سابق حسینہ عالم ایشوریا رائے بچن اور ابھیشیک 10 سال سے رشتہ ازدواج میں منسلک ہیں اور ان کی ایک بیٹی ارادھیا ہے۔بچن فیملی تمام تہوار، سالگرہ اور تقریبات ایک ساتھ منانے کے حوالے سے شہرت رکھتی ہے لیکن اب ایشوریا کی ضد اس روایت کو توڑنے والی ہے۔ایشوریا بچن اپنے شوہر ابھیشیک بچن کی 5 فروری کو 42 ویں سالگرہ سڈنی میں منانا چاہتی ہیں اور ان کی خواہش کی وجہ سے وہ بچن خاندان کے ساتھ سالگرہ نہیں مناسکیں گے۔بھارتی میڈیا رپورٹس میں دعویٰ کیا گیا ہے کہ سابق حسینہ عالم کو اپنی نند اور ابھیشیک کی اکلوتی بہن شویتا بچن سے کئی معاملات پر اختلاف ہے جس کی وجہ سے ویرات کوہلی اور انوشکا شرما کے استقبالیے میں بھی دونوں ایک دوسرے کو نظر انداز کرتی رہیں۔انہی وجوہات کی بنائ پر ایشوریہ بچن خاندان کے بجائے صرف اپنے شوہر کے ساتھ سڈنی میں سالگرہ منانے کی خواہش مند ہیں۔ایک اور رپورٹ میں کہا گیا ہے کہ ایشوریا رائے سڈنی میں ایک تقریب میں شرکت کے لیے جائیں گی اور وہ چاہتی ہیں کہ شوہر اور بیٹی بھی ان کے ساتھ ہوں۔رپورٹس کے مطابق ایشوریا ابھیشیک اور بیٹی کے ہمراہ 2 فروری کو سڈنی روانہ ہوجائیں گی جہاں سے ان کی واپسی 7 فروری کو ہوگی۔

ممبئی (ویب ٹیسک)بالی ووڈ کے سپر سٹار شاہ رخ خان نے ایک اور بچے کی خواہش کا اظہار کرتے ہوئے کہا ہے کہ وہ اس کا نام اکنشا رکھیں گے۔میڈیا رپورٹس کے مطابق بھارتی فلم انڈسٹری میں کنگ خان کے نام سے مشہور اداکار شاہ رخ خان نے ایک اور بچے کی خواہش کا اظہار کر دیا ہے۔ ایک پروگرام کے دوران گفتگو کرتے ہوئے ان کا کہنا تھا کہ اگر ان کا بیٹا ہوا تو وہ اس کا نام اکنشا رکھیں گے۔واضح رہے کہ شاہ رخ خان3 بچوں کے باپ ہیں،ان کا سب سے بڑا بیٹا آریان خان 1997، بیٹی سہانا خان 2000 اور سب سے چھوٹا بیٹا ابرام 2013 میں پیدا ہوا تھا جبکہ ابرام کی پیدائش سروگیٹ کے ذریعے ہی ہوئی تھی۔۔