دبئی (آئی این پی)شاہد آفریدی اوربھارتی اداکارہ زرین ایک اشتہار میں ایک ساتھ وگرہوگئے۔ یہ اشتہار ٹی ٹین لیگ کی فرنچائز پختون ٹیم کی پروموشن کیلئے بنایا گیا ہے۔ جس میں بھارتی اداکارہ زرین خان ریسنگ کار جبکہ شاہد آفریدی ہیوی بائیک چلارہے ہیں۔
شاہد آفریدی تیزی سے بائیک چلاتے ہوئے زرین کی گاڑی کو پیچھے چھوڑدیتے ہیں جس پر زرین کو غصہ آتا ہے اور وہ جاکر کہتی ہیں اوئے مسٹر بہت جلدی میں ہو کیا آفریدی کہتے ہیں پختون کو سپورٹ کرتی ہے جس پر زرین کہتی ہیں ہاں! مجھے پختون پرفخر ہے۔ جب آفریدی ہیلمٹ اتارتے ہیں تو زرین حیران رہ جاتی ہیں۔آفریدی کہتے ہیں تو میچ شروع ہونیوالا ہے، اور دونوں جلدی سے اسٹیڈیم کی جانب روانہ ہوجاتے ہیں۔شاہد آفریدی ٹی ٹین لیگ میں پختون ٹیم کی قیادت کررہے ہیں جبکہ زرین خان ٹیم کی برانڈ ایمبسڈر ہیں۔ لیگ چودہ سے سترہ دسمبر تک یواے ای میں کھیلی جائے گی۔
