اسلام آباد(مانیٹرنگ ڈیسک) عمران خان کی جان کو سخت خطرہ ہے، مخالف یہ اقدام اٹھانے کو تیار ہیں، یہ انکشاف سینئر صحافی نے نجی ٹی وی سے گفتگو کرتے ہوئے کیا، انہوں نے کہا کہ چیئرمین تحریک انصاف کی جان کو سخت خطرات درپیش ہیں، انہیں اپنی سکیورٹی پر خاص توجہ دینی چاہئے، مخالف گروپ اس وقت یہ اقدام اٹھانے کو تیار ہے۔

واشنگٹن (مانیٹرنگ ڈیسک) امریکہ نے نئی نیشنل سکیورٹی پالیسی کا اعلان کر دیا۔ امریکی صدر ٹرمپ نے سکیورٹی پالیسی کا اعلان کرتے ہوئے کہا کہ پاکستان کو دہشتگردی کیخلاف ہماری مدد کرنا ہو گی، پاکستان کو بتا دیا کہ دہشتگردی کیخلاف فیصلہ کن کارروائی کرنا ہو گی، پاکستان کو کروڑوں ڈالر امداد سالانہ دینے ہیں۔ امریکہ میں لاکھوں غیر قانونی تارکین وطن داخل ہوتے ہیں، ماضی کی غلطیوں کو مسترد کر دیا ہے، ہماری پالیسی امریکہ پہلے کی بنیاد پر ہے۔ ہم نے دہشتگردوں کے امریکہ میں داخلے کو مشکل بنا دیا ہے، ایران پر دہشتگردی کی حمایت پر پابندیاں لگائیں، داعش کو شکست دیدی ہے، عراق میں داعش کے قبضہ سے 100 فیصد علاقے واپس لے لئے، دنیا بھر میں داعش کا تعاقب کریں گے۔ اب امریکہ دوبارہ دنیا کی راہبری کرے گا۔ امریکی صدر نے کہا کہ ہم کسی پر اپنا طرز زندگی تھوپنا نہیں چاہتے۔ ٹرمپ نے امریکہ کو درپیش شدید عالمی خطرات کی نشاندہی سے متعلق اپنی حکمتِ عملی کا اعلان کیا ہے، جس میں قومی ترجیحات کا ایک واضح خاکہ پیش کیا گیا ہے۔اپنے خطاب میں پیر کے روز ٹرمپ نے حکمتِ عملی کی حامل اس دستاویز کی رونمائی کی، ایسے میں جب کہ ا±ن کی انتظامیہ کو عہدہ سنبھالے تقریباً 11 ماہ گزرے ہیں۔ پ±رتشدد انتہا پسندی اور اسلامی قدامت پسندی کے خلاف جنگ جاری رکھنے کا اعلان کرتے ہوئے، ا±نھوں نے کہا کہ سماجی میڈیا کے استعمال پر ”خصوصی نظر رکھی جائے گی“۔جنوبی ایشیا کا ذکر کرتے ہوئے، ٹرمپ نے کہا کہ امریکہ توقع کرتا ہے کہ ”پاکستان ا±ن دہشت گردوں کا قلع قمع کرے گا جو اس کے علاقے سے دہشت گردی میں ملوث ہوتے ہیں“۔ بقول ا±ن کے، ”اپنی کوششیں بڑھا کر وہ ہماری مدد کر سکتے ہیں“۔’سب سے پہلے امریکہ‘ کے اپنے نعرے کے حوالے سے صدر ٹرمپ نے کہا کہ خوش حالی کے حصول کے لیے قومی سلامتی کو داو¿ پہ نہیں لگایا جا سکتا۔ ا±نھوں نے کہا کہ ”جو قوم معاشی سکیورٹی کے لیے قومی سکیورٹی کو قربان کرتی ہے، وہ بالآخر دونوں سے ہاتھ دھو بیٹھتی ہے“۔ ا±نھوں نے ملکی زیریں ڈھانچے کی از سرِ نو تعمیر کو ترجیح دینے کا اعلان کیا۔ انتظامیہ کے اعلیٰ اہل کاروں کے مطابق، امریکی صدر ڈونالڈ ٹرمپ کی نئی قومی سلامتی حکمتِ عملی کے ذریعے ملک کو ایک ”واضح اور قابل ِ مواخذہ لائحہ¿ عمل“ میسر آئے گا، جس سے انتہائی خطرناک اور تواتر کی بنیاد پر درپیش خدشات کا انسداد ممکن ہوگا۔ انتظامیہ کے سینئر حکام نے کہا ہے کہ ماضی کی حکمتِ عملیوں کے برعکس، اس دستاویز میں ملک کو درپیش خطرات اور چیلنجوں کا ”واضح احاطہ پیش کیا گیا ہے“۔ جس میں امریکی مفادات کی ترجیح طے کی گئی ہے، جو ”سب سے پہلے امریکہ“ کے صدر کی پالیسی کی غماز ہے۔ ٹرمپ نے کہا کہ امریکہ فوج کی قوت بڑھانے کی کوشش کرے گا، روس اور چین کے بڑھتے ہوئے اثرورسوخ کا سامنا ہے۔ افغانستان میں فوجی انخلا کی مصنوعی ڈیڈ لائن کے پابند نہیں ہیں۔ امیر ممالک کو اپنے تحفظ کی امریکہ کو قیمت ادا کرنا ہو گی۔

لاہور (مانیٹرنگ ڈیسک) اسلام آباد احتساب عدالت میں سابق وزیراعظم میاں نوازشریف‘ مریم نواز اور کیپٹن (ر) صفدر آج پھر حاضر ہو گئے۔ سابق وزیراعظم کی عدالت حاضری کے موقع پر سکیورٹی کے سخت انتظامات کئے گئے تھے۔ کارکنوں کی بڑی تعداد نے
پرتپاک استقبال کیا۔ تقریباً ایک گھنٹہ تک عدالت میں سماعت کے بعد باہر آئے۔ میڈیا سے گفتگو کرتے ہوئے نوازشریف نے کہا کہ عوام فیصلوں کو سامنے رکھیں تو دوہرے معیار کا پتہ چل جائے گا۔ خیالی تنخواہ ہی میرا اثاثہ بن گئی۔ وزیراعظم کو نکالنے میں ذرا وقت نہیں لگایا۔ شک کا فائدہ دیئے بغیر وزارت عظمیٰ چھین لی گئی۔ بند باندھ کر کھڑا ہو گیا ہوں۔ تحریک چلاﺅں گا۔ ملک قانون و آئین کی حکمرانی کیلئے بنا ہے۔ اس طرح کی سکہ شاہی نہیں چلے گی۔ جو تسلیم کرتا ہے یہ میرے اثاثے ہیں اس کو کچھ نہیں کہا جاتا۔
نوازشریف

اسلام آباد (خصوصی رپورٹ) سابق وزیراعظم میاں محمد نوازشریف پیر سیال شریف سے ملاقات کیلئے آئندہ چند دنوں میں جھنگ کا دورہ کریں گے۔ نوازشریف کو قریبی رفقاءنے مشورہ دیا ہے کہ بروقت ارکان اسمبلی کے استعفے نہ روکے گئے تو حکومت کا دھڑن تختہ ہو سکتا ہے۔ وزیراعلیٰ پنجاب شہبازشریف سے ملاقات کے بعد نوازشریف جھنگ جانے کا حتمی اعلان کریں گے۔ ذرائع کا مزید کہنا ہے کہ شہبازشریف اگر صوبائی وزیر قانون رانا ثناءاللہ سے مستعفی ہونے کا کہہ دیں تو پیر سیال کا مطالبہ پورا ہوجائے گا۔
نوازشریف‘ سیالوی

لندن (خصوصی رپورٹ) لندن میں نوازشریف کے ایون فلیڈ اپارٹمنٹ کے حوالے سے تفتیش کیلئے لندن پہنچنے والی قومی احتساب بیورو کی ٹیم لندن میں اپنا کام مکمل کرکے گزشتہ روز پاکستان واپس روانہ ہوگئی۔ ہیتھرو ایئرپورٹ پر میڈیا سے بات چیت کرتے ہوئے کیس افسر نیب کے ڈپٹی ڈائریکٹر سلطان نذیر او ر تفتیشی افسر عمران ڈوگر نے بتایا کہ ان کے افسران نے انھیں جو ذمہ داری سونپی تھی انھوں نے اپنی وہ ذمہ داریاں پوری کرلی ہیں ، تاہم نیب کے ایک قریبی ذریعہ نے بتایا کہ نیب کے افسران نے برطانوی افسران سے ملاقاتیں کی تھیں لیکن اس حوالے سے کوئی نئی چیز سامنے نہیں آئی اورکوئی ایسی پیش رفت نہیں ہوسکی جس سے کوئی بات آگے بڑھ سکتی، اور جس سے نیب کو اس حوالے سے کوئی مدد مل سکتی۔ نیب افسران نے بتایا کہ انھوں نے برطانیہ میں نیشنل کرائم ایجنسی ،کراﺅن پراسیکیوشن سروس اور ہوم آفس کے حکام سے ملاقاتیں کیں تاہم ہوم آفس سے رابطہ کرنے پر ہوم آفس نے کوئی تبصرہ کرنے سے انکار کردیا لیکن ذرائع کاکہناہے کہ این سی اے اورسی پی ایس نےکسی بھی تفتیش میں شامل ہونے سے صاف انکار کردیا۔دونوں نے کہا کہ حسین نواز شریف کی غلط کاری کاکوئی مقدمہ نہیں ہے۔ جب نیب حکام سے سوال کیاگیا کہ انھوں نے برطانوی حکام سے کن امور پر تبادلہ خیال کیا تو انھوں نے کہا کہ ہم یہ ملاقاتیں مفید ثابت ہوئی ہیں اور وہ پر امید واپس جارہے ہیں لیکن انھوں نے اس حوالے سے کوئی تفصیل بتانے سے گریز کیا۔
نیب ٹیم کی واپسی

لندن (خصوصی رپورٹ) وزیرخزانہ اسحاق ڈار جو تین ماہ کی رخصت پر ہیں، کی اگلے ہفتے پاکستان واپسی کا امکان ہے۔ ذرائع کے مطابق فیصلہ حدیبیہ ملز کیس سپریم کورٹ سے خارج ہونے کے بعد کیا گیا ہے۔ حدیبیہ ملز کیس میں اسحاق ڈار اہم گواہ اور کردار تھے جس کی وجہ سے انہوں نے برطانیہ میں رہنے کا فیصلہ کیا تھا۔ وفاقی وزیر خزانہ کیخلاف منی لانڈرنگ، بیرون ملک اثاثوں، جائیدادوں کے حوالے سے کئی مقدمات ، احتساب عدالت میں زیر سماعت تھے یکن سب سے اہم مقدمہ حدیبیہ پیپرز ملز کا تھا جس میں وہ اہم گواہ تھے ۔ حدیبیہ پیپرز ملز کیس کھلتے ہی وہ بیرون ملک چلے گئے جہاں علالت کے باعث ہسپتال میں داخل ہوگئے پھر انہوں نے وہیں رہنے کا فیصلہ کیا۔ ذرائع نے دعویٰ کیا ہے کہ اب سپریم کورٹ سے کیس خارج ہونے کے بعد وفاقی وزیرخزانہ نے اگلے ہفتے وطن واپسی کا فیصلہ کرلیا ہے۔

اسلام آباد(خصوصی رپورٹ)چیئرمین پاکستان تحریک انصاف عمران خان کے دونوں بیٹے پاکستان پہنچ گئے۔چیئرمین پی ٹی آئی عمران خان کے دونوں صاحبزادے سلیمان اور قاسم لندن سے چھٹیاں گزارنے پاکستان پہنچ گئے ہیں۔ عمران خان بیٹوں کو لینے کے لیے خود اسلام آباد ائر پورٹ پہنچے۔قاسم اور سلیمان ایک ہفتہ پاکستان میں قیام کریں گے۔واضح رہے کہ عمران خاں کے دوں صاحبزادے جمائما سے عمران خان کی طلاق کے بعد سے اپنی والدہ کے ساتھ ہی رہتے ہیں اور اکثر اوقات پاکستان آتے رہتے ہیں۔