کولکتہ (اے پی پی) ویرات کوہلی بطور کپتان کیلنڈر ایئر کے دوران انٹرنیشنل کرکٹ میں پانچ بار گولڈن ڈک ہو کر کیپل دیو کے ہم پلہ ہو گئے، کوہلی سری لنکا کے خلاف شروع ہونےوالے پہلے ٹیسٹ میچ کی پہلی اننگز میں پہلی ہی گیند پر بغیر کوئی رن بنائے پویلین لوٹے، انہیں سرنگا لکمل نے آﺅٹ کیا، یہ رواں برس پانچواں موقع ہے کہ کوہلی انٹرنیشنل کرکٹ میں گولڈن ڈک ہوئے ہوں، ٹیسٹ اور ون ڈے میں دو، دو مرتبہ جبکہ ایک بار ٹی ٹونٹی میچ میں گولڈن ڈک ہوئے، اس کے ساتھ ہی انہوں نے بطور بھارتی کپتان ایک سال میں زیادہ بار گولڈن ڈک ہونے کا کیپل دیو کا منفی ریکارڈ بھی برابر کر دیا۔، کیپل دیو 1983ءمیں بطور کپتان پانچ بار گولڈن ڈک ہوئے تھے۔
