یو گنڈا (ویب ڈیسک)انڈین کرکٹ لیگ اور ابوظبی کی ماسٹرز لیگ کے بعد یوگنڈا میں ہونے والی ایفرو ٹی ٹوئنٹی لیگ کا بھی دھڑن تختہ ہوگیا، اسپانسرز ٹورنامنٹ ادھورا چھوڑ کربھاگ گئے جس کی وجہ سے پاکستان کے کئی کھلاڑی یو گنڈا کے شہرکمپالا میں پھنس گئے ہیں۔پاکستان کرکٹ بورڈ (پی سی بی) دنیا بھر کی لیگز میں اپنے کھلاڑیوں کو این او سی جاری کردیتا ہے اور کھلاڑی بغیر کسی تصدیق کے غیر ملکی لیگز میں شرکت کے معاہدے کر لیتے ہیں جس کی وجہ سے انہیں کیس کے دفاع میں مشکل کا سامنا کرنا پڑتا ہے۔اب یوگنڈا میں پاکستانی کھلاڑی بے یار و مدد گار پڑے ہیں اور ان کا کہنا ہے کہ وہ ر±ل کر رہ گئے ہیں، ان کے پاس پیسے ختم ہوچکے ہیں اور واپسی کے لئے ٹکٹ بھی نہیں ہے۔منتظمین نے اچانک حیران کن فیصلہ کرتے ہوئے لیگ ختم کرنے کا اعلان کردیا ہے اور کھلاڑی پریشانی کی پاکستان کے کھلاڑیوں کے علاوہ دیگر غیر ملکی کرکٹرز تیسرے درجے کے تھے جن کی تعداد22 بتائی جاتی ہے۔متاثرہ پاکستانی کھلاڑیوں کا کہنا ہے کہ ان کے ساتھ جو معاوضہ طے ہوا تھا اس میں سے ایک پیسے کی بھی ادائیگی نہیں ہوئی ہے۔سابق کپتان عامر سہیل کمنٹیٹر کی حیثیت سے کمپالا گئے تھے وہ کھلاڑیوں کو ریسکیو کرنے کے لیے اپنے اثر و رسوخ استعمال کررہے ہیں۔پاکستان کے جو کھلاڑی یوگنڈا میں پھنسے ہوئے ہیں ان میں اسٹار کرکٹر سعید اجمل، ٹیسٹ کرکٹرعمران خان جونیئر،یاسر حمید اور انٹرنیشنل کرکٹر مختار احمد بھی شامل ہیں۔حالت میں واپسی کے منتظر ہیں۔

لاہور (نیوزایجنسیاں) مایہ ناز سابق فاسٹ باﺅلر وقار یونس نے ٹی 10 لیگ کی کامیابی سے متاثر ہو کر 10 اوورز پر مشتمل ٹیسٹ کرکٹ فارمیٹ متعارف کرانے کی تجویز دی تو صارفین نے وہ کچھ کہہ دیا جو انہوں نے کبھی خوابوں میں بھی نہ سوچا ہو گا۔ایک صارف کپل چوہان نے گوگل سرچ کی تصویر شیئر کی جس میں لکھا تھا ”کسی اور کی ٹویٹ کیسے ڈیلیٹ کی جاتی ہے“افتخار الدین نے لکھا ”برائے مہربانی ٹی 20 فارمیٹ کا حسن تباہ نہ کریں۔ ٹی 10 کرکٹ نہیں ہے اور ہمیں اس کی حوصلہ شکنی کرنی چاہئے“ مسرور ہمدانی نے لکھا ”آپ کو سو جانا چاہئے۔ ایسا محسوس ہو رہا ہے کہ آپ بہت دیر سے جاگ رہے ہیں“ توصیف کا کہنا تھا ”ٹیسٹ کرکٹ کی اپنی خوبصورتی ہے، کسی بھی قسم کی تبدیلی اس کی چمک ختم کر دے گی۔ ایشز یا کوئی بھی بین الاقوامی ٹیسٹ میچ دیکھیں، یہ بہت زبردست ہیں۔

لاہور (نیوزایجنسیاں) پاکستا ن کے لیگ سپنر شاداب خان ان چند نوجوان کھلاڑیوں میں سے ایک ہیں جنہوں نے بہت کم عرصے میں دنیائے کرکٹ میں اپنی دھاک بٹھائی۔ 18 سالہ نوجوان کرکٹر ان دنوں آسٹریلیا میں ہیں اور بگ بیش لیگ(بی بی ایل) میں برسبین ہیٹ کی نمائندگی کر رہے ہیں۔پاکستانی تو شاداب خان سے پیار کرتے ہی ہیں مگر نیوزی لینڈ کے سابق کپتان برینڈن میکالم بھی ان کے گرویدہ نظر آئے اور ایک انٹرویو کے دوران شاداب کی تعریفوں کے پل باندھتے ہوئے کہا کہ وہ نوجوان کرکٹر کی برسبین ہیٹ میں شمولیت پر بہت زیادہ پرجوش ہیں۔بی بی ایل میں برسبین ہیٹ کی کپتانی کرنےوالے برینڈن میکالم نے کہا کہ ”میں شاداب خان کے بارے میں بہت پرجوش ہوں۔ میں کیریبین لیگ میں اس کیساتھ کھیلا ہوں اور دنیا بھر کی مختلف لیگز اور بین الاقوامی میچوں کے اس کے کیرئیر کو فالو کیا ہے۔ وہ ابھی ایک نوجوان کرکٹر ہے لیکن اس نے دنیائے کرکٹ پر بہت اثر ڈالا ہے۔“میکالم کا مزید کہانا تھا کہ ”شاداب خان کئی صلاحیتوں کا حامل کھلاڑی ہے، وہ فیلڈ میں پھرتیلا ہے اور خوب بلے بازی بھی کرتا ہے۔

لاہور(آئی این پی) پاکستان ٹیم کے سابق کپتان مصباح الحق نے کرکٹ سے ریٹائرمنٹ کے بعد ہاکی کھیلنا شروع کردی۔ مصباح الحق کی اپنے بیٹے فہام الحق کیساتھ ہاکی کھیلنے کی ویڈیو سوشل میڈیا پر وائرل ہوگئی۔

پرتھ(آئی این پی) ایشز میں فیصلہ کن برتری حاصل کرنے کے بعد کینگروز قائد سٹیو اسمتھ نے گوروں کو کلین سویپ کرنے کے سپنے آنکھوں میں سجالئے کینگروز قائد کا کہنا تھا کہ بطور کپتان ایشز جیتنا ان کی زندگی کا یاد گار لمحہ ہے۔