قصور (بیورو رپورٹ، ڈسٹرکٹ رپورٹر) قصور کی ننھی کلی زینب کی بہن نے مطالبہ کیا ہے کہ ان کی بہن کے قاتل کو سرعام پھانسی دی جائے اور باقی لوگوں کیلئے نشان عبرت بنایا جائے۔ میڈیا سے گفتگو کرتے ہوئے زینب کی بڑی بہن کا کہنا تھا کہ ہم چاہتے ہیں کہ ہماری بہن کے قاتل کو سرعام پھانسی کی سزا دی جائے اور یہ کہتا ہے کہ اسے جن آتے ہیں تو اس کے جن بھی سرعام نکالے جائیں۔ زینب کے بھائی کا کہنا تھا کہ میری بہن کے قاتل کو پوری قوم کے سامنے پھانسی کی سزا دی جائے اور اسے نشان عبرت بنایا جائے۔
