اسلام آباد: قومی اسمبلی میں قائد حزب اختلاف خورشید شاہ کا کہنا ہے کہ پاکستان پر امریکی الزامات پرپارلیمنٹ کا مشترکہ اجلاس بلایا جانا چاہیے۔قومی اسمبلی میں اظہارخیال کرتے ہوئے قائد حزب اختلاف کا کہنا تھا کہ آج کے سیشن کا آغاز وزیر خارجہ کی تقریر سے ہونا چاہئے تھا لیکن بدقسمتی سے ایسا نہیں ہوا، ہم جان بوجھ کر الزام نہیں لگا رہے لیکن سچائی کو چھپانا نہیں چاہیئے کہ بھارت میں پاکستان کا سفیر امریکا میں سفیر کو خط لکھتا ہے۔ کیا یہ خط واشنگٹن اور نئی دلی والوں کو نہیں ملا ہوگا نواز شریف کی حکومت میں خارجہ پالیسی لاوارث تھی، یہ گورننس کی ناکامی ہے، نوازشریف نے بطور وزیر خارجہ 4 سال میں کیا کیا، انہوں نے 4 سال میں چھوٹی چھوٹی باتوں پربھی توجہ نہیں دی، مسلم لیگ (ن) میں بہت قابل لوگ موجود ہیں لیکن انہیں ایک وزیرخارجہ ہی نہیں ملا۔ 2008 میں پیپلز پارٹی کے وزیرخارجہ شاہ محمود قریشی نے پارلیمنٹ کو بریفنگ دی، عسکری قیادت نے 8 گھنٹے طویل بریفنگ دی، نواز شریف اگر عابد شیر علی کو بھی وزیر خارجہ بنالیتے تو ہم اسے بھی سن لیتے۔خورشید شاہ نے کہا کہ ہم اپنی پالیسیوں کی وجہ سے اسٹریٹیجک افادیت کھو چکے ہیں، ہمارے اپنے ہمسایوں سے بھی تعلقات ٹھیک نہیں۔ ہم چاہتے ہیں ہمارے وطن پر کوئی آنچ نہ آئے لیکن ہمیں جذبات کے بجائے ٹھنڈے ذہن کے ساتھ معاملات کو دیکھنا چاہئے۔ 1971 میں ہم نے ہتھیاروں کی جنگ ہاری ،5 ہزارمربع میل زمین چلی گئی، سفارتکاری کے ذریعے یہ جنگ جیتنی چاہیے۔قائد حزب اختلاف نے کہا کہ ہم امریکی الزامات بھی تسلیم کریں گے مگروہ ثبوت تودے۔ امریکا صرف الزام لگاتا ہے لیکن ثبوت کوئی نہیں دیتا، ہمیں ایسے الزامات کے خلاف اب ڈٹ جانا چاہیئے۔ یہ ایک دوسرے کو نیچا دکھانے کا وقت نہیں ہے۔ عید الاضحیٰ کے بعد مشترکہ اجلاس بلایا جائے، ہمیں ایک مضبوط قرارداد لانی چاہیئے۔خورشید شاہ نے کہا کہ امریکی ہم پر الزام لگاتے ہیں کہ پاکستان کے لوگ افغانستان جاتے ہیں اورکارروائی کر کے واپس آجاتے ہیں لیکن انہیں ڈرون کے ذریعے گھرمیں بیٹھا ایک دہشتگرد بھی نظرجاتا ہے، ہم کیوں کسی دہشتگرد کو پناہ دیں گے، ہم پر الزام نہ لگائیں بلکہ ہمیں ثبوت دیں۔ خورشید شاہ نے کہا کہ آج کوئی نہیں ہے جو آپ کی مدد کو آئے، چین آپ کا دوست ہے لیکن وہ دور ہے، یہ فکر کرنے کی اورسوچنے کی بات ہے.

کراچی(خصوصی رپورٹ) دبئی میں رئیل اسٹیٹ میں سرمایہ کاری کے حوالے سے 10بڑے سرمایہ کاروں کی فہرست میں پاکستان تیسرے نمبر پر آگیا جبکہ بھارت دوسرے نمبر پر ہے۔ دبئی لینڈ یپارٹمنٹ کی جانب سے حال ہی میں جاری اعداد و شمار کے مطابق بھارتی شہریوں نے 10ہزار 628ٹرانزیکشنز کے ذریعے 20اعشاریہ 4 ارب درہم کی سرمایہ کاری کی جبکہ پاکستانی شہریوں نے جائیداد کے 5 ہزار 398 سودوں کے ذریعے 7 ارب درہم کی سرمایہ کاری کی ہے۔ دبئی لینڈ ڈیپارٹمنٹ نے ٹاپ ٹین اقوام کی فہرست جاری کی ہے جنہوں نے دبئی کی رئیل اسٹیٹ میں جنوری 2016 سے جون 2017 تک سرمایہ کاری کی۔ متحدہ عرب امارات کے شہری سرمایہ کاری کے لحاظ سے سرفہرست ہیں جنہوں نے جائیدادوں کے 12 ہزار سودوں کے ذریعے 37 اعشاریہ 4 ارب درہم کی سرمایہ کاری کی۔ سعودی عرب کے باشندوں نے پانچ ہزار 366 سودوں کے ذریعے ساڑھے 12 ارب درہم کی سرمایہ کاری کی جبکہ برطانوی شہریوں نے چار ہزار 188 سودوں کے ذریعے 9 ارب درہم کی سرمایہ کاری کی ہے۔ رپورٹ کے مطابق 217 قومیتوں سے تعلق رکھنے والے افراد نے دبئی کی رئیل اسٹیٹ مارکیٹ میں 151 ارب درہم کی سرمایہ کاری کی جبکہ 10 سرفہرست ممالک میں مصر، چین، اردن، لبنان اور امریکا کے سرمایہ کار شامل ہیں۔

لاہور(مانیٹرنگ ڈیسک) سابق وزیراعظم میاں محمد نوازشریف معطلی کے بعد پہلی بار ملک چھوڑ کر بیوی کی عیادت کے لئے لندن روانہ ہوگئے۔ مسلم لیگ (ن) کاکہنا ہے کہ وہ اپنی اہلیہ کلثوم نواز کی بیماری میں نہ صرف ڈھارس باندھیں گے جبکہ عیدالبقر بھی بیٹوں کے ساتھ کریں گے۔ میاں نوازشریف آج صبح 9 بجے علامہ اقبال ایئرپورٹ لاہور سے لندن کے لئے روانہ ہوگئے۔ وزیراعلیٰ شہبازشریف اور لیگی وزراءنے انہیں ایئرپورٹ پر الوداع کہا۔ سابق وزیراعظم لندن میں کتنی دیر قیام کریں گے ابھی تک یہ واضح نہیں ہوسکا لیکن لیگی حلقوں کا یہ دعویٰ ہے کہ وہ عید کے بعد وطن لوٹ آئیں گے لیکن سیاسی حریف اس کو فرار کا نام دے رہے ہیں۔ ان کا کہنا ہے کہ وہ پانامہ کیس میں جے آئی ٹی اور نیب کے خوف سے ملک چھوڑ کر گئے ہیں اور اب لمبے عرصے تک واپس نہیں آئیں گے۔

جدہ: حجازمقدس میں مناسک حج کا باقاعدہ آغاز ہوگیا ہے اور لاکھوں عازمین منیٰ کی جانب رواں دواں ہیں۔آج سعودی عرب میں 8 ذی الحج ہے جو مناسکِ حج کا پہلا دن ہوتا ہے، حج کے پہلے مرحلے میں عازمین غسل کے بعد احرام باندھ کر حج کی نیت کرکے تلبیہ کہتے ہوئے منیٰ پہنچنا شروع ہوگئے ہیں، عازمین منیٰ میں دنیا کی سب سے بڑی عارضی خیمہ بستی آباد کریں گے۔ منیٰ میں ہی عازمین آج ظہر، عصر، مغرب اور عشا جب کہ کل فجر کی نماز ادا کریں گے۔ جس کے بعد عازمین عرفات روانہ ہوں گے جہاں حج کا رکن اعظم وقوف عرفات ہوگا۔

راولپنڈی (مانیٹرنگ ڈیسک) سابق وفاقی وزیر چوہدری نثار کو عدالت نے چکری کے علاقے میں 5کنال 18مرلے زمین پر قبضے کے الزام میں سمن جاری کر دیئے ہیں۔ تفصیلات کے مطابق سول جج نے اس کیس پر چوہدری نثار کے حق میں فیصلہ دیا تھا جس پر مدعی ظفر خان نے فیصلے کیخلاف اپیل دائر رکھی ہے۔ ایڈیشنل سیشن جج افشان اعجاز صوفی نے اپیل پر چوہدری نثار کو جواب داخل کرنے کیلئے سمن جاری کر دیا ہے اور کیس کی سماعت 11 ستمبر تک ملتوی کر دی گئی ہے۔

راولپنڈی (خصوصی رپورٹ) انسداد دہشت گردی راولپنڈی کی خصوصی عدالت نمبر1کے جج اصغر خان کے روبرو سابق وزیر اعظم بے نظیر بھٹو قتل کیس میں نامزدسابق سی پی او سعود عزیز،سابق ایس پی خرم شہزاد،حسنین گل،شیر زمان،عبدالرشید اور رفاقت حسین کے وکلاءکے حتمی دلائل مکمل ہونے پر سماعت آج (بروز بدھ)تک ملتوی کر دی ہے آج مقدمہ کے آخری ملزم اعتزاز شاہ کے وکلا حتمی دلائل دینگے۔ منگل کے روز سماعت کے موقع پراس وقت عدالت میں صورتحال کشیدہ ہو گئی جب ملزمان کے وکلا نے دلائل کے آغاز پر میڈیا کو عدالت سے باہر نکالنے کا مطالبہ کیا میڈیا کی جانب سے وجہ پوچھنے پر ملزمان کے وکلا ملک جواد خالد اور ملک رفیق نے میڈیا کے نمائندوں کو زبردستی باہر نکالنے کی کوشش کی۔ تاہم عدالت نے مداخلت کر کے میڈیا کو کوریج کی اجازت دی بعد ازاں ملزمان کے وکلا نے دلائل میںمو¿قف اختیار کیا کہ بےنظیر بھٹو کو امریکی پالیسی کے خلاف ہونے پر قتل کیا گیابےنظیر بھٹو کو حساس اداروں کے 2 اعلیٰ افسران نے جلسہ سے ایک رات قبل دہشت گردی کے ممکنہ حملے سے آگاہ کر دیا تھا جبکہ سابق صدر پرویز مشرف کو اسوقت ملزم بنایا گیا جب وہ ملک میں ہی نہیں تھے جو بیانات ہمارے موکلان کے ساتھ منسوب کئے جا رہے ہیں وہ پرویز مشرف اور ان کے حواریوں کے خلاف جاتے ہیںملزمان سے جو مو بائل فون اور3 سمیں بر آمد ہوئیں وہ ان کے نام پر نہیں2 سمیں کسی کے نام پر نہیں تھیں جبکہ 1 سم جس کے نام تھی اسے شامل تفتیش ہی نہیں کیا گیا۔ سابق سی پی او اور سابق ایس پی کو3 سال بعد کیس میں ملزم بنایا گیامیرا موکل سعود عزیز ابھی سیکرٹری ریٹائرڈ ہوتے لیکن انھیں کیسوں میں الجھا دیا گیابےنظیر بھٹو کے2 موبائل فون 3سال بعد رزاق میرانی نے ایف آئی اے کراچی کے حوالے کئے تھے چالان اور تفتیشی افسران کے بیانات اور برآمد کی گئی اشیا میں تضادہے،جس سے شکوک و شبہات پائے جاتے ہیںملزمان کو غیرقانونی طور پر حراست میں رکھا گیا۔ ان حالات میں دفعہ 164کے بیانات بھی مشکوک ہیںزخمیوں کے بیان قلمبند نہیں ہوئے نہ ہی جاں بحق ہو نے والوں کی نعشوں کا پوسٹمارٹم کروایا گیامارک سیگل نے اپنے بیان میں کہا کہ پرویز مشرف نے بےنظیر بھٹو کو دھمکیاں دیں تھیںبےنظیر کی گاڑی میں رزاق میرانی،مخدوم امین فہیم،ناہید خان،صفدر عباسی،بے نظیر کے چیف سکیورٹی افسرمیجر امتیاز اور خالد شہنشاہ موجود تھے،خالد شہنشاہ ٹاپ کلاس کا کریمنل تھا وہ گاڑی میں کیوں موجود تھاخالد شہنشاہ کو سانحہ لیاقت باغ کے ڈیڑھ ماہ بعد قتل کر دیا گیااس شخص کو مرکزی ملزم بنا دیا گیا جو جلسہ کی سکیورٹی پر مامور تھاجو 200روپے روزانہ اجرت پر ٹیکسی چلارہا ہے اسے بھی ملزم بنا دیا گیاخود کش بمبار کے فنگرز پرنٹ نہیں لئے گئے نہ ڈی این اے ٹیسٹ کروایا گیااصل ملزمان کو بچا نے کے لئے باقی سب کو بھینٹ چڑ ھا دیا گیا۔ وکلاءنے کہا تفتیشی اداروں نے جو خودکش جیکٹ ڈی این اے کے لیے بھیجی اس میں بارود ہی نہیں تھا اس موقع پر عدالت نے ایف آئی اے کے وکیل سے استفسار کیا کہ کیا ڈی این اے رپورٹ نہیں آئی کیونکہ ریکارڈ پر رپورٹ نہیں ہے۔ سپیشل پراسیکیوٹر خواجہ امتیاز نے مو¿قف اختیار کیا کہ عدالت کا کام ہے کہ وہ ان تمام الزامات کو خود دیکھے جس پر پراسیکیوشن کی جانب سے شکوک و شبہات ہیں، ملزم شیرزمان کراچی سے پکڑا گیا، ڈیرہ اسماعیل خان سے گرفتاری ظاہر کی گئی۔ اس پر کوئی الزام بھی نہیں خودکش حملہ آور کو کوئی نہیں روک سکتا مگر دیکھنا یہ ہے کہ اسے موقع کس نے فراہم کیا؟ ہمارے مو¿کلان بیگناہ ہیں اور ان کے خلاف صفحہ مثل پر کوئی شہادت موجود نہیں۔ وکلاءکے دلائل مکمل ہونے پر عدالت نے سماعت ملتوی کردی۔ بینظیر بھٹو کے قتل کیس کا فیصلہ کل جمعرات کو سنائے جانے کا امکان ہے۔