اسلام آبا د(ویب ڈیسک)تحریک انصاف کے چیئرمین عمران خان نے پارلیمنٹ پر لعنت ملامت کی لیکن وہ اسی پارلیمنٹ سے سالانہ تنخواہ کی مد میں 25 لاکھ روپے سالانہ وصول کرچکے ہیںحالانکہ انہوں نے پارلیمانی سال 2016-17ئ میں قومی اسمبلی کے اجلاس کے 102 میں سے صرف دو دن شرکت کی۔ عمران اور ان کی پارٹی کے ارکان اگست 2014ءسے جون 2015ءتک 10 ماہ ایوان سے غیر حاضر رہے اس کے باوجود غیر حاضر ہر رکن کو ساڑھے آٹھ لاکھ روپے تنخواہ اور مراعات کی مد میں ملے۔ یہ رقوم ان کے بینک اکا?نٹس میں منتقل ہوئیں۔ تحریک انصاف کے قومی اسمبلی میں 32 ارکان ہیں جن کی سالانہ مجموعی طور پر تنخواہ 9 کروڑ 60 لاکھ روپے بنتی ہے اسی طرح سینیٹ میں تحریک انصاف کے 7 ارکان کی تنخواہیں دو کروڑ دس لاکھ روپے بنیں۔ ان ارکان پارلیمنٹ کو ملا کر ایک سال میں 11 کروڑ 70 لاکھ روپے ادا ہوئے۔قومی اسمبلی کے چوتھے پارلیمانی سال کے مطابق نواز شریف اور عمرا ن خان کی پارلیمنٹ میں حاضری کم ترین رہی۔
