ مین ہیں، حماد صدیقی کے دو بندے عاطف اور عمران، شیخ فیروز بنگالی جو پہلے ایم کیو ایم میں تھے اب پیپلز پارٹی میں ہیں، فہرست میں تحریک انصاف کا بھی ایک نام علیم عادل شیخ کا شامل ہے، چیئرمین فشریز نثار مورائی بھاگ گئے تو ایان علی کی سفارش پر عبدالبر کو وہاں تعینات کیا گیا، جنرل زبیر نے بتایا تھا کہ بلوچستان میں شرپسندوں کیلئے بڑی رقم بانٹی گئی ہے اس کا ثبوت سامنے آگیا ہے اور وہاں دہشتگردی شروع کرادی گئی ہے، وزیراعظم شاہد خاقان غیر تعلق ہوچکے ہیں، وزیر خزانہ لندن بھاگ گئے ہیں، جنہیں اب ریڈ وارنٹ جاری کرکے واپس لایا جائے گا۔ نواز شریف کا غصہ بڑھ رہا ہے، وکیلوں سے ملے ہیں، ایک وفاقی وزیر کے جرمنی میں اکاو¿نٹس ہیں، نواز، زرداری یک جان دو قالب بنے ہوئے ہیں، آج اسمبلی اجلاس میں حکومت کی جانب سے آئینی ترامیم کی پیپلز پارٹی اور ایم کیو ایم حمایت کرے گی، سندھ سے بھاگے ہوئے اویس ٹپی، منظور کاکا، محمد لال شیخ ودیگر کی ضمانتیں ختم، ای سی ایل میں نام ڈالے جائینگے اور ریڈ وارنٹ جاری کرکے واپس لائے جائینگے۔
