اسلام آباد (ویب ڈیسک) انسپکٹر جنرل آف پولیس اسلام آباد کو سپریم کورٹ کے حکم پر پانامہ کیس کی تحقیقات کے لئے تشکیل جے آئی ٹی کے سامنے پیشی کے موقع پر مریم نواز شریف کو سلیوٹ کرنے والی ایس پی ارسلہ سلیم کے خلاف محکمانہ کارروائی کے لئے درخواست دے دی گئی۔اسلام آباد ہائیکورٹ کے ایک وکیل رئیس عبدالواحد ایڈووکیٹ نے آئی جی اسلام آباد پولیس کو درخواست دیتے ہوئے موقف اختیار کیا کہ خاتون پولیس افسر ارسلہ سلیم نے پانامہ جے آئی ٹی کے سامنے پیشیکے لئے آنے والی مریم نواز کو جوڈیشل اکیڈمی کے باہر گاڑی سے اترتے وقت سلیوٹ کیا، مریم نواز کو ایس پی ارسلہ سلیم نے کس حیثیت سے سلیوٹ کیا؟ ارسلہ سلیم عوام کے ٹیکس سے تنخواہ اور مراعات لیتی ہیں۔درخواست میں کہا گیا ہے کہ یونیفارم میں کسی کو سلیوٹ کرنا یونیفارم کی توہین ہے۔ ارسلہ سلیم نے پولیس یونیفارم کی توہین کی ہے، لہٰذا ارسلہ کے پولیس عہدے پر مزید رہنے کا کوئی جواز نہیں ہے۔درخواست میں مزید کہا گیا ہے کہ آئی جی پولیس نے اگر ارسلہ سلیم کے خلاف محکمانہ کارروائی نہ کی تو اسلام آباد ہائیکورٹ میں درخواست دائر کریں گے۔

اسلام آباد  (مانیٹرنگ ڈیسک) نوازشریف کیخلاف ریفرنسز دائر ہونے جا رہے ہیں گرفتار نہیں کیا جائے گا، نوازشریف پریشان ہیں کہ بیرون ملک جائیں یانہ جائیں۔ کئی وزراءکے پاس چار چار ممالک کے پاسپورٹ ہیں۔ یہ انکشافات سینئر تجزیہ کار نے نجی ٹی وی پروگرام میں گفتگو کرتے ہوئے کئے انہوں نے کہا کہ شریف فیملی کے دیگر افراد بھی اب کہہ رہے ہیں کہ بیگم کلثوم نواز بیمار نہیں ہیں۔ نوازشریف مالٹا کیوں گئے تھے مالٹا پاسپورٹ کے معاملے پر بھی پیشرفت ہوئی ہے۔ کئی حکومتی شخصیات اور وزراءکے پاس چار چار ممالک کی شہریت موجود ہے۔ آصف زرداری کے تمام کیسز پر اپیل دائر ہو گی اصل دستاویزات بھی سامنے آ جائیں گی۔ اسحاق ڈار نے جے آئی ٹی کے سامنے تسلیم کیا کہ انہوں نے سکندر قاضی، طلعت قاضی کے جعلی سائن خود کئے۔ طارق شفیع سمیت کئی افراد وعدہ معاف گواہ بن چکے ہیں ایک دوسرے کے خلاف بیان دے چکے ہیں۔ نوازشریف کو باہر جانے سے نہیں روکا جائے گا۔ باہر جاتے ہی نام ای سی ایل میں ڈال دیا جائے گا جائیدادیں ضبط، اشتہاری قرار دیا جائے گا۔ سندھ میں شوگر ملز، قبضے کی زمینوں کی تحقیقات تیزی سے جاری۔ 90 فیصد کام مکمل ہو چکا ہے۔ لوٹ مار مافیا نے نااہل ترین بندے اداروں کے سربراہ بنا کر انہیں برباد کیا۔ خارجہ پالیسی برباد کر دی۔ مافیا پریشان ہے کہ نوازشریف پکڑ میں آ گیا ہے تو ان کے ساتھ کیا سلوک ہو گا۔
تجزیہ کار

اسلام آباد (این این آئی) شمالی پنجاب کے صدرعامر محمود کیانی نے چیئرمین تحریک انصاف سے ٹیلی فونک رابطہ کیا ۔انہوں نے چیئرمین کو(آج) منگل کی ریلی کی تیاریوں سے متعلق تفصیلی بریفنگ دی ۔تفصیلات کے مطابق کپتان کل موٹروے پر عظیم الشان ریلی کی قیادت کریں گے۔ریلی کا آغاز (آج) منگل سہ پہر تین بجے ہوگا ۔کپتان بلکسر کے مقام سے ریلی کی قیادت کریں گے۔ریلی براستہ تھوآ بائی پاس ، تلا گنگ روڈ سے چکوال پہنچے گی۔چکوال مین چیئرمین عمران خان جہاز چوک کے مقام پر ایک تاریخی خطاب کریں گے۔اس دوران بڑے پیمانے پر رکنیت سازی مہم کا آغا ز کیا جائے گا۔

اسلام آباد   (نیٹ نیوز) پاکستان تحریک انصاف (پی ٹی آئی) کے سابق صوبائی وزیر اور رکن خیبر پختونخوا اسمبلی ضیا اللہ آفریدی نے پاکستان پیپلز پارٹی (پی پی پی) میں شمولیت کا اعلان کردیا۔ضیا اللہ آفریدی نے زرداری ہاو¿س اسلام آباد میں پیپلز پارٹی کے صدر آصف علی زرداری سے ملاقات کی۔ملاقات میں ضیا اللہ آفریدی نے باضابطہ طور پر تحریک انصاف چھوڑ کر پیپلز پارٹی میں شمولیت کا اعلان کیا۔ملاقات کے دوران پیپلز پارٹی کے رہنما فیصل کریم کنڈی اور صوبائی صدر ہمایوں خان بھی موجود تھے۔

لاہور (خصوصی رپورٹ) عیدالاضحی کے قریب آتے ہی جہاں مویشی منڈیوں میں قربانی کے جانوروں کی قیمتیں آسمان کو چھونے لگی ہیں وہاں لاہور کی ضلعی انتظامیہ غیر قانونی مویشی منڈیوں کیخلاف دفعہ 144 نافذ کرنے کے باوجود بھی ان منڈیوں کو ختم نہیں کرسکی۔ بتایا گیا ہے کہ قربانی کے جانوروں کی قیمتیں میں اضافے کی وجہ سے ان منڈیوں میں خریداروں کی کمی واقع ہو گئی ہے۔ قربانی کے جانوروں کے بیوپاری اپنی مجبوریاں سامنے رکھ کر خریداروں سے من مانی قیمتیں وصول کرنے کے چکر میں ہیں جبکہ خریدار بہتر جانور کے حصول کی خواہش پر من مانگی قیمت ادا کرنے کو تیار نہیں بیوپاری اس بنیاد پر کم لاگت پر جانور فروخت کرنے کیلئے تیار نہیں کہ انہوں نے پورا سال جانوروں کو پالا ہے۔ دوسری طرف ایک سروے کے مطابق قربانی کے جانوروں کی ان منڈیوں میں اونٹوں کی تعداد نمایاں نظر آ رہی ہے۔ جن کی خریداری بھی بہت کم ہے اونٹوں کے ایک بیوپاری کے مطابق وہ صادق آباد سے تیس اونٹ لاہور لیکر آیا تھا جن میں سے اب تک چھ اونٹ فروخت کرسکا۔ دریں اثنا عیدالاضحی کی آمدکو چار روز باقی ہیں لیکن لاہور کے قصابوں نے قربانی کے جانوروں کو ذبح کرنے کی بکنگ بند کردی ہے۔ لاہور کے بیشتر پروفیشنل قصابوں نے عید کے پہلے دو روز کی بکنگ مکمل کرلی ہے جس کی وجہ سے شہریوں کو قصابوں کی بکنگ کے حوالے سے شدید مشکلات کا سامنا کرنا پڑ رہا ہے۔ قصابوں نے اپنی چھریاں اور چاقو تیز کروالیے ہیں۔ بڑے جانور کو ذبح کرنے کا معاوضہ 10سے 15ہزار، بکرا ذبح کرنے کا معاوضہ 3سے 5ہزار جبکہ اونٹ ذبح کرنے کا معاوضہ 30سے 40ہزار روپے مقرر کیا ہے۔ قصابوں کے مطابق عید کے دوسرے روز ان نرخوں میں 25سے 50فیصد کمی کر دی جائے گی جس کی وجہ طلب میں کمی بتائی جاتی ہے۔