کراچی (آئی این پی)ٹیسٹ کرکٹر اظہر علی کا کہنا ہے کہ دورہ نیوزی لینڈ پاکستان ٹیم کیلئے چیلنجز سے بھرپور ہوگا تاہم امید ہے کہ ٹیم فتوحات کا تسلسل برقرار رکھے گی۔ میڈیا سے گفتگو کرتے ہوئے اظہر علی نے کہا کہ نیوزی لینڈ ہمیشہ اپنے ہوم گرانڈ پر اچھا کھیل پیش کرتی ہے لیکن پاکستان ٹیم کی محدود اوورز میں حالیہ کارکردگی اچھی ہے۔انہوں نے امید ظاہر کی کہ گرین شرٹس اپنی اچھی کارکردگی کا سلسلہ جاری رکھیں گے۔اظہر علی نے کہا کہ وہ بحالی نو کے عمل سے گزرنے کے بعد کافی بہتر محسوس کررہے ہیں اور پرامید ہیں کہ نیوزی لینڈ میں اچھی کارکردگی دکھائیں گے۔ایک سوال کے جواب میں اظہر علی نے کہا کہ وہ میچ کی صورتحال کے حساب سے اسٹروکس کھیلتے ہیں، ضروری نہیں کہ ہر بار اونچے شاٹس کھیلے جائیں۔خیال رہے کہ پاکستان کرکٹ بورڈ نے دورہ نیوزی لینڈ کے لیے 15 رکنی اسکواڈ کا اعلان کردیا ہے جس میں اظہر بھی جگہ بنانے میں کامیاب ہوئے ہیں۔دورہ نیوزی لینڈ کے لیے ٹیم کی قیادت سرفراز احمد کریں گے جب کہ دیگر کھلاڑیوں میں اظہر علی، شعیب ملک، محمد حفیظ، شاداب خان، رومان رئیس، عامر یامین، حسن علی، محمد عامر، فخر زمان، بابر اعظم اور امام الحق، حارث سہیل اور فہیم اشرف شامل ہیں۔یاد رہے کہ قومی ٹیم تین روزہ مختصر کیمپ کے بعد 27 دسمبر کو لاہور سے آکلینڈ کے لیے روانہ ہو گی جہاں پاکستان اور نیوزی لینڈ کے درمیان 5 ون ڈے اور 3 ٹی ٹوئنٹی میچز کھیلے جائیں گے، دورے کا باقاعدہ آغاز 6 جنوری سے ہو گا۔

کراچی(آئی این پی )پاکستان کرکٹ بورڈ (پی سی بی )کے چیئرمین نجم سیٹھی نے کہا ہے کہ ہمیں اپنے حق کیلئے لڑنا چاہیے، بھارت نے ہما ر ے ساتھ کرکٹ کھیلنے کا معاہدہ کیا تھا جسے پورا کرنا چاہیے۔کراچی میں میڈیا نمائندوں سے گفتگو میں پی سی بی کے چیئرمین کا کہنا تھا کہ پاک بھارت میچ سے بہتر اور کوئی کھیل ہو ہی نہیں سکتا۔ اگر بھارت نے نہیں کھیلنا تھا تو معاہدہ نہ کرتا، اسے اپنے وعدے پر عملدرآمد کرنا چاہیے۔ نجم سیٹھی نے کہا کہ ہمارا ایک معاہدہ ہے، بھارت اس کو پورا کرے اور ہمیں اپنے حق کیلئے لڑنا چاہیے۔نجم سیٹھی نے بتایا کہ کراچی میں پاکستان سپر لیگ (پی ایس ایل)فائنل کے انعقاد اور سیکیورٹی معاملات کے حوالے سے وزیراعلی سندھ اور ڈی جی رینجرز سے ملاقات ہوئی تھی۔ سب سے پہلے سیکورٹی پلان بنے گا۔ پوری امید ہے کراچی میں میچ کا وعدہ پورا کیا جائے گا۔انہوں نے کہا کہ15 فروری تک کراچی اسٹیڈیم پی ایس ایل میچ کے لیے تیار ہو جائے گا جبکہ پی ایس ایل کا فائنل 25 مارچ کو کراچی میں ہو گا۔ تاہم اگر سٹیڈیم مارچ میں بھی مکمل ہو جائے تو کوئی فرق نہیں پڑتا۔

سڈنی(آئی این پی)عظیم آسٹریلوی لیگ سپنر شین وارن کاکہنا ہے کہ موجودہ وقت میں آسٹریلیا کے کپتان سٹیو سمتھ یقینا کئی معنوں میں ویرات کوہلی سے بہتر ہیں۔ دنیا کے دوسرے کامیاب ترین بالر نے ایک انٹر ویو میں کہا کہ دونوں دنیا کے بہترین بیٹسمین ہیں ،اگر کوہلی تینوں فارمیٹس کے بہترین بلے باز ہیں تو ٹیسٹ کرکٹ میں سمتھ بھارتی قائد سے کہیں آگے ہیں، میں نے سمتھ کو دنیا کے 10 عظیم بیٹسمینوں میں شمار کرتا ہوں۔وارن کا مزید کہنا تھا کہ کوہلی کے بہترین کیریئر پر لگا داغ انگلینڈ میں سکور نہ کرنا ہے ،وہ2014میں دورہ انگلینڈ کے دوران 13.40کی اوسط سے محض134رنز سکور کرسکے تھے ،میں کھلاڑیوں کو اعدادو شمار کے ذریعے نہیں مانتا بلکہ ان کے کھیل اور میچ پر اثر اندار ہونے کے طریقے پر مانتا ہوں ۔وارن کاکہنا تھا کہ ان کے مطابق کسی بھی کھلاڑی کو خودکو منوانے کے لیے تین ممالک میں سنچریاں بنانی لازمی ہیں ، ان میں سے ایک انگلینڈ ہے جہاں کی ڈیوک بال بہت سوئنگ اور سیم ہوتی ہے۔

لاہور(آئی این پی)محمد حفیظ دورہ نیوزی لینڈ میں پاکستان کی کامیابی کیلئے پراعتماد ہیں۔ان کاکہنا ہے کہ محدود اووروں کی کرکٹ میں ہماری کارکردگی بہت عمدہ ہے۔حفیظ نے قائد اعظم ٹرافی فائنل کے بعدمیڈیا سے بات کرتے ہوئے کہاکہ چیمپئنزٹرافی اورسری لنکاپرفتح کے بعد کھلاڑیوں کامورال بلند ہے۔ہوم گرانڈ پرکیویز کوزیرکرنا آسان نہیں لیکن پاکستان ٹیم اس کی اہل ہے جبکہ دورہ نیوزی لینڈکے لئے منتخب ٹیم بہت متوازن ہے۔رائٹ ہینڈر بیٹسمین نے کہاکہ ہوم گرانڈ پر نیوزی لینڈ ایک مشکل حریف ہے۔ اورکسی بھی ٹیم کے لئے انہیں ان کی کنڈیشنز میں ہرانا آسان نہیں لیکن پاکستان ٹیم کیویزکو انہیں کی وکٹوں پرشکست دینے کی اہل ہے۔انہوں نے کہاکہ زخمی عماد وسیم اورجنیدخان سے محرومی افسوسناک ہے جس سے ٹیم کمبی نیشن متاثر ہوتاہے تاہم ان کے متبادل محمدنواز اورعامریامین کمی پوری کرنے کے اہل ہیں۔دونوں کو اچھی پرفارمنس کے ذریعے ٹیم میں جگہ پکی کرنے کا سنہری موقع ملے گا۔