لاہور (پ ر) وزیر اعلیٰ پنجاب محمد شہباز شریف سے پشتونخواملی عوامی پارٹی کے سربراہ محمود خان اچکزئی نے ملاقات کی، جس میں سیاسی صورتحال اور بین الصوبائی ہم آہنگی کے فروغ کے حوالے سے بات چیت کی گئی۔ دونوں رہنما¶ں نے پارلیمنٹ کو برا بھلا کہنے اور لعنت ملامت کرنے والوں کی مذمت کی اور جمہوری نظام کے استحکام کیلئے مل کر کام جاری رکھنے کے عزم کا اعادہ کیا ۔ وزیراعلیٰ محمد شہبازشریف نے اس موقع پر گفتگو کرتے ہوئے کہا کہ پارلیمنٹ قابل احترام ادارہ ہے، اس کے عزت و وقار کا خیال رکھنا جمہوری قوتوں کا فرض بھی ہے اور ذمہ داری بھی۔ پارلیمنٹ پر لعنت بھیجنے والوں کا محاسبہ محب وطن عوام کریں گے۔انہوں نے کہا کہ پاکستان کے مفادات کے سامنے ذاتی مفادات کی کوئی حیثیت نہیں اور جو سیاسی عناصر افراتفری چاہتے ہیں ان کے عزائم ڈھکے چھپے نہیں۔ انہوں نے کہا کہ نفاق کی سیاست کا بیج بونے والوں نے ملک کو تباہ و برباد کرنے میں کوئی کسر نہیں چھوڑی اور اب ایسے عناصر کو ہوش کے ناخن لینے چاہئیں۔ وزیراعلیٰ نے کہا کہ پاکستان جمہوری عمل کے باعث معرض وجود میں آیا۔ جمہوریت عوام کی خدمت کا نام ہے اور محض خالی نعروں یا نام نہاد تبدیلی کے دعوے کرنے سے عوام کی خدمت نہیں ہوتی، اس کیلئے مٹی سے مٹی ہونا پڑتا ہے۔ انہوں نے کہا کہ جمہوریت کے استحکام کیلئے ہر سیاسی جماعت پر بھاری ذمہ داری عائد ہوتی ہے اور پاکستان کی ترقی اور خوشحالی جمہوریت میں ہی مضمر ہے۔انہو ںنے کہا کہ پاکستان ہم سب کا سانجھا ملک ہے۔ پاکستان کی ترقی و خوشحالی کیلئے ہر ایک کو اپنا کردار ادا کرنا ہے او ر آج پاکستان کو اتحاد اور اتفاق کی جتنی ضرورت ہے، پہلے کبھی نہ تھی۔ وزیراعلیٰ پنجاب محمد شہبازشریف کی زیرصدارت آج اعلیٰ سطح کا اجلاس منعقد ہوا۔ اجلاس میں گڈ گورننس کے فروغ، عوام کو بہترین خدمات کی فراہمی اور صوبے کی ترقی کیلئے اٹھائے گئے اقدامات کا جائزہ لیا گیا۔وزیر اعلیٰ نے اجلاس سے خطاب کرتے ہوئے کہا کہ سرکاری اداروں میں انفارمیشن ٹیکنالوجی کے ذریعے انقلابی اصلاحات لائی گئی ہیں اور سرکاری اداروں میں آئی ٹی کے فروغ سے اداروں کی استعدادکار بڑھنے سے عوام کو خدمات کی فراہمی میں نمایاں بہتری آئی ہے۔ متوازن ترقیاتی حکمت عملی کے تحت دور دراز اور پسماندہ علاقوں کی ترقی پر خصوصی توجہ دی گئی ہے اوران علاقوں مےں اربوں روپے کے مےگاپراجےکٹس مکمل کےے گئے ہےں۔ انہوںنے کہاکہ عوام کو بہتر سے بہتر خدمات کی فراہمی کے مشن کو کامیابی سے آگے بڑھایا گیا ہے۔وزیر اعلیٰ نے کہا کہ صوبے میں ہر شعبے میں میرٹ کو فروغ دیا گیا ہے اورتمام اداروں میں بھرتیاں سوفیصد میرٹ اور اہلیت کی بنیاد پر کی گئی ہیں۔ انہوں نے کہا کہ وسائل کے درست اور شفاف استعمال کو یقینی بنایا گیا ہے۔اربوں روپے کی لاگت سے ایسی سکیمیں مکمل کی گئی ہیں جن سے عام آدمی کو فائدہ پہنچ رہا ہے۔ وزیر اعلیٰ نے کہا کہ توانائی بحران کے خاتمے کیلئے ہماری دن رات کی محنت رنگ لائی ہے اورتوانائی کے منصوبوں کی تکمیل سے لوڈشیڈنگ کا خاتمہ ہوا ہے۔ توانائی بحران کے خاتمے سے قومی معیشت کو براہ راست اربوں روپے کا فائدہ ہوا ہے۔ انہوں نے کہا کہ پنجاب حکومت نے ترقیاتی منصوبوں میں اربوں روپے کی بچت کی اعلیٰ مثال قائم کی ہے اورکفایت شعاری اور سخت مالیاتی ڈسپلن کے تحت بچائے گئے اربوں روپے بھی عوام کو ریلیف کی فراہمی کے پروگراموں پر صرف کئے گئے ہیں۔ وزیر اعلیٰ نے کہا کہ دور آمریت میں چنیوٹ۔رجوعہ کے قومی خزانے پراربوں روپے کی ڈاکہ زنی کی کوشش کو روکنا ہمارا کارنامہ ہے۔ہماری حکومت نے اس منصوبے میں چار سالہ جدوجہد کے نتیجے میں غریب قوم کے اربوں روپے بچائے ہیں۔تعلیم و صحت اور دیگر سماجی شعبوں کی بہتری کیلئے اٹھائے گئے اقدامات سے عوام کو ریلیف مل رہا ہے۔ انہوں نے کہا کہ اینٹوں کے بھٹوں پر کام کرنے والے ہزاروں بچوں کے ہاتھ میں قلم اور کتاب دی گئی ہے اورپنجاب ایجوکیشنل انڈومنٹ فنڈ کے تحت وسائل سے محروم پونے تین لاکھ سے زائد بچوں کو تعلیم کے مواقع فراہم کئے گئے ہیں۔صوبے کے 44 ہزار سکولوں میں عدم دستیاب سہولتیں فراہم کی گئی ہیں اورصوبے بھر میں جدید طبی سہولتوں سے آراستہ نئے ہسپتال بنائے گئے ہیں۔ وزیر اعلیٰ پنجاب محمد شہباز شریف نے معروف سیئنر صحافی، دانشورو وکالم نگار منو بھائی کے انتقال پر گہرے دکھ اور افسوس کااظہار کیا ہے۔ وزیر اعلیٰ نے سوگوار خاندان سے دلی ہمدردی اور تعزیت کااظہار کیا ہے۔ وزیر اعلیٰ پنجاب شہباز شریف نے مایہ ناز ایٹمی سائنسدانڈاکٹر اشفاق احمد کے انتقال پر گہرے دکھ اور افسوس کا اظہار کیا ہے۔ وزیر اعلیٰ پنجاب شہباز شریف نے صوبائی وزیر بلدیات منشاءاللہ بٹ کی بھانجی کے انتقال پر گہرے دکھ اور افسوس کا اظہار کیا ہے۔
