ممبئی(شوبز ڈیسک) بالی ووڈ کی دلکش اداکارہ کترینہ کیف نے کہا ہے کہ شادی سے کیریئر متاثر ہونے کاخدشہ ہوتا ہے ،اس سے دور رہنا چاہتی ہوں،عوام نے جتنی مجھے عزت و شہرت بخشی اس پر ان کی مشکور ہوں،ابھی تو کیریئر کی شروعات ہیں اور میری منزل بہت دور ہے جہاں تک پہنچنے کیلئے تھوڑا مزید وقت لگے گا۔ بھارتی خبررساں ادارے کو دئیے گئے ایک انٹرویو میں اداکارہ نے کہا کہ شوبز کی دنیا میں اس لئے آئی کہ شہرت کی بلندیوں کو چھو جاﺅں اور عوام نے جتنا میرا کام پسند کیا میں اس پر ان کی مشکور ہوں تاہم مزید شہرت حاصل کرنا چاہتی ہوں کیونکہ ابھی تو میرا کیریئر شروع ہوا ہے اور میری منزل بہت دور ہے جسے حاصل کرنے کیلئے مزید کچھ وقت درکار ہے۔ ایک سوال کے جواب میں انہوں نے کہاکہ شادی کا ابھی کوئی ارادہ نہیں ہے کیونکہ شادی کے بعد ایک نئی زندگی شروع ہو جاتی ہے۔جس کے بعد کیریئر متاثر ہونے کا خدشہ ہوتا ہے۔

لاہور(شوبز ڈیسک)گلوکارہ حمیر اارشد کو طلاق دینے کےلئے ان کے شوہر احمد بٹ نے حق مہر معاف کرنے کا مطالبہ کر دیا ۔ ذرائع کے مطابق گلوکارہ حمیر اارشد اور انکے شوہر کے درمیان طویل عرصے سے اختلافات چل رہے تھے اور نوبت علیحدگی تک پہنچ چکی ہے ۔اس سے قبل احمد بٹ نے بیٹے کو سپرد کرنے کے عوض حمیر اارشد سے گھر اپنے نا م منتقل کرنے کی شرط عائد کی تھی لیکن گلوکارہ نے انکار کر دیا تھا تاہم اب احمد بٹ نے حمیر اارشد کو طلاق دینے کےلئے حق مہر نقد 15لاکھ روپے اور30تولے سونا معاف کرنے کی شرط رکھی ہے مگر حمیر اارشد نے اس سے بھی انکا رکر دیا ہے ۔ اس سلسلہ میں جب دونوں سے رابطے کی کوشش کی تو رابطہ نہ ہو سکا ۔

لاہور(شوبز ڈیسک )خوبرو اداکارہ سوہائے علی آبڑو نے کہا ہے کہ مجھے ایکٹنگ سے زیادہ ڈانس کرنا پسند ہے۔سوہائے علی آبڑو نے کہا ہے کہ بہت چھوٹی عمرمیں ہی ڈانس کی تربیت لینا شروع کردی تھی۔ میں نے دوبرس تک کلاسیکل رقص سیکھا اور پھر اپنی تعلیم کی وجہ سے اس سے دوررہی مگرمیں ایک بات بتانا چاہتی ہوں کہ مجھے ایکٹنگ سے زیادہ ڈانس کرنا پسند ہے۔”میڈیاسے گفتگو کرتے ہوئے سوہائے علی آبڑو نے کہا کہ میں نے اپنے فنی سفرکاآغاز تھیٹرسے کیا اورکئی برس تک اس سے وابستہ رہی، اس کے بعد میں نے ٹی وی ڈراموں میں قدم رکھا اور پھراپنی فنکارانہ صلاحیتوں کے مطابق مختلف اورمنفرد کردارنبھائے۔ جہاں تک بات فلم میں کام کرنے کی ہے تومیں سمجھتی ہوں کہ ہرکوئی فلم میں ہی کام کرنا چاہتا ہے۔کیونکہ ڈراموں کی شوٹنگ اورفلم کی عکس بندی میں زمین ا?سمان کا فرق ہے۔ دونوں شعبوں میں کام کااندازبہت الگ ہے۔

ممبئی (شوبز ڈیسک) بالی ووڈ کے معروف اداکار اکشے کمار نے زندگی کی 50 بہاریں دیکھ لیں۔ بھارتی میڈیا کے مطابق ’کھلاڑی‘ اکشے کمار 50 برس کے ہوگئے اور یوں انہوں نے عمر کی ہاف سنچری مکمل کر لی۔اکشے کمار نے 90 کی دہائی میں کیریئرکا آغاز اپنی فلم سوگندھ سے کیا جس کے بعد ان پر بالی ووڈ نگری کے دروازے کھل گئے اور ایک فلم کے بعد دوسری فلم ملتی گئی، اکشے اب تک150 سے زیادہ فلمیں کرچکے ہیں۔ انہوں نے ماضی کی فلموں میں ایکشن ہیرو کے طور پر سینما سکرین پر اپنی پہچان بنائی۔