لاہور(ویب ڈیسک) نیوزی لینڈ کے خلاف ون ڈے سیریز کیلئے پندرہ رکنی قومی ون ڈے اسکواڈ کا اعلان کردیا گیا۔انجری کا شکار ہونے والے فاسٹ بولر جنید خان کی جگہ آل راو¿نڈر عامر یامین کو شامل کرلیا گیا۔ون ڈے اسکواڈ میں عماد وسیم جگہ بنانے میں ناکام رہے ان کی جگہ بائیں ہاتھ سے گیند کرنے والے اسپنر محمد نواز کو دوبارہ موقع دیا گیا ہے۔پندرہ رکنی اسکواڈ میں کپتان سرفراز احمد کے علاوہ اظہر علی، فخر زمان، امام الحق، بابر اعظم، شعیب ملک، حارث سہیل اور محمد حفیظ شامل ہیں۔اس کے علاوہ آل راو¿نڈر فہیم اشرف، لیگ اسپنر شاداب خان اور فاسٹ بولرز میں محمد عامر، حسن علی، عامر یامین اور رومان رئیس شامل ہیں۔یاد رہے قومی ٹیم کیویز کے خلاف دورے کا آغاز 3 جنوری سے شروع ہونے والے وارم اپ میچ سے کرے گی۔
