لاہور (نیوزایجنسیاں ) آئی سی سی کی نئی ون ڈے رینکنگ میں پاکستان اور ویسٹ انڈیز کے درمیان صرف دو پوائنٹس کا فرق ہے ، ورلڈ کپ دو ہزار انیس میں براہ راست جگہ بنانے کے لیے دو سابق ورلڈ چیمپئنز کے درمیان مقابلہ سخت ہوگیا۔ آئی سی سی نے تازہ رینکنگ جاری کر دی ، ون ڈے رینکنگ میں پاکستان نواسی پوائنٹس کے ساتھ آٹھویں پوزیشن پر ہے۔ کالی آندھی ستاسی پوائنٹس کے ساتھ نویں نمبر پر موجود ہے۔ دو سابق ورلڈ چیمپئنز کے درمیان ریٹنگ پوائنٹس کا فرق کم ہو کر صرف دو رہ گیا۔ اپریل میں پاکستان اور ویسٹ انڈیز کے درمیان تین میچز کی ون ڈے سیریز شیڈول ہے۔ سیریز ہارنے والی ٹیم کے ورلڈ کپ میں براہ راست کوالیفائی کرنے کے امکانات کم ہو جائیں گے۔ ورلڈ کپ دوہزار انیس میں دس ٹیمیں شرکت کریں گی ، تیس ستمبر دو ہزار سترہ تک رینکنگ میں شامل ٹاپ آٹھ ٹیمیں براہ راست رسائی حاصل کریں گی۔

نئی دہلی(نیوزایجنسیاں) ویسٹ انڈیز کے سابق اسٹار بیٹسمین برائن لارا نے بھی ویرات کوہلی کے گن گانا شروع کردیے۔برائن لارا کا کہنا ہے کہ کرکٹرز کی موجودہ نسل میں ویرات کوہلی سب سے بہترین اور ان کا بیٹنگ کا اپنا ہی ایک انداز ہے، میں ان کا کسی بھی دوسرے پلیئر سے کوئی موازنہ نہیں کرسکتا۔، قیادت میں بھی ان کا اپنا ایک اسٹائل ہے جوکہ اب تک کافی متاثر کن بھی ثابت ہوا ہے۔برائن لارا نے اپنے دوست سچن ٹنڈولکر کو اپنی میراث نوجوان بھارتی کرکٹرز کو منتقل کرنے کی بھی تعریف کی، انھوں نے کہا کہ اس بات کو یاد رکھنا چاہیے کہ سچن ٹنڈولکر نے جس معیار کی کرکٹ کھیلی وہی جوش و جذبہ انھوں نے نوجوان ہموطنوں میں بھی منتقل کیا جوکہ اسے آگے لے کر چل رہے ہیں۔

کولمبو(نیوزایجنسیاں) سری لنکن کپتان انجیلو میتھیوز ٹخنے کی انجری سے دوچار ہونے پر آسٹریلیا کے خلاف ٹی 20 میچز سے باہر ہوگئے۔سری لنکا کے کپتان انجیلو میتھیوز ٹخنے کی تکلیف کے باعث آسٹریلیا کے ٹوئنٹی 20 ٹور سے بھی باہر ہوگئے ہیں۔، وہ جنوبی افریقہ کے خلاف دوسرے ٹوئنٹی 20 میں میچ وننگ پرفارمنس پیش کرنے کے دوران اس تکلیف میں مبتلا ہوگئے تھے جس کے بعد سے وہ ٹیم سے باہر ہیں۔، اس وقت بھی ان کے بغیر ہی ٹیم جنوبی افریقہ سے ون ڈے سیریز کھیل رہی جس میں اسے مسلسل ناکامیوں کا سامنا کرنا پڑرہا ہے، تین ٹوئنٹی 20 میچز کی سیریز رواں ماہ ہی شیڈول ہے، جس کیلیے میتھیوز کی جگہ قائم قام کپتان کا اعلان منگل کو کیا جائے گا۔

ممبئی(اے این این) ٹنڈولکر پاکستانی خواتین کھلاڑیوں بسمہ معروف اور ثنا میر کی صلاحیتوں سے متاثر ہیں۔سچن ٹنڈولکر نے ویمنز ورلڈ کپ کوالیفائرز کے آغاز کے موقع پر اپنے خصوصی کالم میں دونوں پاکستانی کرکٹرز کی تعریف کرنے کے ساتھ کہا کہ کرکٹ میں خواتین کو برابری کی بنیادوں پر مواقع مہیا کئے جارہے ہیں۔

نئی دہلی ( نیو ز ا یجنسیا ں ) مہندرا سنگھ دھونی کے بعد اب بھارتی آل راو¿نڈر یوراج سنگھ پر بھی فلم بنے گی، اس سلسلے میں اداکار رنبیر کپور سے یوراج سنگھ کا کردار نبھانے کیلیے رابطہ کیا گیا ہے۔آل راو¿نڈرنے اپنی زندگی میں مختلف اتار چڑھاو¿ کا سامنا کیا، وہ کینسر کے مرض میں بھی مبتلا رہے، ان کی کہانی میں ایسا مصالحہ موجود ہے جس پر فلم بنائی جاسکے۔ رپورٹس کے مطابق ان کا کردار ادا کرنے کیلیے رنبیر کپور کا نام سامنے آیا ہے، انھیں اس حوالے سے باقاعدہ آفر بھی کردی گئی جس میں انھوں نے دلچسپی بھی ظاہر کی ہے۔رنبیر کپور کے نزدیکی ذرائع کا کہنا ہے کہ میں اس بات کی تصدیق کرتا ہوں کہ رنبیر کو ایسی آفرز موصول ہوئی ہیں مگر انھوں نے ابھی اس بارے میں حتمی فیصلہ نہیں کیا اب دیکھتے ہیں کہ وہ آگے اس بارے میں کیا فیصلہ کرتے ہیں۔ دلچسپ بات یہ ہے کہ یوراج سنگھ خود اپنا کردار اکشے کمار کو ادا کرتے ہوئے دیکھنا چاہتے ہیں

ہیملٹن (اے پی پی) مایہ ناز بلے باز روس ٹیلر نے ون ڈے میں نیتھن ایسٹل کا نیوزی لینڈ کی جانب سے زیادہ سنچریاں بنانے کا ریکارڈ برابر کر دیا، انہوں نے یہ اعزاز آسٹریلیا کے خلاف ہیملٹن میں کھیلے گئے سیریز کے تیسرے اور آخری ون ڈے میچ میں حاصل کیا32 سالہ ٹیلر نے شاندار بیٹنگ کا مظاہرہ کیا اور 13 چوکوں کی مدد سے 107 رنز کی دلکش اننگز کھیلی، یہ ان کی 16 ویں سنچری ہے، اس طرح انہوں نے ون ڈے نیتھن ایسٹل کی زیادہ سنچریوں کا ریکارڈ برابر کر دیا، سابق بلے باز نتیھن ایسٹل نے 223 ون ڈے کھیل کر 16 سنچریاں سکور کیں، مارٹن گپٹل 11 سنچریوں کے ساتھ تیسرے نمبر پر ہیں۔

بارسلونا(نیوزایجنسیاں) ا سپینش فٹبال لیگ میں لیونل میسی نے ایک اور ریکارڈ برابر کردیا۔ایتھلیٹک بلباو¿ کیخلاف بارسلونا کی 0-3 سے کامیابی میں ارجنٹائنی اسٹرائیکر نے گول داغ کر کلب ریکارڈ برابر کرلیا، یہ فری کک پر کلب کیلیے ان کا 27واں گول شمار ہوا۔، ان سے قبل سابق ڈچ فٹبالر رونالڈ کوئیمین بھی اسی انداز میں بارسلونا کیلیے تمام ایونٹس میں اتنی ہی بار گیند کو جال میں پہنچاچکے ہیں۔بارسلونا کیلیے پیکو السیسار اور الیکس ویڈال نے بھی ایک ایک گول بنایا، بارسلونا کی ٹیم پوائنٹس ٹیبل پر دوسری پوزیشن پر فائز ہے