ممبئی(ویب ڈیسک ) بالی ووڈ اداکارہ ایشوریا رائے بھارتی صحافیوں اور فوٹوگرافرز کے نازیبا رویے کے باعث رو پڑیں۔تفصیلا ت کے مطابق سابق ملکہ حسن اور بالی ووڈ کی خوبرو اداکارہ ایشوریا رائے بہت کم کسی بھی بات پر اپنے ردعمل کا اظہار کرتی ہیں جب کہ میڈیا کے سامنے اداکارہ زیادہ تر خاموش ہی رہتی ہیں۔ تاہم حال ہی میں ہوئے واقعے پر نہ صرف ایشوریا نے اپنے ردعمل کا اظہار کیا بلکہ ان کی آنکھوں میں آنسو بھی آگئے۔ایشوریا رائے نے اپنے آنجہانی والد کرشنا راج رائے کی سالگرہ کے موقع پراپنی بیٹی آرادھیا رائے بچن اور والدہ بریندیا رائے کے ہمراہ بچوں کے ہسپتال کا دورہ کیا جہاں انہوں نے نہ صرف پیدائشی طور پر کٹے ہوئے ہونٹوں والے بچوں کے ساتھ ملاقات کی بلکہ 100 بچوں کے علاج اور سرجری کا خرچہ اٹھانے کا اعلان بھی کیا۔ ہسپتال میں ایشوریا کے ساتھ مختلف این جی اوز سے تعلق رکھنے والی خواتین، صحافی اور فوٹوگرافرز بھی موجود تھےاور ایشوریا رائے اور ان کی بیٹی کی مسلسل تصاویر کھینچ رہے تھے۔ جب کہ صحافیوں اور فوٹوگرافرز کی تعداد زیادہ ہونے کے باعث ہسپتال میں بہت زیادہ شور ہورہا تھا۔پہلے تو ایشوریا نے برداشت کیا تاہم جب ان کی برداشت جواب دے گئی تو انہوں نے فوٹوگرافرز کو خاموش رہنے اور تصاویر لینے سے منع کیا لیکن اداکارہ کے بار بار منع کرنے کے باوجود بھی جب فوٹوگرافرز باز نہ آئے تو ایشوریا بے بسی سے روپڑیں اور کہا کہ یہاں چھوٹے چھوٹے بچے ہیں جو شورسے پریشان ہورہے ہیں لہذا ان بچوں کا تو خیال کرلیں۔

سابق مس ورلڈ اور خوبرو بالی وڈ ادکارہ پریانکا چوپڑا نے ہالی وڈ سیریز کوائنٹکو کے سیزن 3 میں اپنے کردار کی پہلی جھلک مداحوں کے ساتھ شیئر کردی۔اس سے قبل پریانکا نے سماجی رابطے کی ویب سائٹ انسٹاگرام پر اپنی اسٹوری میں صرف بالوں کی کٹنگ کی تصویر شیئر کی تھی جس میں انہوں نے مداحوں کو آگاہ کیا تھا کہ وہ جلد ہی اپنے کردار کی جھلک شیئر کریں گی۔پریانکا کو 30 منٹ کی پرفارمنس پر 12 کروڑ معاوضے کی پیشکش
اور آخرکار پریانکا نے مداحوں کا انتظار ختم کرتے ہوئے انسٹاگرام پر اپنے کردار ‘الیکس پیرش’ کی تصویر پوسٹ کردی۔پریانکا نے تصویر میں مزاحیہ کیپشن لکھا کہ ‘جب نیا ہیئر کٹ لیا جاتا ہے تو بار بار اسے درست کرنے کے لیے ہاتھ لگانا پڑتا ہے کہ سب ٹھیک ہے’، اتھ ہی انہوں نے ہیش ٹیگز میں کوائنٹکو سیزن 3کے لک کی نشاندہی بھی کی۔تصویر میں دیکھا جاسکتا ہے پریانکا اپنے اس نئے لک سے کافی خوش

ممبئی:(ویب ڈیسک ) بھارتی رئیلیٹی شو ”بگ باس“ نے گزشتہ کئی برسوں سے کروڑوں لوگوں کو اپنا گرویدہ بنارکھا ہے لیکن کیا آپ جانتے ہیں کہ شو کے دوران ”بگ باس چاہتے ہیں“ کی گونجدار آواز کس کی ہے۔بھارتی ٹی وی کے کامیاب ترین رئیلٹی شو بگ باس کا 11واں سیزن نشر ہورہا ہے اور کروڑوں لوگ اس کے گرویدہ ہیں، شو کے ہر سیزن میں کردار بدلتے رہتے ہیں، کبھی کبھار اس کے میزبان بھی تبدیل ہوجاتے ہیں لیکن ایک آواز کبھی بھی نہیں بدلی اور وہ ہے بگ باس کی۔شو کے شائقین ”بگ باس چاہتے ہیں“ کی آواز سے بہت زیادہ مانوس ہیں اور کئی برسوں تک اس راز پر پردہ پڑا رہا کہ یہ آواز آخر ہے کسی کی۔ آخر کار اس راز سے پردہ اٹھ ہی گیا ہے یہ آواز ایک غیر معروف صدا کار (وائس اوور آرٹسٹ) اتل کپور کی ہے۔50 برس کے اتل کپور بگ باس کے پہلے سیزن سے ہی منسلک ہیں، بگ باس کے گھر میں اتل کپور کا ایک الگ کمرہ ہے جہاں سے وہ گھر والوں کی حرکتوں پر نظر رکھتے اور انہیں ہدایات جاری کرتے ہیں۔ کہا جاتا ہے کہ بگ باس کے گھر میں رہنے والے کئی افراد ناصرف اتل سے مل چکے ہیں بلکہ ان کے ساتھ اچھا خاصا وقت بھی گزار چکے ہیں۔اتل کپور نے 2002 میں اپنے فنی سفر کا آغاز کیا لیکن یہ بات بھی بہت کم لوگ ہی جانتے ہیں کہ بھارت سمیت ان ممالک میں جہاں ہندی اور اردو سمجھی جاتی ہے ، وہ کئی ہالی ووڈ فلموں کی کامیابی کی وجہ بھی بنے ہیں کیوں کہ انہوں نے کئی سپر ہیروز کے مکالموں کو ہندی میں ڈھالا ہے۔