راولپنڈی (آئی این پی) راولپنڈی ،اسلام آباد کی کشیدہ صورت حال کے باعث نیشنل ٹی ٹوئنٹی کے سیمی فائنل ملتوی کردیے گئے ہیں،قائد اعظم ٹرافی کا سپر8 راونڈ بھی نہیں ہوگا۔پی سی بی کا کہنا ہے کہ ملتوی کئے گئے سیمی فائنلز اور فائنل میچز کی نئی تاریخوں کا اعلان بعد میں کیا جائے گا۔ تفصیلات کے مطابق راولپنڈی میں جاری نینشل ٹی 20 کپ کے سیمی فائنلز تاخیر کا شکار ہوگئے ہیں۔ گزشتہ روز وفاقی دارالحکومت اسلام آباد میں مذہبی جماعتوں کے دھرنے کے خلاف ہونے والے آپریشن کے بعد ملک بھر میں احتجاجی ریلیوں، دھرنوں اور مظاہروں کا سلسلہ شروع ہوگیا جس کی وجہ سے عوام کو شدید مشکلات کا سامنا کرنا پڑا۔اسلام آباد سمیت ملک بھر میں جاری مظاہروں کی وجہ سے نیشنل ٹی ٹوینٹی 2017 کپ کے سیمی فائنلز بھی تاخیر کا شکار ہوگئے ہیں اور قائد اعظم ٹرافی کا سپر8 راونڈ بھی نہیں ہوگا۔ ہفتے کے روز شیڈول نیشنل ٹی ٹوینٹی کے سیمی فائنل کا پہلا میچ دوپہر 12 بجے اور دوسرا سیمی فائنل شام 4 بجے لاہور بلوز اور فاٹا کے درمیان ہونا تھا جب کہ فائنل اتوار کو شیڈول تھا۔تاہم پاکستان کرکٹ بورڈ (پی سی بی)نے امن و امان کی خراب صورت حال کی وجہ سے دونوں سیمی فائنل ملتوی کرکے ایک روز آگے بڑھا دیئے لیکن حالات بدستور خراب ہونے کے باعث اب پی سی بی کا کہنا ہے کہ ملتوی کئے گئے سیمی فائنلز اور فائنل میچز کی نئی تاریخوں کا اعلان بعد میں کیا جائے گا۔

برسبین ( سی پی پی ) برسبین ٹیسٹ کے چوتھے روز کھیل کے اختتام پرآسٹریلیا نے 170رنز کے ہدف کے تعاقب میں بغیر کسی نقصان کے 114رنز بنالئے۔ جیت کے لئے مزید 56 رنز درکار ہیں جبکہ 10وکٹیں ابھی باقی ہیں، اوپنرز ڈیوڈ وارنر 60اور بین کرافٹ 51رنز کے ساتھ کریز پر موجود ہیں۔ انگلینڈ نے 33رنز دو کھلاڑی آو¿ٹ پراپنی اننگز آگے بڑھائی، لیکن اسٹون مین 27رنز بناکر پویلین لوٹ گئے۔ ملان بھی زیادہ دیر وکٹ پر ٹھہر سکے اور صرف دورنز بناکر آو¿ٹ ہوگئے۔ جو روٹ اور معین علی نے محتاط انداز سے بیٹنگ اور اسکور 113رنز تک پہنچادیا، جو روٹ 51رنز بناکر آو¿ٹ ہوئے جبکہ معین علی 40رنز بناکر لایون کا شکاربنے۔ ووکس 17رنز کی اننگز کھیل کر آو¿ٹ ہوگئے۔بیرسٹو، براڈ اور جیک بال اسکور میں صرف 10رنز کے اضافے پر پویلین لوٹے اور مہامان ٹیم دوسری اننگز میں صرف 195رنز پربناسکی۔یوںپہلی اننگز میں 15رنز کی برتری کے سبب آسٹریلیا کو جیت کے لئے 170رنز کا ہدف ملا۔آسٹریلیا کی طرف سے اسٹارک، ہیزل ووڈ اور لایون نے تین، تین وکٹیں حاصل کیں۔دوسری اننگزمیں اوپنرز بین کرافٹ اور ڈیوڈ وارنر نےشاندار بیٹنگ کرتے ہوئے ناقابل شکست 114رنز بناکر ٹیم کو فتح کے انتہائی قریب کردیا، جب چوتھے روز جب کھیل ختم ہوا تو آسٹریلیا کو جیت کے لئے 56رنز کی ضرورت تھی اور اس کی10 وکٹیں باقی تھیں۔ وارنر60اور بین کرافٹ 51رنز بناکر ناٹ آو¿ٹ ہیں۔

لاہور (یو این پی) چیئرمین پی سی بی نجم سیٹھی کو کیس دائر کرنے کیلئے ”مناسب وقت “کا انتظار کرنے کے مشورے بھی ملنے لگے اور انہیں تجویز دی گئی ہے کہ کیس اس وقت دائر کیا جائے جب سو فیصد کامیابی کی توقع ہو لیکن دوسری جانب کیس کے ٹی او آرز پر بھی کرکٹ بورڈ حکام کشمکش کا شکارہیں ۔اوراس سلسلے میں مشاورت جاری ہے۔ بھارت کیخلاف قانونی چارہ جوئی کے بڑے مخالف سابق آئی سی سی صد راحسان مانی کا ساتھ میسر آنے پر اب پی سی بی کو ظہیر عباس سمیت دیگر کچھ افراد درکار ہیں تاکہ کیس ہارنے کی صورت میں میڈیا کے تنقیدی حملوں کو سہنے میں مدد مل سکے۔