ڈبل شاہ تو کچھ بھی نہیں،بھولی بھالی پاکستانی عوام سے اربوں کا فراڈ،نیب کی تاریخ کی سب سے بڑی سزا

لاہور(ویب ڈیسک)احتساب عدالت نے لوگوں کو لوٹنے والے گروہ کے ایک ملزم کو ایک ارب 61 کروڑ روپے جرمانے کی سزا سنا دی ۔احتساب عدالت نے جعل سازی کیس میں ملزم کو 44 لاکھ 35 ہزار814 کویتی دینار جرمانے کی سزا سنادی جو پاکستانی کرنسی میں ایک ارب 61 کروڑ سے زائد رقم بنتی ہے۔عدالت نے ڈبل شاہ طرز پر لوگوں کو کویتی دینار دوگنا کرنے کا جھانسہ دے کر لوٹنے والے گروہ کے ایک کارندے یعقوب پر جرم ثابت ہونے کے بعد سزا سنائی۔ یعقوب پر کیا گیا جرمانہ احتساب عدالت کی تاریخ کی بڑی سزاو¿ں میں سے ایک ہے۔نیب حکام کا کہنا ہے کہ پنجاب میں ایک گروہ نے سادہ لوح لوگوں کو کویتی دینار دوگنا کرنے کا جھانسہ دے کر اربوں روپے ہتھیا لیے تھے۔ اسکنیڈل میں ملوث 3 ملزمان کی عدم پیشی پر انہیں اشتہاری قرار دے دیا گیا جب کہ ایک ملزم پہلے ہی پلی بارگین کر چکا ہے، یعقوب کے خلاف مقدمہ 2006 سے زیر سماعت تھا۔