(ویب ڈیسک )اداکارہ بیٹی اور والدہ کے ساتھ ہسپتال کی تقریب میں شریک تھیں ، فوٹوگرافرز میں تصویریں لینے کے معاملے پر دھکم پیل شروع ہوگئی ، بلند آواز میں پرسکون رہنے کی اپیلیں کرتی رہیںممبئی سابق مس ورلڈ ایشوریہ رائے تقریب کے دوران میڈیا نمائندوں کی بدتمیزی پر برس پڑیں ، بعد ازاں بدنظمی دیکھ کر ان کی آنکھوں میں آنسو بھی آگئے جس کے بعد وہ اپنی ماں اور بیٹی کے ساتھ تقریب سے چلی گئیں۔بتایا گیا ہے کہ اداکارہ ایشوریہ رائے کو ممبئی کے سبربن ہسپتال میں بچوں کیلئے منعقدہ ایک تقریب میں مدعو کیا گیا تھا جس میں وہ اپنی والدہ اور بیٹی ارادھیا کے ساتھ شریک تھیں۔ اس موقع پر ایشوریہ نے بچوں سے ملاقات کی اور خوشگوار انداز میں ان سے بات چیت کرتی رہیں۔اسی دوران فوٹوگرافرز نے ایشوریہ رائے اور خاص طور پر ان کی بیٹی ارادھیا کی تصاویر اتارنے کی کوشش کی تو اس میں دھکم پیل شروع ہوگئی۔ میڈیا کے نمائندے اور تقریب کے منتظمین کے درمیان اسی حوالے سے تلخ کلامی شروع ہوئی تو کانوں پڑی آواز سنائی نہیں دے رہی تھی۔
اس موقع پر ایشوریہ رائے بلند آواز میں میڈیا نمائندوں کو پرسکون ہونے کی اپیل کرتی رہیں اور جب وہ خاموش نہ ہوئے تو بے بسی کے عالم میں ایشوریہ کی آنکھوں میں آنسو آگئے ، جس کے بعد وہ اپنی والدہ اور بیٹی کے ساتھ تقریب سے چلی گئیں
