لاہور (اپنے سٹاف رپورٹر سے) وزیراعلیٰ پنجاب محمد شہبازشریف کی زیرصدارت صوبائی ایپکس کمیٹی کا اجلاس منعقد ہوا۔ مشیر قومی سلامتی لیفٹیننٹ جنرل (ر) ناصر جنجوعہ، کور کمانڈر لاہور لیفٹیننٹ جنرل صادق علی، ڈی جی رینجرز پنجاب میجر جنرل عمر فاروق برکی، جنرل آفیسر کمانڈنگ 10 ڈویژن میجر جنرل سردار طارق امان، چیف سیکرٹری پنجاب کیپٹن (ر) زاہد سعید، انسپکٹر جنرل پولیس پنجاب مشتاق احمد سکھیرا، سیکرٹری داخلہ پنجاب میجر (ر) اعظم سلیمان خان، سیکرٹری نیشنل سکیورٹی ڈویڑن شعیب احمد صدیقی اور اعلیٰ سول و عسکری حکام نے اجلاس میں شرکت کی۔ چار گھنٹے طویل اجلاس میں نیشنل ایکشن پلان کے تحت صوبے سے دہشت گردی، عسکریت پسندی،انتہا4 پسندی اور فرقہ واریت کے خاتمے کیلئے کیے جانے والے اقدامات پر پیش رفت کا تفصیلی جائزہ لیا گیا۔ صوبائی ایپکس کمیٹی کے اجلاس میں دہشت گردی، عسکریت پسندی ،انتہاپسندی اور فرقہ واریت کے مکمل خاتمے کے عزم کا اعادہ کیا گیا اور پنجاب میں نیشنل ایکشن پلان کے تحت کئے جانیوالے اقدامات پر اطمینان کا اظہارکیا گیا۔ اجلاس میں دہشت گردوں اور ان کے سہولت کاروں کے خلاف کامیاب آپریشنز پر پنجاب حکومت اور قانون نافذ کرنیوالے اداروں کی کارکردگی کو سراہا گیا۔ صوبائی ایپکس کمیٹی کے اجلاس میں وطن عزیز میں امن کیلئے قیمتی جانوں کے نذرانے پر پیش کرنیوالے پاک افواج کے افسروں و جوانوں، پنجاب پولیس کے افسروں واہلکاروں اور دیگر اداروں سے تعلق رکھنے والے افراد کی قربانیوں کو زبردست خراج عقیدت پیش کیا گیا۔ اجلاس میں نیشنل ایکشن پلان کے تحت دہشت گردی، عسکریت پسندی ،انتہاپسندی اور فرقہ واریت کے خاتمے کیلئے مزید مربوط اور موثر اقدامات پر اتفاق کیا گیا۔ اجلاس میں فیصلہ کیاگیا کہ دہشت گردوں اور ان کے سہولت کاروں کو مالی معاونت فراہم کرنے والوں کے خلاف بلاامتیاز کریک ڈان ہو گا اور دہشت گردوں اوران کے سہولت کاروں کو مالی معاونت کی فراہمی کی ہر قسم کے ذرائع بند کئے جائیں گے۔ اجلاس میں فیصلہ کیاگیا کہ مذہبی منافرت پر مبنی لٹریچر کی اشاعت و تقسیم میں ملوث افراد کے خلاف زیرو ٹالرنس پالیسی پر عملدرآمد کیا جائے گا اور اشتعال انگیز تقاریر پر پابندی کے قانون پر سختی سے عملدرآمد کرایا جائے گا،اسی طرح ایمپلی فائر ایکٹ کی خلاف ورزی کسی صورت برداشت نہیں کی جائے گی اور سوشل میڈیا پر انتہاپسندی ، عسکریت پسندی اور فرقہ واریت پھیلانے والوں کے خلاف بھی سخت ترین کارروائی ہوگی۔ اجلاس میں پنجاب کے داخلی و خارجی راستوں کی نگرانی مزید سخت کرنے کا فیصلہ کیا گیا۔ وزیراعلی محمد شہبازشریف نے صوبائی ایپکس کمیٹی کے اجلاس سے خطاب کرتے ہوئے کہا کہ ہماری بقا دہشت گردی کے خاتمے میں ہی مضمر ہے اور پوری قوم اس مقصد کے حصول کیلئے یکجا ہے۔نیشنل ایکشن پلان پاکستان میں امن کی ضمانت ہے۔سیاسی و عسکری قیادت کے متفقہ فیصلوں کے مثبت نتائج سامنے آئے ہیں اور نیشنل ایکشن پلان کے تحت کئے جانے والے اقدامات کے باعث دہشت گردی اور فرقہ واریت کے واقعات میں نمایاں کمی ہوئی ہے۔ دہشت گردی کے خلاف جنگ میں بے مثال کامیابیوں کا ثمر انہی قربانیوں سے ممکن ہوا ہے اور آج پاکستان پہلے سے کہیں زیادہ محفوظ اور پرامن بن چکا ہے۔ وزیراعلی پنجاب محمد شہبازشریف سے مشیر قومی سلامتی لیفٹیننٹ جنرل (ر) ناصر جنجوعہ نے بھی ملاقات کی۔اس موقع پر کور کمانڈر لاہورلیفٹیننٹ جنرل صادق علی بھی موجود تھے۔ملاقات میں نیشنل ایکشن پلان کے تحت کیے جانے والے اقدامات پر بات چیت ہوئی۔ وزیراعلیٰ پنجاب محمد شہباز شریف کی زیر صدارت پنجاب ایگریکلچر فوڈ اینڈ ڈرگ اتھارٹی کے بورڈ کا پہلا اجلاس منعقد ہوا جس میں اتھارٹی کے تنظیمی ڈھانچے کی تشکیل اور دیگر امور کی منظوری دی گئی-وزیر اعلی شہباز شریف نے اجلاس سے خطاب کرتے ہوئے کہا کہ عوام کو معیاری ادویات اور ملاوٹ سے پاک خوراک کی فراہمی یقینی بنانے کیلئے پنجاب ایگریکلچر فوڈ اینڈ ڈرگ اتھارٹی کا قیام عمل میں لایا گیا ہے -کسانوں کو معیاری زرعی ادویات کی فراہمی کے حوالے سے بھی یہ اتھارٹی موثر کردار ادا کرے گی-انہوں نے کہا کہ خوراک اور ادویات کے نام پر عوام کو زہر کھلانے والے کسی رعایت کے مستحق نہیں اور جعلی زرعی ادویات کے کاروبار کے ذریعے کسی کو کسانوں کا معاشی قتل نہیں کرنے دیں گے – صوبے سے جعلی ادویات اور ملاوٹ شدہ خوراک کی تیاری اور فروخت کے گھنا¶نے کاروبار کو جڑسے اکھاڑ پھینکیں گے۔ وزیراعلیٰ پنجاب محمد شہباز شریف سے آج ےہاں وفاقی وزےر صنعت و پےداوار غلام مرتضیٰ خان جتوئی نے ملاقات کی ۔وزےراعلیٰ شہبازشرےف نے اس موقع پرگفتگو کرتے ہوئے کہا کہ پاکستان مسلم لےگ(ن) کی حکومت کی ٹھوس معاشی پالےسےوں کے باعث قومی معےشت مےں نماےاں بہتری آئی ہے۔تجارتی و معاشی سرگرمےوں اورسرماےہ کاری کے فروغ سے روزگار کے نئے مواقع پےدا ہو رہے ہےں ۔انہوںنے کہا کہ گزشتہ ساڑھے تین برس کے دوران معاشی محاذ پر شاندار کامیابیاں حاصل ہوئی ہیں۔ عام آدمی کی زندگی میں خوشحالی لانے کے منصوبے تیزرفتاری سے مکمل کئے جا رہے ہیں۔

اسلام آباد ( مانیٹرنگ ڈیسک ‘نیوزایجنسیاں) وزیراعظم محمد نوازشریف نے کہا ہے کہ جموں و کشمیر پاکستان کی شہ رگ اور شناخت کا لازمی جز ہے ¾کشمیریوں کومسئلہ کشمیر کے حتمی حل کا حصہ ہوناچاہیے , پاکستان کشمیریوں کی سفارتی اور اخلاقی حمایت جاری رکھے گا ¾کشمیریوں کواقوام متحدہ کی قراردادوں کے مطابق حق خودارادیت ملنا چاہیے ¾ہمسایوں کے ساتھ دوستانہ مراسم چاہتے ہیں تاہم مسئلہ کشمیر کے حل کے بغیر خطے میں بہتری ممکن نہیں ,برہان وانی کی شہادت نے نوجوانوں میں نیاجوش اور ولولہ پیداکیاہے۔ کشمیر سے متعلق بین الاقوامی پارلیمانی سیمینار سے خطاب کرتے ہوئے وزیراعظم نواز شریف نے کہاکہ کشمیر پاکستان کی شہ رگ اور شناخت ہے اور ہم کشمیریوں کی سیاسی، سفارتی اور اخلاقی حمایت جاری رکھیں گے اور بین الاقوامی اداروں کی توجہ اس جانب مبذول کراتے رہیں گے۔ انہوںنے کہاکہ کشمیری جس بہادری اور عزم کے ساتھ قابض افواج کا جواں مردی سے مقابلہ کر رہے ہیں انہیں خراج تحسین پیش کرتا ہوں، کشمیری نوجوان کشمیر کی تاریخ میں نیا باب رقم کر رہے ہیں، تحریک آزادی کے نوجوان رہنما برہان مظفر وانی کی شہادت کشمیریوں کے لئے ایک مثال بن گئی ہے ¾وانی کی شہادت نے کشمیریوں میں ایک نیا ولولہ اور روح پھونک دی ہے۔وزیراعظم نے کہا کہ گزشتہ 6، 7 ماہ سے جاری پرامن احتجاج کشمیریوں کی خواہش کا منہ بولتا ثبوت ہے کہ وہ مقبوضہ فورسز سے آزادی چاہتے ہیں اور ہم اپنے کشمیری بھائیوں کی ہر خوشی اور غم میں ان کے ساتھ شریک ہیں۔ انہوں نے کہا کہ ہم نے کشمیر کا معاملہ بین الاقوامی سطح پر اجاگر کرنے کے لے مختلف ممالک میں وفود بھیجے اور میں نے خود بھی کشمیر کے مسئلے کو اقوام متحدہ کی جنرل اسمبلی کے اجلاس میں اٹھایا۔وزیراعظم نواز شریف نے کہا کہ کشمیر کو اس طرح جلتا نہیں دیکھ سکتے اور حق اور سچ کی آواز گولیوں سے نہیں دبائی جا سکتی۔ انہوں نے کہا کہ دنیا جانتی ہے کہ کشمیر میں کیا ہو رہا ہے اور کون نہتے کشمیریوں پر ظلم کے پہاڑ توڑ رہا ہے، مسئلہ کشمیر کو کشمیریوں کی امنگوں اور خواہشات کے مطابق حل کرنا ہوگا۔دریں اثناء وزیر اعظم نے کہاکہ پاکستان ہر بین الاقوامی فورم پرمسئلہ کشمیر اجاگر کرتا رہے گا۔ انہوںنے کہاکہ حال ہی میں ارکان پارلیمان کو بیرون ملک اپنے نمائندوں کے طور پر بھجوایاگیاتھاکہ تاکہ دنیا کو مقبوضہ کشمیر کی عوام کی حالت زار کے بارے میں آگاہ کیاجاسکے۔ آزاد کشمیر کے صدر مسعود خان ، وزیر اعظم راجہ فاروق حیدر ، وزیر دفاع خواجہ محمد آصف بھی تقریب میں موجود تھے جبکہ یورپ اور شمالی امریکہ سے کشمیر کے بارے میں دانشور بھی تقریب میں شریک تھے۔خطاب کرتے ہوئے وزیر اعظم نے کہا کہ پاکستان اکادمی ادبیات کے زیراہتمام چار روزہ ادبی کانفرنس کی افتتاحی نشست سے خطاب کررہے تھے ۔ وزیراعظم نے کہا کہ ادیب، شاعر، دانشور اور اہل قلم کسی بھی معاشرے کا قیمتی اثاثہ ہوتے ہیں جب تک علم و ادب سے لگن رہی مسلمان سرخرو رہے۔ انہوں نے کہا کہ امن کے فروغ کے لیے ادیبوں اور دانشوروں کا اہم کردار ہے، اہل قلم و دانشور محبتوں کے سفیر ہوتے ہیں اور ان کی نظر آنے والے زمانے پر بھی ہوتی ہے۔ انہوں نے کہا کہ شاعروں اور ادیبوں کی تحریریں دلوں کو گرماتی ہیں، اہل قلم خواب، ان پر عمل اور جدوجہد کا جذبہ دیتے ہیں۔ اس موقع پر انہوں نے شاعر مشرق علامہ محمد اقبال کا حوالہ دیتے ہوئے کہا کہ خطے کی کئی قوموں نے علامہ اقبالؒ کے افکار کو مشعل راہ بنایا اور اپنی زندگیوں میں انقلاب پیدا کیا، علامہ اقبال نے قرارداد پاکستان سے 10 سال قبل موجودہ پاکستان کا خاکہ پیش کردیا تھا۔ وزیراعظم نے کہا کہ ہمارا پختہ عزم ہے کہ ہم وطن عزیز کو دہشت گردی سے پاک کرکے امن و سکون کا گہوارہ بناکر دم لیں گے اور اس مشن کی تکمیل کےلئے معاشرے کے ہر طبقے خصوصاً میڈیا کا کردار نہایت اہم ہے۔ انہوں نے کہا کہ دہشتگردی کے خاتمے اور امن کے فروغ کےلئے سب سے کلیدی کردار ہمارے ادیبوں، شاعروں اور اہل علم و دانش کا ہے اور آپریشن ضرب عضب کے ساتھ ساتھ آپریشن ضرب قلم کی بھی ضرورت ہے۔ انہوں نے کہاکہ حکومت قومی تاریخ اور ادبی ورثہ ڈویژن کیلئے 50 کروڑ روپے فنڈز قائم کرےگی ۔انہوں نے کہاکہ ہم فنکاروں کی قدر کرتے ہیں اور انہیں بے قدری کی موت نہیں مرنے دیں گے ۔دریں اثناءپاکستان اکادمی ادبیات کے چیئرمین ڈاکٹر محمد قاسم بگھیو نے اسلام آباد میں ایک میڈیا بریفنگ میں کانفرنس کی تفصیلات بتاتے ہوئے کہا کہ پاکستان اکادمی ادبیات نے ادب اور ثقافت کے فروغ کیلئے ملک کے بڑے شہروں میں متعدد پروگراموں کا اہتمام کیا ہے۔قبل ازیں وزیراعظم محمد نوازشریف نے کہا ہے کہ موجودہ حکومت کی دانشمندانہ حکمت عملی اور ٹھوس پالیسیوں کی بدولت اقتصادی نمو میں نمایاں کامیابی ملی ہے جس کا اعتراف بین الاقوامی مالیاتی اداروں نے بھی کیا ہے۔ انہوں نے یہ بات بدھ کو پاکستان کی برآمدات میں اضافے کیلئے حکومت کی طرف سے اٹھائے جانے والے اقدامات کے جائزہ اجلاس کی صدارت کرتے ہوئے کہی۔ وزیراعظم نے کہا کہ ہماری سٹاک مارکیٹوں میں غیر معمولی اضافے کا رجحان ظاہر ہے۔ افراط زر کی شرح میں کمی آئی ہے اور اب سرمایہ کار پاکستان میں سرمایہ کاری میں دلچسپی رکھتے ہیں۔ وزیراعظم کو بتایا گیا کہ برآمدات کے حوالے سے نشاندہی کردہ اہم ایشوز میں پاکستانی مصنوعات کے ساتھ مقابلہ کرنے والے مسابقانہ بین الاقوامی سپلائرز، برآمدات پر تقابلی مراعات جہاں دیگر معیشتیں زیادہ مراعات دے رہی ہیں اور ٹیکس نظام شامل ہیں۔ وزیراعظم کو ایگروپراسیسنگ کیلئے پلانٹ اور مشینری، ٹیکنالوجی اپ گریڈیشن فنڈ، برینڈ اینڈ سرٹیفکیشن ڈویلپمنٹ، مصنوعات کی تیاری پر مراعات اور متعلقہ ٹیکسوں اور لیویز سے متعلق حکومت کی طرف سے فراہم کردہ معاون اقدامات کے بارے میں بھی آگاہ کیا گیا۔وزیراعظم نے فنانس ڈویژن، کامرس ڈویژن، فیڈرل بورڈ آف ریونیو اور سرمایہ کاری بورڈ کو ہدایت کی کہ وہ اس صورتحال کو بہتر بنانے کیلئے ٹھوس تجاویز پیش کریں۔ وزیراعظم نے مزید ہدایت کی کہ یہ تجاویز کاروباری نمائندوں کی موجودگی میں آئندہ اجلاس میں پیش کی جائیں تاکہ کاروباری برادری کی آراءکو بھی یقینی بنایا جا سکے۔ اجلاس میں وزیر خزانہ سینیٹر محمد اسحاق ڈار، وزیر تجارت خرم دستگیر خان، وزیر منصوبہ بندی و ترقی احسن اقبال، چیئرمین سرمایہ کاری بورڈ مفتاح اسماعیل، وزیراعظم کے سیکرٹری، سیکرٹری خزانہ، چیئرمین ایف بی آر اور دیگر اعلیٰ حکام نے شرکت کی۔

خضدار(نمائندہ خبریں، نیوز ایجنسیاں) آرمی چیف جنرل قمر جاوید باجوہ نے بھارتی سرجیکل اسٹرائیک کا دعویٰ مسترد کرتے ہوئے کہا کہ پاک فوج کسی بھی جارحیت کا جواب دینے کے لیے ہر وقت تیار ہے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے بھارتی آرمی چیف کی جانب سے سرجیکل اسٹرائیک کا دعویٰ مسترد کرتے ہوئے کہا کہ پاکستان کی مسلح افواج کسی بھی طرح کی جارحیت کا جواب دینے کے لیے ہر وقت تیار ہے جب کہ جنرل قمر جاوید باجوہ نے بھارت کے دوبارہ ممکنہ سرجیکل اسٹرائیک کوبھی مسترد کردیا اور ان کا کہنا تھا کہ بھارتی آرمی چیف دعویٰ کرکے خود کو دھوکا دے رہے ہیں۔ اس سے قبل پاک چین اقتصادی راہداری منصوبے سے متعلق خضدارمیں تقریب سے خطاب کے دوران آرمی چیف جنرل قمرجاوید باجوہ نے کہا کہ بلوچستان پاکستان کا دل ہے اور بلوچستان میں ہر قیمت پر امن قائم کریں گے، پاک فوج بلوچستان میں امن قائم کرنے کے لئے ہراقدامات کرے گی۔ آرمی چیف نے کہا کہ بلوچستان میں 30 ہزارفوجی جوان سیکیورٹی کے فرائض انجام دے رہے ہیں، بحریہ، فضائیہ سمیت دیگرقانون نافذ کرنے والے اداروں میں بھی بلوچستان کے نوجوانوں کو نمائندگی دی گئی ہے، بلوچستان میں 25 ہزار بچے ایف سی اور آرمی پبلک کے زیرانتظام تعلیم حاصل کررہے ہیں، کوئٹہ میں بھی انجنیئرنگ یونیورسٹی کا کیمپس بنایا جارہا ہے۔ آرمی چیف جنر ل قمر جاوید باجوہ نے کہا ہے کہ بلوچستان اپنی جغرافیائی اہمیت کی وجہ سے سب کی توجہ کا مرکز بناہوا ہے اور خطے کی اقتصادی ترقی میں اس کا کردار انتہائی اہم ہے، یہی وجہ ہے کہ ہمارے دشمن بلوچستان میں بے امنی اور عدم استحکام پیدا کرنے کی کوششوں میں لگے ہوئے ہیں لیکن ہم نے ان کے سازشوں کو ناکام بنادیا، بلوچستان پاکستان کا دل ہے، صوبے میں ہر قیمت پر امن قائم کریں گے، گوادر بندرگاہ کی ترقی اور سی پیک منصوبوں کی تکمیل ہمارا قومی عزم ہے، وفاقی، صوبائی حکومتیں اور فوج صوبے میں امن واستحکام کےلئے بھرپور کردار ادا کر رہی ہیں، وعدہ ہے بلوچستان کے ہر علاقے کو ترقی دیں گے، کوئٹہ میں انجنیئرنگ یونیورسٹی کاکیمپس بنایا جا رہا ہے، نیوی، ایئرفورس اور دیگر قانون نافذ کرنے والے اداروں میں بلوچستان کو بھی نمائندگی دی گئی ہے۔ وہ گزشتہ روز خضدار میں بلوچستان یونیورسٹی آف انجینئرنگ اینڈ ٹیکنالوجی کے زیر اہتمام منعقدہ سیمنار سے خطاب کر رہے تھے۔ اس موقع پر وزیراعلی بلوچستان سردار ثنا اللہ خان زہری اور کمانڈر سدرن کمانڈ جنرل عامر ریاض بھی موجود تھے۔ آرمی چیف جنرل قمر جاوید باجوہ نے کہا کہ بلوچستان کی جغرافیائی اہمیت خطے میں ترقی کے حوالے سے بہت اہم ہے ، بلوچستان اپنی جغرافیائی اہمیت کی وجہ سے سب کی توجہ کا مرکز بناہوا ہے اور خطے کی اقتصادی ترقی میں اس کا کردار انتہائی اہم ہے۔انہوں نے کہا کہ یہی وجہ ہے کہ ہمارے دشمن بلوچستان میں بے امنی اور عدم استحکام پیدا کرنے کی کوششوں میں لگے ہوئے ہیں لیکن ہم نے ان کے سازشوں کو ناکام بنادیا، آج کا بلوچستان مضبوط ، مستحکم اور بحالی کے راستے پر گامزن ہے ۔انہوں نے کہا کہ گوادر بندرگاہ کی ترقی اور سی پیک منصوبوں کی تکمیل ہمارا قومی عزم ہے ، وفاقی ،صوبائی حکومتیں اور فوج صوبے میں امن واستحکام کےلئے بھرپور کردار ادا کر رہی ہیں ۔ آرمی چیف نے کہا کہ خطے میں اقتصادی ترقی اور خوشحالی کےلئے توجہ مرکوز کرنے کی ضرورت ہے ، مربوط رابطے علاقوں کو ہی نہیں بلکہ دلوں کو بھی جوڑتے ہیں ، بلوچستان میں جاری ترقیاتی سرگرمیاں اور مستقبل کی تجارت کی حفاظت کے لئے مقامی افراد کو آگے لانا ہوگا۔انہوں نے کہا کہ پاک فوج میں بلوچستان کے 20ہزار سپوت فرائض سرانجام دے رہے ہیں ، پاک فوج میں بلوچستان کے 603افسر اور232کیڈٹ تربیت حاصل کر رہے ہیں ، بلوچستان پاکستان کا دل ہے اور پاکستان کی ترقی بلوچستان سے جڑی ہے ۔انہوں نے کہاکہ بلوچستان پاکستان کا دل ہے،کوئٹہ میں بھی انجیئرنگ یونیورسٹی کاکیمپس بنایا جارہا ہے،بلوچستان میں 30ہزار فوجی جوان خدمات انجام دے رہے ہیں،نیوی اور ایئرفورس اور دیگر قانون نافذ کرنے والے اداروں میں بلوچستان کو بھی نمائندگی دی گئی ہے۔بلوچستان میں 25ہزار بچے ایف سی اور آرمی پبلک کے زیر اہتمام تعلیم حاصل کر رہے ہیں۔آرمی چیف نے کہاکہ بلوچستان میں ہر قیمت پر امن قائم کریں گے،وعدہ ہے کہ بلوچستان کے ہر علاقے کو ترقی دیں گے۔پاک فوج امن قائم کرنے کیلئے اپنا کردار ادا کرنے میں کوئی کسر نہیں چھوڑے گی۔آرمی چیف نے خاص طور پر تقریب میں شریک نوجوانوں کو مخاطب کرتے ہوئے کہا کہ آپ پاکستان کا مستقبل ہیں، آپ کو پاکستان کو اس مقام تک پہچانے کی کوششوں کی قیادت کرنی ہے جس کا وہ حق دار ہے، لہذا چیلنجز کا سامنا کرنے کے لیے تیار ہوجائیں، موقعوں سے فائدہ اٹھائیں اور ہم سب کا سر فخر سے بلند کردیں۔

اسلام آباد (نامہ نگار خصوصی، مانیٹرنگ ڈیسک) پانامالیکس سے متعلق درخواستوں کی سماعت کرنے والے سپریم کورٹ کے پانچ رکنی بنچ کے سربراہ جسٹس آصف سعید کھوسہ نے کہا ہے کہ وزیر اعظم نواز شریف کہتے ہیں کہ جلا وطنی کے بعد انہوں نے جدہ میں فیکٹری لگائی کیونکہ مشرف دور میں ان کے تمام کاروبار کو بند کر دیا گیا تھا۔ اگر یہی بات ہے تو فیکٹری لگانے کے پیسے کہاں سے آئے؟ا±نھوں نے کہا کہ وزیر اعظم کے مالیاتی مشیر نے کہا تھا اس بارے میں تمام ثبوت موجود ہیں اور ان کا ریکارڈ وزیراعظم کے وکیل کے پاس ہے لیکن عدالت میں اس ضمن میں کچھ بھی جمع نہیں کروایا گیا۔ پاناما کیس میں وزیر اعظم نواز شریف کے وکلا نے سپریم کورٹ کے روبرو تحریری عدالتی سوالات کے جواب جمع کرا دیئے۔ جمعرات کو سپریم کورٹ کے جسٹس آصف سعید کھوسہ کی سربراہی میں جسٹس اعجاز افضل خان، جسٹس گلزار احمد، جسٹس شیخ عظمت سعید اور جسٹس اعجاز الحسن پر مشتمل پانچ رکنی بینچ نے امیر جماعت اسلامی پاکستان سنیٹر سراج الحق، چیئرمین تحریک انصاف عمران خان، سربراہ عوامی مسلم لیگ شیخ رشید احمد اور طارق اسد ایڈووکیٹ کی جانب سے وزیراعظم نوازشریف اور ان کے خاندان کے افراد کی آف شور کمپنیوں کی تحقیقات کے لئے دائر درخواستوں پر سماعت کی۔ سماعت کے آغاز پر وزیر اعظم کے وکلا کی جانب سے عدالتی سوالوں کا جواب جمع کرادیا گیا جس میں بتایا گیا کہ نوازشریف 25 اپریل 1981 سے 28 فروری 1985 تک پنجاب کے وزیر خزانہ ، 19 اپریل 1985 سے 30 مئی 1988 تک وزیر اعلیٰ پنجاب جبکہ 31 مئی 1988 سے 2 دسمبر 1988 تک نگران وزیر اعلیٰ رہے، نوازشریف6 نومبر 1990 سے 18 اپریل 1993 تک پہلی بار جب کہ دوسری بار 17 فروری 1997 سے 12 اکتوبر 1999 تک وزیر اعظم رہے، 12 اکتوبر1999 کے مارشل لاء کے بعد نوازشریف کو ہٹایا گیا اور 10 دسمبر 2000ء کو انہیں جلا وطن کیا گیا، نوازشریف تیسری مرتبہ 5 جون کو وزیراعظم بنے اور تاحال عہدے پر فائز ہیں۔سماعت کے دوران عمران خان کے وکیل نعیم بخاری نے اپنے دلائل میں کہا ہے کہ سرمایہ کاری کے بارے میں والد کچھ اور اولاد کچھ اور کہتی رہی، قطر میں سرمایہ کاری سے لگتا ہے نئی جائیدادیں خریدی گئیں، قطری خط مکمل طور پر فراڈ ہے، 2016 میں قطری شہزادہ 1980 کی یاد تازہ کر رہا ہے، وزیراعظم کے کسی بیان میں قطری خط کا کوئی ذکر نہیں، ساری جائیداد دادا سے ایک پوتے کو منتقل نہیں ہو سکتی جس پر جسٹس عظمت سعید نے ریمارکس دیئے کہ آپ کی بات نوٹ کر لی ہے کہ رقم منتقلی کا ریکارڈ نہیں لیکن آپ کویہ بھی بتانا ہوگا کہ سرمایہ کاری قطر اور جائیداد لندن میں کیسی بنی۔ جسٹس اعجاز افضل نے ریمارکس دیئے کہ آپ کو ثابت کرنا ہو گا کہ ایسا لگتا ہے بارہ ملین درہم دو عشروں تک خرچ نہیں ہوئے، گلف اسٹیل کی فروخت کی رقم وزیر اعظم کے بینک اکاو¿نٹ میں رہی۔ اگر ایسا نہیں ہوا تو ہمیں مشکل ہو گی۔جسٹس اعجاز افضل نے نعیم بخاری سے استفسار کیا کہ قطری شہزادے کا بیان سنی سنائی باتیں ہیں تو اسے بطور ثبوت کیوں استعمال کر رہے ہیں جس پر نعیم بخاری نے کہا کہ قطری شہزادے کا خط ہماری نہیں وزیر اعظم کی پیش کردہ دستاویز ہے، خط کو کارروائی سے نکال پھینکا جائے۔ نعیم بخاری کی استدعا پر جسٹس آصف سعید کھوسہ نے کہا کہ اس خط کو کیسے نکال پھینکیں کیونکہ وزیر اعظم کے بچوں کا انحصار اس پر ہے، یہ خط وزیراعظم کے بچوں کی تائید میں لکھا گیا ہے۔ اگر خط نکال دیا تو بچوں کے مو¿قف کی حیثیت کیا ہو گی، نعیم بخاری نے کہا کہ قطری شہزادوں کو نکال دیں تو ساری جائیداد شریف فیملی کی ہے، فلیٹ خریدتے وقت فلیٹ شریف فیملی کے تھے۔ بچوں کی جانب سے دیا گیا مو¿قف وزیر اعظم کے بیان کے متضاد ہے۔نعیم بخاری نے کہا کہ التوفیق کیس میں 34ملین ڈالر کیسے دیئے گئے یہ پیسے الثانی خاندان کو ادا کرنے چاہئے تھے جائیداد ان کی تھی۔ پی ٹی آئی کے وکیل نعیم بخاری نے قطری خط پر دلائل دیتے ہوئے کہا کہ قطری خط اور وزیراعظم کے بیانات میں تضاد ہے۔ جسٹس آصف کھوسہ نے کہا کہ قطری خط وزیراعظم کے بچوں کے مو¿قف کی تائید میں لکھا گیا خط نکال دیا تو وزیراعظم کے بچوں کے مو¿قف کی حیثیت کیا ہوگی۔ نعیم بخاری نے اپنے دلائل میں کہا کہ بچوں کی جانب سے لیا گیا موقف بچوں کے بیان سے متضاد ہے۔ جسٹس عظمت نے ایک بار کہا تھا کہ اخبار میں پکوڑے بکتے ہیں کئی بار اخبار کی خبر پر نوٹس اور کارروائی کی گئی۔ جسٹس اعجاز افضل نے کہا کہ سنی سنائی باتوں پر مشتمل ہے تو قانونی طور پر مو¿قف کی تردید کے لئے بھی استعمال نہیں ہوسکتا۔ جسٹس عظمت سعید نے کہا کہ صرف الزام کافی نہیں سماعت کی جاسکتی ہے حمتی نتیجہ اخذ نہیں کیا جاسکتا ہم اور آپ سب سچ جاننا چاہتے ہیں۔ نعیم بخاری نے اپنے دلائل میں کہا کہ تہہ در تہہ چھپائی گئی جائیدادوں کا ریکارڈ نکالنا مشکل ہوتا ہے۔ قرض ادائیگی کا شریف خاندان کے وکلاءبتائیں گے عدالتی حکم پر 34ملین ڈالر کا قرض ادا کیا گیا۔ جسٹس آصف کھوسہ نے استفسار کیا کہ کیا یہ ریکارڈ ہے کہ حسین نواز کب تک طالب علم رہے۔ نعیم بخاری نے کہا کہ ایسی کوئی معلومات دستیاب نہیں۔ نعیم بخاری نے کہا کہ حدیبیہ کے ڈائریکٹر میں میاں شریف‘ نواز شریف‘ شہباز شریف شامل ہیں جبکہ حمزہ شہباز ‘ شمیم اختر اور مریم نواز بھی ڈائریکٹرز میں شامل ہیں۔ مریم نواز وزیراعظم کی زیرکفالت تھیں اور ہیں۔ جسٹس اعجاز افضل نے کہا کہ پہلے زیر کفالت ہونے کی تعریف بھی کرنا ہو گی۔ جسٹس آصف سعید کھوسہ نے کہا کہ عدالت کو کوئی عجلت نہیں تمام فریقین کو دلائل دینے کا موقع دینے کی کوشش کی جائے گی کہ سماعت کے حوالے سے تشنگی نہ رہے۔ مریم نواز کے وکیل شاہد حامد نے عدالت سے استدعا کی کہ کل سماعت نہ کی جائے پیر کو سماعت کی جائے جسے عدالت کی طرف سے مسترد کر دیا گیا۔ سپریم کورٹ نے کیس کی سماعت (آج) جمعہ تک ملتوی کر دی۔ تحریک انصاف کے وکیل نعیم بخاری اپنے دلائل جاری رکھیں گے۔