لاہور: مشہور ادیب اور ڈراما نگار منیر احمد قریشی عرف منو بھائی طویل علالت کے بعد انتقال کر گئے۔  منو بھائی کئی روز سے پھیپڑوں کے مرض میں مبتلا تھے، آج صبح طبیعت زیادہ بگڑنے پر وہ اپنے خالق حقیقی سے جا ملے ان کی نماز جنازہ آج بعد نماز عصر لاہور میں ادا کی جائے گی۔منیر احمد قریشی نے 6 فروری 1933 کو وزیر آباد میں آنکھ کھولی۔ ان کے دادا میاں غلام حیدر قریشی امام مسجد تھے، کتابوں کی جلد سازی اور کتابت ان کا ذریعہ معاش تھا۔ وہ شاعری بھی کرتے تھے۔ انہوں نے اپنے دادا سے ہی ہیر رانجھا، سسی پنوں، سوہنی مہینوال، مرزا صاحباں، یوسف زلیخا کے قصے اور الف لیلیٰ کی کہانیاں سنیں، جس نے ان کی تخلیقی صلاحیتوں کو جلا بخشی۔وزیرآباد سے 1947 میں میٹرک کرنے کے بعد وہ گورنمنٹ کالج کیمبل پور (اٹک) آگئے جہاں شفقت تنویر مرزا، منظور عارف اور عنایت الہی سے ان کی دوستی ہوئی۔ منیر احمد قریشی کو منو بھائی کا نام بھی احمد ندیم قاسمی نے دیا۔7 جولائی 1970 کو اردو اخبار میں ان کا پہلا کالم شائع ہوا۔ جس کے بعد انہوں نے مختلف اخبارات میں ہزاروں کالم لکھے۔ غربت، عدم مساوات، سرمایہ دارانہ نظام، خواتین کا استحصال اور عام آدمی کے مسائل منو بھائی کے کالموں کے موضوعات تھے۔ڈرامہ نگاری بھی منو بھائی کی شخصیت کا ایک معتبر حوالہ ہے۔ انہوں نے پی ٹی وی کے لیے سونا چاندی، جھوک سیال، دشت اور عجائب گھر جیسےلازوال ڈرامے تحریر کیے۔منو بھائی کے انتقال پر وزیرا علیٰ پنجاب شہباز شریف نے ان کے اہل خانہ سے دلی ہمدردی اور اظہار تعزیت کرتے ہوئے کہا ہے کہ منو بھائی اردو ادب میں نمایاں مقام رکھتے تھے، انہوں نے اردو کالم نویسی کو اختراعی جہت عطا کی، منو بھائی کی ادبی و صحافتی خدمات ناقابل فراموش ہیں ، ان کی ادب اور صحافت کے لیے خدمات کو تادیر یاد رکھا جائے گا۔

لاہور(وقائع نگار) عوامی تحریک کے سربراہ ڈاکٹر محمد طاہرالقادری نے کہا ہے کہ عوامی تحریک کی پہچان ہی عوامی طاقت ہے، ہمارے دشمن بھی ہماری اس طاقت سے اچھی طرح واقف ہیں، ماڈل ٹاﺅن کے قتل عام میں ملوث شریف برادران کو کٹہرے میں لانے کیلئے ملک بھر سے کثیر تعداد میں سیاسی قیادت کو ایک سٹیج پر جمع کرنے کا ہدف 100فیصد حاصل ہوا، حصول انصاف کیلئے شروع کیے گئے احتجاج کی گاڑی کو ابھی پہلا گیئر لگایا، کب کتنی طاقت دکھانی اور گاڑی دوڑانی ہے اس کا فیصلہ اپنی حکمت عملی کے مطابق کریں گے، کرسیوں کی گنتی ہمارا نہیں مخالفین کا مسئلہ ہے،جب جتنی عوامی طاقت درکار ہو گی جمع کر لیں گے۔ وہ گزشتہ روز سنٹرل کور کمیٹی کے اجلاس سے خطاب کررہے تھے۔ ڈاکٹر طاہرالقادری نے حصول انصاف کیلئے 17 جنوری کے احتجاج میں شریک ہونے والی جماعتوں کی جملہ قیادت اور کارکنان کا شکریہ ادا کیا اور کہا کہ حصول انصاف کی احتجاجی تحریک کے حوصلہ افزاءآغاز پر مطمئن ہوں، آئندہ کے لائحہ عمل کیلئے جلد سٹیرنگ کمیٹی کااجلاس بلائیں گے۔ ڈاکٹر طاہرالقادری نے کہا کہ مال روڈ احتجاج میں انسانی حرمت کے تحفظ اورقاتل اشرافیہ کے خلاف تمام جماعتوں کے کارکن جھنڈے سے جھنڈا اور کندھے سے کندھا ملا کر کھڑے ہوئے، الحمداللہ اول تا آخر پیار، محبت اور قومی یکجہتی کا شاندار سماں رہا، ورنہ تنہا پارٹی کے جلسے میں کرسیاں چلنے کی مثالیں عام ہیں۔ متحدہ اپوزیشن کے مال روڈ کے احتجاجی جلسہ میںنہ کسی کے بینر کا مسئلہ تھا نہ کسی کے خطاب کا، نہ کسی کیلئے کرسی مسئلہ تھی نہ کسی نعرے کا کوئی مسئلہ تھا، مال روڈ کا احتجاجی جلسہ قومی پرچم کے سائے تلے ہم ایک ہیں کا شاندار عملی مظاہرہ تھا۔ڈاکٹر طاہرالقادری نے کہا کہ سب جماعتیں اپنے اپنے پارٹی منشور اور پالیسی کے مطابق سیاست کرنے اور مختلف ایشوز پر پارٹی موقف دینے کا حق رکھتی ہیں مگر بے گناہ انسانی خون بہانے کے غیر انسانی عمل کے خلاف قومی قیادت کا یکجا ہونا بہت بڑی پیشرفت ہے۔ ڈاکٹر طاہرالقادری نے کہا کہ یہ یکجہتی قائم رہی تو مٹھی بھر قاتل اپنے انجام سے کسی صورت بچ نہیں پائیں گے۔ انہوں نے کہا کہ ن لیگ ایک انتہا پسند جماعت ہے، ن لیگ کے لیڈروں کے کالعدم جماعتوں سے روابط کسی سے ڈھکے چھپے نہیں ہیں، شریف برادران دولت لوٹنے،بچانے، کرسی حاصل کرنے اور اسے بچانے کیلئے بے گناہوں کا خون بہانے سمیت کسی بھی سطح پر گر سکتے ہیں، سانحہ ماڈل میں 100 لوگوں کو گولیاں مارنا 14 کو شہید کرنا، قصور میں ڈائریکٹ فائرنگ کر کے شہریوں کو قتل کرنا اور سیاسی کارکنوں کے خلاف دہشتگردی کی دفعات کے تحت جھوٹے مقدمات درج کرنا اس کے ناقابل تردید شواہد ہیں۔ ہم انتہا پسند ن لیگ کے نام نہاد ٹھیکیداروں کو ان کے انجام تک پہنچائیں گے اور وقت آنے پر آخری گیئر بھی لگا دیں گے۔

لاہور (خبر نگار) سابق صدرآصف علی زرداری نے تحرےک انصاف کے چےئرمےن عمران خان کوحکومت اورپارلیمنٹ میں تمیزکرنےکامشورہ دےتے ہوئے کہاکہ پارلیمنٹ عوام کا نمائندہ ادارہ ہے اسے گالی نہیں دی جاسکتی،حکومتی پالیسیوں پراعتراض کیاجاسکتاہے پارلیمنٹ کوبرا نہیں کہاجاسکتا۔ ان خےالات کااظہارسابق صدرآصف زرداری نے پیپلز پارٹی پنجاب کی قیادت سے ملاقات کے دوران گفتگو کرتے ہوئے کےا ۔ انہوںنے کہاکہ پارلیمنٹ کواس میں ہونیوالی قانون سازی کی بنیادپرملعون نہیں کہاجاسکتاجس قانون سازی کی بنیادپرپارلیمنٹ کوبراکہاجارہاہے ا س میں تمام جماعتیں شامل تھیںجبکہ پیپلزپارٹی نے سینیٹ میں اس قانون سازی کا راستہ روکااور حکومت نے قومی اسمبلی میں اکثریت کی بنیاد پر بل پاس کرایا۔ انہوںنے کہاکہ پارلیمنٹ کے اندر اقدامات حکومت کے ہوتے ہیں پارلیمنٹ کے نہیں، پارلیمنٹ کے اندرایجنڈاحکومت یاارکان لےکرآتے ہیں، پارلیمنٹ خودایجنڈامقررنہیں کرتی۔ انہوںنے کہاکہ پارلیمنٹ عوام کا نمائندہ ادارہ ہے اسے گالی نہیں دی جاسکتی، حکومتی پالیسیوں پراعتراض کیا جا سکتاہے پارلیمنٹ کوبرا نہیں کہا جا سکتا۔ انہوںنے کہاکہ قانون میں کمزوری ہوتوکبھی بھی بہتربنایاجا سکتا ہے ،پارلیمنٹ کوگالی دینے کی نہیں بلکہ اسے مضبوط بنانے کی ضرورت ہے۔ انہوںنے کہاکہ پارلیمنٹ کواس قدرموثربنایا جائے کہ متنازع قوانین نہ بن سکیں۔

اسلام آباد (مانیٹرنگ ڈیسک) عوامی مسلم لیگ کے سربراہ شیخ رشید نے اسمبلی رکنیت سے استعفے کے بعد دبئی اڑان کی تیاریاں پکڑ لی ہیں، اس حوالے سے قومی ائرلائن پر ان کی سیٹ بھی کنفرم ہو گئی ہے، شیخ رشید صبح 7:30پر اسلام آباد سے دبئی کے روانہ ہوں گے ۔ میڈیا رپورٹس کے مطابق عوامی مسلم لیگ کے سربراہ شیخ رشید کل صبح 7:30پر اسلام آباد سے دبئی روانہ ہوں گے، وہ پی آئی اے کی فلائٹ کے ذریعے دبئی جائیں گے جبکہ پی آئی کی فلائٹ پی کے211میں ان کی سیٹ کنفرم کردی گئی ہے۔ تاحال ان کی دبئی روانگی اور ان کی مدت قیام کے حوالے سے کوئی بھی تفصیل سامنے نہیں آئی ہے۔ واضح رہے کہ گذشتہ روزعوامی مسلم لیگ کے سربراہ شیخ رشیدنے متحدہ اپوزیشن کے اجلاس میں دوران خطاب کہا تھا کہ میں پارلیمنٹ پر لعنت بھیجتا ہوں اور اس کی رکنیت سے مستعفی ہو رہا ہوں۔ لیکن بعد ازاں نجی ٹی وی سے گفتگو کرتے ہوئے ان کا کہنا تھا کہ وہ شدید بیمار ہیں اور تاحال اپنا استعفی بھیج نہیں سکے ہیں۔

لاہور (طلال اشتےاق) جنوبی پنجاب کی محروم ختم نہ ہوسکی نشتر ہسپتال ملتان اےمرجنسی مےں جان بچانے والی ادوےات ختم، وارڈز مےں داخل مرےض ادوےات کےلئے بلبلا اٹھے ہسپتال مےں تعےنات گرےڈ 20کے 15ڈاکٹروں پر گرےڈ 19کے راجن پور کے ڈسٹرکٹ ہےلتھ آفےسر ڈاکٹر عبدالرحمن قرےشی کو اےم اےس نشتر ہسپتال ملتان تعےنات کروادےا گےا جبکہ چند ہفتے قبل سپشلائزڈ اور پرائمری سکےنڈری کے دونوں وزرا اور سےکٹرےز نے نشتر ہسپتال ملتان کا دورہ کےا لےکن اےم اےس نشتر ہسپتال ڈاکٹر عبدالرحمن سےکرٹری سپیشلائز ہےلتھ کےئر نجم شاہ کے سوالوں کے جواب نہ دے سکے اور اے اےم اےس کو آگے کردےا جس پر سےکرٹری صحت اور دونوں وزرابھی ناراضگی کے باوجود اےم اےس نشتر ہسپتال کے سامنے بے بس نظر آئے۔ ذرائع نے انکشاف کےا ہے کہ نشتر ہسپتال ملتان مےں تعےنات اےم اےس خواب آور ادوےات استعمال کرکے سوائے رہتے ہےں جس کی وجہ سے انتظامی امور بری طرح متاثر ہورہے ہےں۔ نشتر ہسپتال ملتان وزےراعلی پنجاب مےاں شہبازشرےف کے دورے کا منتظر ہے۔ تفصےلات کے مطابق نشتر ہسپتال ملتان کا شمار پنجاب کے بڑے ہسپتالوں مےں شمار ہوتا ہے ملتان مےں واقع ہسپتال نہ صرف ملتان اور دےگر اضلاع کے غرےب مرےضوں کے لئے اہمےت کا حامل ہے جبکہ محکمہ سپشلائزڈ ہےلتھ کےئر کی ناقص حکمت عملی اور اےم اےس نشتر ہسپتال ڈاکٹر عبدالرحمن کی تگڑی سفارش کے سامنے محکمہ اور ہسپتال کی انتظامےہ ےرغمال بنی ہوئی ہے ۔ نشتر ہسپتال کی اےمرجنسی مےں واقع آپرےشن تھےٹر کا ٹےبل ٹوٹ پھوٹ کا شکار ہے جہاں مرےضوںکے آپرےشن کے دوران ٹےبل کو سہارا دےنے کے لئے سٹول استعمال کئے جارہے ہےں جبکہ شعبہ اطفال کا حال کچھ ےوں ہے کہ اےک ننھے معصوم بچوں کی زندگےاں بچانے کے لئے ان کے والدےن مصنوعی سانس دےنے کے لئے ہاتھ سے پمپ کرنے پر مجبور ہےں۔ ذرائع نے بتاےا کہ ہسپتال مےں داخل مرےضوں کو ادوےات مےسر نہےں ہےں جبکہ پورا ہسپتال اس وقت اےل پی پر چل رہا ہے جبکہ اےل پی کا ٹھےکہ من پسند مےڈےکل سٹورکو دےا ہے۔