اسلام آباد (خصوصی رپورٹ) الیکشن کمیشن سینیٹ انتخابات کے لئے شیڈول 2 فروری کو جاری کرے گا۔ ذرائع کے مطابق 11 مارچ کو 104 میں سے سینیٹ کے 52 ممبران ریٹائرڈ ہو رہے ہیں جن میں پنجاب اور سندھگ سے 12، 12 خیبر پختونخوا اور بلوچستان سے 11، 11 سینیٹرز ریٹائر ہو رہے ہیں۔ ذرائع نے بتایا کہ پیپلز پارٹی کے 26 ممبران میں سے 18 سینیٹرز، مسلم لیگ (ن) کے 27 میں سے 9 سینیٹرز ریتائر ہو رہے ہیں جب کہ اسلام آباد سے 2 اور فاٹا سے بھی 4 سینیٹرز ریٹائر ہو جائیں گے۔ ذرائع کے مطابق ایم کیو ایم کے طاہر مشہدی، نسرین جلیل اور فروغ نسیم بھی ریٹائر ہونے والوں میں شامل ہیں جب کہ اسحاق ڈار، کامران مائیکل، ذوالفقار کھوسہ اور نثار میمن بھی ریٹائر ہو جائیںگے۔ ذرائع کے کہنا ہے کہ سینیٹ انتخابات کے لئے آراو اور آراو کیناموں کو حتمی شکل دے دی گئی ہے فاٹا کی 4 نشستوں پر کے لئے ایڈیشنل ڈی جی الیکشن کمیشن بطور ریٹرننگ افسر ہوں گے جس کا نوٹیفکیشن جاری کر دیا گای ہے۔ واضح رہے کہ الیکشن کمیشن نے سینیٹ انتخاب 2015ءکا شیڈول 19 جنوری کو جاری کیا تھا۔
